Пераслед завершаны

Алег быў затрыманы ў жніўні 2021 года ў межах крымінальнай справы, узбуджанай па артыкуле «арганізацыя або актыўны ўдзел у групавых дзеяннях, якія груба парушаюць грамадскі парадак», і ў лістападзе таго ж года асуджаны за ўдзел у паслявыбарчай акцыі пратэсту, якая прайшла 10 жніўня 2020 года ў Мінску.

Па падліках праваабаронцаў, ён быў вызвалены летам 2024 года, цалкам адбыўшы прызначаны судом тэрмін пакарання.

Дзяніс быў затрыманы ў жніўні 2021 года ў рамках крымінальнай справы, узбуджанай па артыкуле «арганізацыя або актыўны ўдзел у групавых дзеяннях, якія груба парушаюць грамадскі парадак», і ў лістападзе таго ж года асуджаны за ўдзел у паслявыбарчай акцыі пратэсту, якая прайшла ў жніўні 2020 года ў Мінску. Вядома, што тады яму прыйшлося перажыць шматлікае: збіццё і жорсткае абыходжанне.

З лютага 2022 года Дзяніс пачаў адбываць пакаранне ў папраўчай установе адкрытага тыпу, аднак увесну 2023 года рэжым быў узмоцнены, і яго перавялі ў калонію.

Па падліках праваабаронцаў, ён быў вызвалены ў снежні 2023 года, цалкам адбыўшы прызначаны судом тэрмін пакарання.

Дзяніс быў затрыманы ў жніўні 2020 года ў межах крымінальнай справы, узбуджанай па артыкуле «гвалт або пагроза прымянення гвалту ў дачыненні да супрацоўніка органаў унутраных спраў», і праз тры месяцы прызнаны вінаватым за абразу супрацоўніка роты ППС у інтэрнэце. Першапачаткова Дзянісу быў прызначаны прысуд з абмежаваннем волі без накіравання, аднак пракурор падала апеляцыю ў абласны суд у сувязі з мяккасцю прысуду, але рашэнне было пакінута без зменаў. Пасля гэтага апеляцыя была пададзена на імя старшыні абласнога суда — вердыкт зноў застаўся першапачатковым.

У жніўні 2021 года Вярхоўны суд адмяніў усе апеляцыйныя пастановы і адправіў справу на новы апеляцыйны разгляд, у выніку чаго пакаранне было зменена на абмежаванне волі з накіраваннем у папраўчую ўстанову адкрытага тыпу.

Вызвалены восенню 2023 года, цалкам адбыўшы прызначаны судом тэрмін пакарання.

23 студзеня 2024 года Дзяніс быў зноў затрыманы падчас рэйду КДБ за прадуктовую дапамогу ад ініцыятывы INeedHelpBY і 1 лютага таго ж года асуджаны па артыкуле «выкарыстанне замежнай бязвыплатнай дапамогі для ажыццяўлення тэрарыстычнай ці іншай экстрэмісцкай дзейнасці». Яму быў прызначаны буйны штраф і кампенсацыя «замежных» плацяжоў у Е-дастаўцы.

Вадзім, блогер Vadimati, быў затрыманы 16 жніўня 2021 года і двойчы асуджаны па адміністрацыйных артыкулах — спачатку за заклікі на спартыўнае мерапрыемства, затым — за нецэнзурныя выказванні ў адрас ЖКГ і гарвыканкама.

У верасні таго ж года стала вядома, што супраць Вадзіма была ўзбуджаная крымінальная справа па артыкулах аб «здзеках з дзяржаўных сімвалаў» і «абразе Лукашэнкі».

У снежні 2021 года Вадзім быў прызнаны вінаватым і прыгавораны да пазбаўлення волі.

Вызвалены ў чэрвені 2024 года, цалкам адбыўшы прызначаны судом тэрмін пакарання.

Пазней пакінуў Беларусь.

Увесну 2025 года стала вядома, што ў Беларусі Вадзім абвешчаны ў вышук па артыкулах аб «садзейнічанні экстрэмісцкай дзейнасці», «абразе прадстаўніка ўлады» і «абразе суддзі».

Святлана, быльшая супрацоўніца Беларускага металургічнага завода ў Жлобіне, была затрымана восенню 2021 года ў межах крымінальнай справы, узбуджанай у дачыненні да супрацоўнікаў заводаў, якія падтрымалі стачку і ўваходзілі ў ініцыятыву «Рабочы рух», паводле артыкула аб дзяржаўнай здрадзе.
21 верасня 2021 года гэтая ініцыятыва была прызнана экстрэмісцкай арганізацыяй, пасля чаго па ўсёй краіне адбыліся масавыя затрыманні рабочых.

Вызвалена ў лістападзе 2021 года пад заклад.

У чэрвені 2022 года стала вядома, што ў дачыненні да Святланы крымінальная справа была спынена.

Дзмітрый, супрацоўнік Беларускага металургічнага завода ў Жлобіне, быў затрыманы восенню 2021 года ў межах крымінальнай справы, узбуджанай у дачыненні да супрацоўнікаў заводаў, якія падтрымалі стачку і ўваходзілі ў ініцыятыву «Рабочы рух», паводле артыкула аб дзяржаўнай здрадзе.
21 верасня 2021 года гэтая ініцыятыва была прызнана экстрэмісцкай арганізацыяй, пасля чаго па ўсёй краіне адбыліся масавыя затрыманні рабочых.

Вызвалены ў студзені 2022 года пад заклад, а праз чатыры месяцы стала вядома, што ў дачыненні да Дзмітрыя крымінальная справа была спынена.

