Мужчыну абвінавачваюць у вярбоўцы, навучанні, ці іншай падрыхтоўцы для ўдзелу на тэрыторыі замежнай дзяржавы ва ўзброеным фарміраванні, або ва ўзброеных канфліктах, або ў фінансаванні такой дзейнасці.
Паводле версіі абвінавачання , якую апублікавала прэс-служба Генеральнай пракуратуры, Чэслаў Канановіч нібыта здзейсніў "на карысць экстрэмісцкага фарміравання ( Полк Каліноўскага) 10 банкаўскіх пераводаў на агульную суму звыш 1200 рублёў".
19.03.2024 адбыўся разгляд апеляцыйнай скаргі, прысуд уступіў у сілу.
Вырак суда 18.12.2023
5 гадоў пазбаўлення волі ў калоніі ва ўмовах узмоцненага рэжыму.
Фігурант крымінальнай справы , якую КДБ узбудзіў па факце "спробы ўчынення акта тэрарызму" ў Мачулішчах. Вядома, што ён брат Андрэя Сцяпуркі, праз якога нібыта знайшлі кватэру для меркаванага выканаўцы дыверсіі Мікалая Швеца. Яго абвінавацілі па арт. 289 (акт тэрарызму) Крымінальнага кодэкса.
У снежні 2023 г. яго вызвалілі , знаходзіцца пад падпіскай у статусе сведкі.
Сутнасць справы і прысуд пракаментаваў дзяржаўнаму тэлебачанню памочнік пракурора г.Брэста. З роліка і каментара пракурора вынікае, што Санкоўскай паставілі наступнае: у 2020 і 2021 годзе яна ў адным тэлеграм-чаце апублікавала выяву дзяржфлага Беларусі, а на фоне была нацысцкая свастыка (у гэтым складалася «здзек над дзяржсімваламі»), а таксама зноў жа ў мэсэнджэры Telegram апублікавала «абразлівае» паведамленне пра Юрыя Караева (нагадаем, што з чэрвеня 2019 па канец кастрычніка 2020 г. Караеў з'яўляўся кіраўніком МУС, пасля заняў пасаду памочніка Прэзідэнта па Гродзенскай вобласці), а таксама ў мэсэнджэры Telegram апублікавала некалькі паведамленняў пра А.Лукашэнку таксама палічылі "абразлівымі".
Вырак суда 14.12.2023:
1,5 гады пазбаўлення волі ў калоніі агульнага рэжыму.
Згодна з праўладным СМІ, 32-гадовы Раман Дудкін, нібыта "размясціў мноства каментароў, якія змяшчаюць абразы Лукашэнкі і супрацоўнікаў органаў унутраных спраў з выкарыстаннем ненарматыўнай лексікі".
Сцвярджаецца , што ў дачыненні да яго ўзбуджаны шэраг крымінальных спраў.
Вырак суда 08.12.2023
2 гады пазбаўлення волі ў калоніі ва ўмовах агульнага рэжыму, 100 базавых велічынь штрафу.
Мужчыну абвінавацілі ў тым, што ён напісаў некалькі інтэрнэт-каментараў пра А.Лукашэнку, якія палічылі "публічнай абразай". Паседжанне праходзіла ў Баранавіцкім дзяржаўным каледжы лёгкай прамысловасці. У выніку Тацыну прысудзілі 1 год калоніі і на вачах навучэнцаў каледжа надзелі кайданкі, вынікае з рэпартажу дзяржаўнага тэлебачання.
30.01.2024 адбыўся разгляд апеляцыйнай скаргі. Прысуд уступіў у сілу.
Вырак суда 28.11.2023
1 год пазбаўлення волі ў калоніі ва ўмовах агульнага рэжыму.
Першы эпізод адбыўся яшчэ ў студзені 2022 года. Тады Бараноўскі са свайго разліковага рахунку ў банку зрабіў перавод неназванай структуры, прызнанай экстрэмісцкім фармаваннем. Дакладная сума пераводу невядомая. У красавіку 2022 года Бараноўскі зрабіў данат ужо на рахунак Палка Каліноўскага. Вядома, што мужчыну вясной 2023 года затрымалі супрацоўнікі Упраўлення Камітэта дзяржаўнай бяспекі па Магілёўскай вобласці.
Вырак суда 22.11.2023
5 гадоў пазбаўлення волі ў калоніі ва ўмовах узмоцненага рэжыму.
Канстанціна затрымалі ў кастрычніку 2023 года па вяртанні з Польшчы, дзе ён жыў апошнім часам, у Беларусь. Яго абвінавацілі ў публікацыі «шматлікіх абразлівых каментароў», а пазней асудзілі за некалькі інтэрнэт-выказванняў, у якіх, паводле версіі абвінавачання, утрымлівалася негатыўная ацэнка ў адрас Лукашэнкі. Канстанціну таксама было прад'яўлена абвінавачанне па артыкуле аб абразе прадстаўнікоў улады, аднак яно было знята ў сувязі са сканчэннем тэрміну даўнасці.
У верасні 2024 года ён быў вызвалены ў межах памілавання.
Вартаўнік — гэта значыць, ты хочаш рэгулярна дапамагаць канкрэтнаму чалавеку ў зняволенні праз яго сям'ю. Выберы палітвязня і націсні «Стаць Вартаўніком», наша каманда звяжацца з вамі ў бліжэйшы час.
Вы можаце запытаць лісты, якія знаходзяцца ў нас на захоўванні, для гэтага пакіньце свой тэлеграм акаўнт для зваротнай сувязі, мы звяжамся з вамі і пасля верыфікацыі асобы перадамо архіў з вашымі лістамі.
Вы з'яўляецеся сваяком ці блізкім палітвязня? Дашліце нам кароткі опіс і ваш кантакт у Telegram для зваротнай сувязі. Пасля верыфікацыі дадзеных мы апублікуем вашага блізкага на сайце.
У вас ёсць інфармацыя аб адміністрацыйным пераследзе? Калі ласка, дашліце нам кароткае апісанне і ваш кантакт у Telegram для зваротнай сувязі. Пасля праверкі даных мы апублікуем вашу інфармацыю на сайце.
