Мікалай скончыў фізфак БДУ, пасля ўніверсітэта пайшоў працаваць у кампанію InterVelopers, якая неўзабаве пачала супрацоўнічаць з «Варгеймінгам». З 2002 года Мікалай пачаў кіраваць развіццём бізнесу ў кампаніі і займае гэтую пасаду да гэтага часу. Бізнесмен, па дадзеных CSE, валодае каля 17% акцый "Варгеймінга". "Штодзённік" традыцыйна ўключаў яго ў спіс найбольш уплывовых беларускіх бізнесменаў - у рэйтынгу за 2021 год ён заняў 18 месца.
У прапагандысцкім кіно сцвярджаецца, што ён зрабіў "дзясяткі пераводаў у крыптавалюце" на "сотні тысяч даляраў" у розныя ініцыятывы, прызнаныя экстрэмісцкімі.
Цяпер Кацалапаў на волі і за мяжой, таму на яго завялі спецвытворчасць.
Вырак суда 08.09.2025
13 гадоў пазбаўлення волі ў калоніі ва ўмовах узмоцненага рэжыму, 50000 базавых велічынь штрафу (завочны суд).
Сяргей, супрацоўнік фонду "Вяртанне", быў затрыманы раніцай 4 лістапада 2022 года ў сябе дома пасля ператрусу. Пасля амаль пяці месяцаў зняволення ён быў вызвалены (паводле наяўнай інфармацыі - пад даручальніцтва). Падрабязнасці ягонай справы практычна невядомыя.
У сакавіку 2024 года Сяргея асудзілі па артыкуле "Фінансаванне дзейнасці экстрэмісцкага фарміравання" і прыгаварылі да абмежавання волі з накіраваннем ва ўстанову адкрытага тыпу.
Па падліках праваабаронцаў, ён быў вызвалены ў пачатку ліпеня 2025 года, цалкам адбыўшы прызначаны судом тэрмін пакарання.
Вырак суда 26.03.2024
2 гады абмежаванні волі з накіраваннем ва ўстанову адкрытага тыпу.
Як стала вядома з судовай пастановы, Наста пасля пачатку поўнамаштабнага ўварвання Расіі ва Украіну пераехала з Беларусі ў Польшчу. Знаходзячыся ў суседняй краіне, яна паспрабавала зрабіць ахвяраваньне са свайго беларускага банкаўскага рахунку праз інтэрнэт-банкінг палку імя Каліноўскага памерам 16,71 даляраў ЗША, аднак транзакцыя не прайшла.
Пазней палітвязня вырашыла вярнуцца ў Беларусь, дзе была затрыманая. Варта адзначыць, што на момант пералічэння сродкаў Настассяй полк імя Каліноўскага не быў прызнаны "экстрэмісцкім фармаваннем".
Вырак суда 14.06.2023
3 гады пазбаўлення волі ў калоніі ва ўмовах агульнага рэжыму.
Згодна з праўладным тэлеграм-каналам 45-гадовы Аляксандр, галоўны інжынер завода ААТ «Мілкавіта» ", спрабаваў сарваць правядзенне рэспубліканскага рэферэндуму, а таксама дасылаў грошы ў фонд BySol.
Міхаіл, уладальнік ювелірнай майстэрні «Самародак», вырабляў упрыгожванні для ўдзельнікаў рэканструктарскіх клубаў і вывучаў гісторыю Сярэднявечча. У лютым 2022 года ён быў затрыманы і пазней асуджаны паводле абвінавачання ў «паклёпе і абразе Лукашэнкі», а таксама па артыкуле «абраза прадстаўніка ўлады».
У траўні 2024 года адбылося новае судовае паседжанне, па выніках якога Міхаілу ўзмацнілі жорсткасць умовы ўтрымання, перавядучы яго на турэмны рэжым.
У лютым 2025 года яго зноў асудзілі, на гэты раз па артыкуле «фінансаванне дзейнасці экстрэмісцкага фарміравання», прыгаварыўшы да абмежавання волі. У выніку пасля пераліку агульны тэрмін зняволення павялічыўся на паўгоды.
Вызвалены вясной 2026 года, цалкам адбыўшы прызначаны судом тэрмін пакарання.
Ён быў затрыманы 10 снежня і прыгавораны да адміністрацыйнага арышту. Але пасля яго адбыцця на волю ён не выйшаў.
Пасля затрымання на праўладных каналах з'явілася «пакаянае відэа», на якім ён казаў, што нібыта перадаваў трэцім асобам інфармацыю, звязаную з ягонай прафесійнай дзейнасцю. Але ў кампаніі затым заявілі, што Мікалай не меў доступу да дадзеных кліентаў.
Суд праходзіў у закрытым рэжыме, аднак стала вядома , што Мікалая Брэдзелева прызналі невінаватым па ч. 2 арт. 424 КК (Злоўжыванне ўладай ці службовымі паўнамоцтвамі) і апраўдалі за недаказанасцю ўдзелу ў здзяйсненні злачынства.
Яго абвінавацілі ў выдзяленні грашовых сродкаў для свядомага забеспячэння дзейнасці экстрэмісцкага фарміравання (арт. 361-2 Крымінальнага кодэкса) — блогера Антона Матолькі абверг дадзенае абвінавачанне.
Вартаўнік — гэта значыць, ты хочаш рэгулярна дапамагаць канкрэтнаму чалавеку ў зняволенні праз яго сям'ю. Выберы палітвязня і націсні «Стаць Вартаўніком», наша каманда звяжацца з вамі ў бліжэйшы час.
Вы можаце запытаць лісты, якія знаходзяцца ў нас на захоўванні, для гэтага пакіньце свой тэлеграм акаўнт для зваротнай сувязі, мы звяжамся з вамі і пасля верыфікацыі асобы перадамо архіў з вашымі лістамі.
Вы з'яўляецеся сваяком ці блізкім палітвязня? Дашліце нам кароткі опіс і ваш кантакт у Telegram для зваротнай сувязі. Пасля верыфікацыі дадзеных мы апублікуем вашага блізкага на сайце.
У вас ёсць інфармацыя аб адміністрацыйным пераследзе? Калі ласка, дашліце нам кароткае апісанне і ваш кантакт у Telegram для зваротнай сувязі. Пасля праверкі даных мы апублікуем вашу інфармацыю на сайце.
