Наколькі вядома, мужчына калісьці быў вайскоўцам у 38-й асобнай гвардзейскай дэсантна-штурмавой брыгадзе. Пасля Дзмітрый працаваў ваенкамам у Брэсцкай ваеннай камендатуры, а таксама выкладаў на ваенным факультэце БДУ. Ёсць нават падручнік, які ён напісаў для БДУ ў сааўтарстве ў 2020-м.
Дата затрымання Пазнякова невядомая. Змітра асудзілі 20 лістапада 2023 года ў Брэсцкім абласным судзе. Яму інкрымінавалі ч. 2 артыкула 356 Крымінальнага кодэкса - "Здрада дзяржаве, учыненая службовай асобай". Па ёй прадугледжана пакаранне ад 10 да 20 гадоў турмы. Якое пакаранне атрымаў дэсантнік, невядома.
16 студзеня 2024 года прайшла апеляцыя па справе Пазнякова. Прысуд уступіў у сілу.
Вядома , што па стане на лета 2024 года Зміцера перавялі ў ПКТ, яго катавалі : ламаюць рукі, ужываюць электрашокер, прымушаюць падпісваць дакументы і пустыя лісты .
Дома Дзмітрыя чакаюць жонка і двое дзяцей .
