У 2020-2021 гадах Алеся два разы прыцягвалі да адміністрацыйнай адказнасці за ўдзел у пратэстах і сцяг у двары прыватнага дома. Пасля 2021 года Алесь некалькі разоў выязджаў у Літву і Польшчу.
Быў затрыманы напрыканцы сакавіка на мяжы з Літвой, адкуль ён вяртаўся пасьля заробкаў. Спачатку ў яго знайшлі "экстрэмізм" у тэлефоне і асудзілі на адміністрацыйны арышт. Потым Алесь апынуўся ў СІЗА па абвінавачанні ў палітычна матываваным крымінальным артыкуле.
Праз некалькі дзён пасьля гэтага ў Менску быў затрыманы брат Алеся - Вадзім Здароўенаў. Першапачаткова яму інкрымінавалі "абразу Лукашэнкі", але могуць быць абвінавачаныя і іншыя артыкулы.
