Аляксей — урач-тэрапеўт, загадчык аддзялення прафілактыкі гарадзенскай гарадской паліклінікі № 5. У лістападзе 2021 года яго затрымалі супрацоўнікі ГУБАЗіК. Паводле версіі абвінавачання, Аляксей сяброўстваваў у «дэструктыўных» тэлеграм-каналах і пісаў там каментары: нібыта абражаў міліцыянтаў і Лукашэнку, заклікаў да масавых беспарадкаў, блакавання чыгункі і санкцый. Пакуль Аляксей знаходзіўся ў СІЗА, праўладная газета «СБ. Беларусь сегодня» апублікавала ягоны «пакаяльны ліст».
У чэрвені 2022 года Аляксея прызналі вінаватым па крымінальнай справе, узбуджанай па артыкуле «Арганізацыя масавых беспарадкаў» і яшчэ пяці артыкулах, за гэтыя каментары ў інтэрнэце.
