Камітэт дзяржбяспекі ў прапагандысцкім фільме 11 верасня 2023 года паведаміў , што затрымаў у Беларусі шэсць чалавек па абвінавачанні ў супрацоўніцтве з "Службай бяспекі Украіны" і "падрыхтоўцы тэрактаў". На відэа некаторыя з іх выглядаюць збітымі, некаторых на следчых дзеяннях водзяць на ланцугах, аднаго з затрыманых знялі ў СІЗА КДБ. У выніку трох чалавек, у тым ліку Мікалая, абвінавацілі адразу па шасці артыкулах Крымінальнага кодэкса, у тым ліку "Здрада дзяржаве" і "агентурную дзейнасць".
Мікалай, па сцвярджэнні праўладных СМІ, па заданні ўкраінскіх спецслужбаў правяраў схроны, а таксама за грошы выконваў і іншыя даручэнні.
