Калі ў чэрвені 2024 года КДБ Беларусі аб'явіў праект Media IQ экстрэмісцкім фарміраваннем, то называў Піткевіч сярод яго ўдзельнікаў. Прыкладна ў той жа час акаўнты Паліны апошні раз былі анлайн.
Паліна Піткевіч нарадзілася ў 1994 годзе. Скончыла факультэт журналістыкі БДУ (2016). Яна захаплялася тэатрам і нейкі час іграла як актрыса ў Лабараторыі сацыяльнага тэатра ў Мінску. Як журналістка пісала на культурныя тэмы. Таксама Паліна вядома сваёй любоўю да жывёл - на яе старонках у сацсетках можна знайсці мноства аб'яў аб дапамозе бяздомным хвастатым. Па словах знаёмых, у Паліны ля самай хаты жыў не адзін выратаваны кот.
