Былы кіраўнік Службы паветранай разведкі. Асуджаны судовай калегіяй па крымінальных справах Віцебскага абласнога суда па арт. 356 КК РБ - здрада дзяржаве. Справу разглядаў у закрытым фармаце з 28 сакавіка па 15 траўня 2023 года. Дакладны прысуд, вынесены Валерыю, невядомы, але былыя палітвязні паведамілі, што ён больш за сем гадоў.
У снежні 2022 года тэлеканал "Беларусь 1" выпусціў фільм пра контрразведку КДБ, дзе расказалі пра беларусаў і грамадзян іншых краін, якіх абвінавачваюць у працы на замежныя спецслужбы. Валерыя Раманоўскага ў фільме назвалі "былым начальнікам службы паветранай разведкі". У сюжэце "Беларусь 1" гаворыцца, што падчас службы сваяк з Літвы "звёў" падазраванага з агентамі дэпартамента дзяржбяспекі краіны. Для іх Раманоўскі фатаграфаваў службовыя дакументы, а аднойчы перадаў спецслужбам звесткі аб будаўніцтве БелАЭС, сцвярджаецца ў фільме.
