Пераслед завершаны

Быў затрыманы пры вяртанні ў Беларусь восенню 2022 года. Асуджаны за ўдзел у акцыях пратэсту 2020 году.

04.07.2023 года адбыўся разгляд апеляцыйнай скаргі, прысуд уступіў у сілу.

Вольга спачатку была асуджаная па адміністрацыйным артыкуле за "распаўсюджванне, выраб, захоўванне, перавозку інфармацыйнай прадукцыі, якая змяшчае заклікі да экстрэмісцкай дзейнасці або якая прапагандуе такую дзейнасць", пасля гэтага на яе была заведзена крымінальная справа за абразу Лукашэнкі А.Г.

Уладзімір быў затрыманы 9 траўня 2023 года на памежным пераходзе Цярэспаль-Брэст, калі вяртаўся ў Беларусь. У яго праверылі тэлефон, а пасля затрымалі.

Вядома аб некалькіх адміністрацыйных судах у адносінах да Уладзіміра. Так, 10, 16, 26 траўня і 7 чэрвеня яго судзілі па ч. 2 арт. 19.11 КаАП (распаўсюджванне экстрэмісцкіх матэрыялаў) і прысудзілі арышт. Апошні раз яму прысудзілі 15 сутак

Па месцы яго пражывання і пражыванні сваякоў прайшлі ператрусы. Уладзімір з моманту затрымання ўтрымліваецца ў ІЧУ Ленінскага РАУС г. Брэста.

Уначы з 22 на 23 чэрвеня 2023 года Уладзіміра вызвалілі ў ІЧУ.

Уладзіміра зноў затрымалі 28 кастрычніка 2023 г. у Драгічынскім раёне. Папярэдне быў ператрус і адабранне аргтэхнікі, пасля праверкі тэлефона яго затрымалі па арт. 19.11 ч. 2 КаАП (распаўсюджванне інфармацыйнай прадукцыі, уключанай у рэспубліканскі спіс экстрэмісцкіх матэрыялаў, а таксама выраб, выданне, захоўванне або перавозка з мэтай распаўсюджвання такой інфармацыі). Вядома, што Ўладзіміра арыштавалі з-за старых падпісак.

Дата суда пакуль невядомая. З моманту затрымання ўтрымліваецца ў ІЧУ Іванаўскага раёна .

11 снежня 2023 г. стала вядома, што Уладзімір на волі.

Спачатку Алега асудзілі па адміністрацыйным артыкуле, ч.2 арт.19.11 КаАП (Распаўсюджванне экстрэмісцкіх матэрыялаў) за тое, што ў асабістых паведамленнях пераслаў знаёмаму тэлеграм-пост з канала «Вусы Лукашэнкі». За гэта мужчыну прысудзілі 10 сутак арышту. А ўжо 22 сакавіка 2023 года мужчыну змясцілі ў СІЗА пад варту па крымінальным абвінавачанні за каментары пра Лукашэнку і беларускіх вайскоўцаў. Паводле інфармацыі праваабаронцаў , пра вайскоўцаў быў такі каментар: «пі*дзюкі» (менавіта са знакам зорачкі быў каментар, абвінавачаны Алегу).

За час знаходжання Пракапчука ў СІЗА, у яго з'явілася трэцяе дзіця, аднак на рашэнне суда гэта не паўплывала.

01.08.2023 адбыўся разгляд апеляцыйнай скаргі. Прысуд уступіў у сілу.

Па падліках праваабаронцаў вызвалены ў студзені 2024 года поўнасцю адбыўшы тэрмін пакарання, прызначаны судом.

Ураджэнец Гомеля, камандзір другога аддзялення пажарнай аварыйна-выратавальнай часці № 26 Фрунзенскага раёна г. Мінска. Ён быў затрыманы 7 лютага 2023 года ў Менску на месцы службы.

15.09.2023 адбылося апеляцыйнае паседжанне суда. Прысуд уступіў у сілу.

21.10.2023 вызвалены цалкам адбыўшы тэрмін пакарання, прызначаны судом.

Вячаслава абвінавацілі ў тым, што ў нецвярозым стане ў прысутнасці міліцыянтаў «выказваў фразы, якія зневажаюць гонар і годнасць» А.Лукашэнкі. Запісы з відэарэгістратараў міліцыянтаў пазней выкарыстоўваліся ў судзе як доказы вінаватасці Салодкага. Якімі менавіта словамі выказваўся Вячаслаў не ўдакладняецца.

18.08.2024 адбыўся разгляд апеляцыйнай скаргі. Прысуд уступіў у сілу.

Па падліках праваабаронцаў вызвалены зімой 2024 года поўнасцю адбыўшы тэрмін пакарання, прызначаны судом.

Павел Янчук родам з Камянецкага раёна, але жыў у Брэсце. Да суда Паўла змясцілі пад варту.

