Затрыманы разам з усёй сям'ёй (маці, бацька, сястра) па падазрэнні ў "дзяржізмене". Сястру пазней, мяркуючы па ўсім, адпусцілі. Паўлу 27 гадоў. Ён нарадзіўся ў Грабаўцы. Працаваў у будаўніцтве.
Удзельнікі закрытага працэсу маюць падпіскі аб неразгалошванні. З неафіцыйнай крыніцы вядома, што крымінальная справа тычыцца фатаграфавання розных аб'ектаў на тэрыторыі Беларусі, а за фігурантамі справы нейкі час перад арыштам сачылі спецслужбы.
Сям'я Прохаравых доўгі час жыла ў вёсцы Грабаўка Гомельскага раёна. На момант затрымання яны жылі ў вёсцы Уза Гомельскага раёна, куды пераехалі два гады таму.