Вадзім, машыніст цэха перамоткі, сартавання і ўпакоўкі філіяла «Завод Хімвалакно» ААТ «Гродна Азот», быў затрыманы восенню 2021 года ў межах крымінальнай справы, узбуджанай у дачыненні да супрацоўнікаў заводаў, якія падтрымалі стачку і ўваходзілі ў ініцыятыву «Рабочы рух».
21 верасня 2021 года гэтая ініцыятыва была прызнана экстрэмісцкай арганізацыяй, пасля чаго па ўсёй краіне адбыліся масавыя затрыманні рабочых.

Вызвалены 28 верасня 2021 года.

Андрэй, апаратчык цэха «Амміяк-3» на прадпрыемстве «Гродна Азот», быў затрыманы восенню 2021 года ў межах крымінальнай справы, узбуджанай у дачыненні да супрацоўнікаў заводаў, якія падтрымалі стачку і ўваходзілі ў ініцыятыву «Рабочы рух».
21 верасня 2021 года гэтая ініцыятыва была прызнана экстрэмісцкай арганізацыяй, пасля чаго па ўсёй краіне адбыліся масавыя затрыманні рабочых.

Вызвалены 28 верасня 2021 года.

Аляксандр быў затрыманы ў сакавіку 2021 года ў рамках крымінальнай справы, узбуджанай па артыкуле «пагроза прымянення гвалту ў дачыненні да супрацоўніка органаў унутраных спраў», і ў траўні таго ж года асуджаны і прыгавораны да абмежавання волі з накіраваннем у папраўчую ўстанову адкрытага тыпу.

У верасні 2021 года ў дачыненні да Аляксандра, які знаходзіўся на адбыванні пакарання па папярэдняй справе, адбылося чарговае судовае пасяджэнне па артыкуле «абраза прадстаўніка ўлады». Нагодай стаў каментар на адрас участковага інспектара з Бабруйска Руслана Шумахера ў адным з тэлеграм-чатаў, прызнаных экстрэмісцкімі. Аляксандра прыгаварылі да абмежавання волі з накіраваннем, а таксама абавязалі выплаціць маральную кампенсацыю «пацярпеламу».

Вызвалены ў снежні 2023 года, цалкам адбыўшы тэрмін пакарання, прызначаны судом.

Міхаіл быў прызнаны вінаватым у верасні 2021 года ў тым, што ён намаляваў 13 чырвоных трыкутнікаў з беларускім арнаментам на прыпынку грамадскага транспарту, чым нанёс шкоду ў памеры 19 рублёў 9 капеек. Паводле абвінавачання, ён таксама абразіў суддзю Чэрвенскага раёна Інэсу Раеўскую, напісаўшы на яе агароджы надпіс «прадажная суддзя».

Вызвалены ў красавіку 2023 года, цалкам адбыўшы тэрмін пакарання, прызначаны судом.

Мікалай быў прызнаны вінаватым у чэрвені 2021 года па артыкуле "абраза прадстаўніка ўлады" за каментар, пакінуты ў чаце "Краіна для жыцця" пад фатаграфіяй супрацоўніка Дзяржаўтаінспекцыі Ганцавіцкага РУУС Ігара Вольніча, на якой ён паставіў нагу на галаву чалавека.

Па падліках праваабаронцаў, Мікалай быў вызвалены ў верасні 2023 года, цалкам адбыўшы тэрмін пакарання, прызначаны судом.

Аляксей быў затрыманы ў верасні 2021 года ў рамках крымінальнай справы, узбуджанай па артыкуле «здзек з дзяржаўных сімвалаў». У лістападзе таго ж года яго прызналі вінаватым у падпале дзяржаўнага сцяга, размешчанага каля адной з крамаў у горадзе Маладзечне, і прыгаварылі да пазбаўлення волі ў калоніі.

Вызвалены ў чэрвені 2022 года, цалкам адбыўшы тэрмін пакарання, прызначаны судом.

Уладзіслаў быў затрыманы ў верасні 2021 года ў рамках крымінальнай справы, узбуджанай па артыкуле «здзек з дзяржаўных сімвалаў». У лістападзе таго ж года яго прызналі вінаватым у падпале дзяржаўнага сцяга, размешчанага каля адной з крамаў у горадзе Маладзечна, і прыгаварылі да пазбаўлення волі ў калоніі.

Вызвалены ў чэрвені 2022 года, цалкам адбыўшы тэрмін пакарання, прызначаны судом.

Яна была затрымана ў верасні 2021 года ў рамках крымінальнай справы, узбуджанай па артыкуле «здзек з дзяржаўных сімвалаў». У снежні таго ж года яе прызналі вінаватай за сарваны сцяг на адной з вуліц Гомеля і прыгаварылі да пазбаўлення волі ў калоніі.

Вызвалена ў чэрвені 2022 года, цалкам адбыўшы тэрмін пакарання, прызначаны судом.

Андрэй быў затрыманы ў ліпені 2021 года ў межах крымінальнай справы, першапачаткова ўзбуджанай па артыкуле "хуліганства" за тое, што ён прынёс да дома супрацоўніка міліцыі рытуальны вянок.

У снежні 2021 года Андрэя прызналі вінаватым па артыкулах "гвалт або пагроза прымянення гвалту ў дачыненні да супрацоўніка органаў унутраных спраў" і "пагроза ў дачыненні да суддзі або народнага засядацеля" і прыгаварылі да пазбаўлення волі ў калоніі, а таксама абавязалі выплаціць буйную кампенсацыю супрацоўніку міліцыі Калкоўскаму.

Вызвалены ў сакавіку 2024 года, цалкам адбыўшы тэрмін пакарання, прызначаны судом.