Па версіі абвінавачання , Павел Янчук 17 красавіка 2022 года пад публікацыяй у тэлеграм-канале «Рэальная Беларусь» напісаў абразлівы каментар пра Лукашэнку А.Л.

18.07.была разгледжана апеляцыйная скарга, прысуд уступіў у сілу.

Па падліках праваабаронцаў вызвалены зімой 2024 года поўнасцю адбыўшы тэрмін пакарання, прызначаны судом.

Генадзя абвінавацілі ў тым, што ён у студзені 2022 года ў тэлеграм-канале пакінуў абразлівыя каментары пад фота з прадстаўнікамі ўлады Лукашэнкі.

Вызвалены па заканчэнні тэрміна пакарання.

Асуджаны за рэпост карцінкі, на якой была надмагільная пліта з партрэтам Лукашэнкі. Аляксандру за такое «свавольства» прызналі вінаватай у «абразе Лукашэнку». Прысуд вынесла судзьдзя Алеся Парфёненку. Адбываць пакараньне Аляксандра будзе ва ўмовах агульнага рэжыму.

Падчас судовага працэсу абвінавачаная распавяла, што палічыла вясёлым тэкст пад згаданым малюначкам, таму паставіла ёй "клас" і рэпаснула сабе.

Прысуд уступіў у сілу.

Жыхарцы Брэста ставілі ў віну тое , што 24 траўня 2021 года ў Фэйсбук-гурце "Народны прысуд" яна напісала 2 каментары пад відэа з Лукашэнкам. У адным паведамленні было "хворы чалавек", у другім "шызафрэнік".

16.05.2023 адбыўся разгляд апеляцыйнай скаргі, прысуд уступіў у сілу.

Па падліках праваабаронцаў была вызвалена зімой 2024 года поўнасцю адбыўшы тэрмін пакарання, прызначаны судом

Таксіст, якога жорстка затрымаў АМАП у канцы студзеня 2023 года, калі ён чакаў замову каля аўтавакзала. Сябры чакалі Рамана з "сутак", бо ім было вядома, што яго затрымалі за старыя лайкі ў сацыяльнай сетцы "Аднакласнікі". Але потым высветлілася, што мужчыну затрымалі па арт. 367 КК РБ.

21.06.2023 адбылося апеляцыйнае паседжанне суда. Прысуд уступіў у сілу.

Па падліках праваабаронцаў вызвалены ў канцы 2023 года цалкам адбыўшы тэрмін пакарання, прызначаны судом.

Паводле абвінавачання , Дзюба пакінуў публікацыі, якія прыніжалі гонар і годнасць Лукашэнкі і ўтрымлівалі «ненарматыўную форму моўнага выказвання» ў адносінах да яго.

Таксама ён размясціў у сацсетках публікацыі з фатаграфіямі міліцыянтаў, суправадзіў іх тэкстам з негатыўнай ацэнкай. Сярод іх былі выявы супрацоўнікаў ізалятараў часовага ўтрымання са свастыкай, Лукашэнка з імправізаванай шыбеніцай.

Мужчына прызнаў віну поўнасцю. Ён распавёў, што зрабіў рэпост інфармацыі на Facebook.

Усе пацярпелыя заявілі, што публікацыя прычыніла ім маральную шкоду.

Вясной 2024 года вызвалены поўнасцю адбыўшы тэрмін пакарання, прызначаны судом.

Супрацоўнік EPAM. Вядома, што ў Андрэя прайшоў ператрус, нагодай затрымання былі нібыта данаты ў фонды дапамогі.

Андрэя пратрымалі 2 месяцы ў СІЗА пасля чаго справу закрылі , паколькі не было доказаў яго віны, і вызвалілі.

Па матэрыялах абвінавачання , Ігар Свірыда 13 лютага 2023 года, знаходзячыся ў аддзеле прымусовага выканання (АПІ), «... даў супрацоўніку аддзела ўласнаручнае тлумачэнне аб прычынах нявыплаты штрафаў, прызначаных судом за здзяйсненне розных адміністрацыйных правапарушэнняў, у якім наўмысна і публічна напісаў у змесце якога ў абразлівай форме выказаў негатыўную ацэнку асобы прэзідэнта, прадстаўленую ў выглядзе ненарматыўнай формы моўнага выказвання...».

У той жа дзень, калі ў аддзел прымусовага выканання выклікалі нарад супрацоўнікаў Дэпартамента аховы для яго затрымання, ён зноў публічна абразіў Лукашэнку А.Р. Следства сцвярджае, што Ігар Свірыда нібыта знаходзіўся ў памяшканні ВПІ ў стане алкагольнага ап'янення.

Падчас судовага паседжання сваю віну прызнаў часткова.

Па падліках праваабаронцаў вызвалены зімой 2024 года цалкам адбыўшы тэрмін пакарання, прызначаны судом.