Журналістка, каталіцкая верніца з Полацка.Ціна даўно не займалася журналістыкай, выхоўвала 2-х дачок, працавала ў архівах, у тым ліку расійскіх, выконваючы прыватныя замовы па стварэнні біяграфічных нарысаў, сямейных кніг, гісторый аб удзельніках Другой сусветнай вайны.
Раней, у 2022 годзе, журналістку судзілі па адміністрацыйным артыкуле і падвяргалі буйному штрафу за жоўтую і блакітную стужкі на сумцы, а Следчы камітэт праводзіў разбор адносна яе пасады ў Facebook і ладзіў ператрус у доме журналісткі.
З канца траўня 2025 года перастала выходзіць на сувязь. Ціна і яе старэйшая дачка Маргарыта, 22 гады, знаходзяцца пад вартай па крымінальнай справе. У Ціны таксама ёсць малодшая непаўналетняя дачка - ёй 14 гадоў.
Падрабязнасці абвінавачання афіцыйна не раскрываюцца. Па ўскосных прыкметах ёсць меркаванне , што справа можа быць звязана з рашэннем КДБ прызнаць «Беларускую аналітычную майстэрню» прафесара Андрэя Вардамацкага экстрэмісцкім фармаваннем. Гэтая арганізацыя праводзіла сацыялагічныя апытанні сярод беларускіх грамадзян. На дадзены момант няма ніякіх пацверджанняў, што Ціна ці яе дачка сапраўды ўдзельнічалі ў даследаваннях БАМ. Але нават калі б такі ўдзел меў месца, ён не парушаў бы закон: на момант магчымага кантакту з майстэрняй яна яшчэ не была прызнана экстрэмісцкім фармаваннем.
13 кастрычніка 2025 года стала вядома, што памёр муж Ціны - пісьменнік Алесь Палынскі .
