Паводле версіі абвінавачання , Алена Дуброўская, выкарыстоўваючы мабільны тэлефон, пад пастом з фатаграфіяй Аляксандра Лукашэнкі, апублікаваным у чаце, уключаным у Рэспубліканскі спіс экстрэмісцкіх матэрыялаў, размясціла каментар з негатыўнай ацэнкай асобы Лукашэнкі, які змяшчае ненарматыўную форму маўленчага выказвання. У судовым паседжанні жанчына прызнала віну цалкам.
Алена Дуброўская падавала апеляцыйную скаргу. Судовая калегія Магілёўскага абласнога суда разгледзела яе 20 чэрвеня, але пакінула скаргу без задавальнення, а прысуд - без змены.
Вырак суда 17.04.2024
1 год 6 месяцаў пазбаўлення волі ў калоніі ва ўмовах агульнага рэжыму.
Невядома, калі Дар'ю затрымалі , але, верагодна, восенню 2023-га. Яе абвінавачваюць па двух артыкулах - ч. 1 арт. 342 КК і ч. 2 арт. 361-3.
Першы артыкул - арганізацыя дзеянняў, якія груба парушаюць грамадскі парадак, або ўдзел у іх. Другая - вярбоўка, навучанне, іншая падрыхтоўка або выкарыстанне беларусаў для ўдзелу на тэрыторыі іншай дзяржавы ў вайне, а таксама фінансаванне або іншае матэрыяльнае забеспячэнне такой дзейнасці. Яе звычайна даюць тым, хто нейкім чынам дапамагаў Украіне.
Вядома, што пасля заканчэння філфак БДУ Дар'я пайшла працаваць у гімназію №23 у Мінску, дзе сама навучалася. Таксама яна паступіла ў магістратуру філфака БДУ.
23.07.2024 адбыўся разгляд апеляцыйнай скаргі, прысуд уступіў у сілу.
Вырак суда 29.04.2024
5 гадоў 6 месяцаў пазбаўлення волі ў калоніі ва ўмовах агульнага рэжыму.
Рамана затрымалі за каментары ў сацсетках і адпраўку інфармацыі ў чат-боты "Беларусі галаўнога мозгу" і Nexta . Відэа з ім апублікаваў праўладны тэлеграм-канал. Па якім артыкуле затрыманы мужчына і дзе зараз знаходзіцца, невядома.
Раман працуе дырэктарам "Гродзенскага агенцтва нерухомасці".
Вырак суда 15.08.2024
2 гады пазбаўлення волі ў калоніі ва ўмовах агульнага рэжыму.
Як сцвярджаецца ў пастанове, яна была кансультантам па мове тэлеканала "Белсат", прызнанага ў Беларусі "экстрэмісцкім фармаваннем". Згодна з прыгаворам, Анастасія Мацяш з 19 чэрвеня 2021 года па 15 лістапада 2023 года з'яўлялася моўным кансультантам Польскага тэлебачання "TVP", у склад якога ўваходзіць польскі тэлеканал "БЕЛСАТ tv BELSAT". Падчас працы яна нібыта праводзіла моўныя кансультацыі, перакладала, карэктавала і рэдагавала тэксты, якія потым выкарыстоўваліся на "БЕЛСАТ". У пастанове таксама сказана, што за ўдзел у "экстрэмісцкай дзейнасці" Анастасія Мацяш нібыта атрымала "злачынны" даход, 40 000 польскіх злотых, 12 258 долараў і 8 575 еўра.
Сваю віну Анастасія Мацяш не прызнала.
Вырак суда 19.04.2024
2 гады пазбаўлення волі ў калоніі ва ўмовах агульнага рэжыму.
Сяргей — прадпрымальнік. З 2022 года неаднаразова прыцягваўся да адміністрацыйнай адказнасці па артыкуле "распаўсюджванне экстрэмісцкіх матэрыялаў" за перасылку ў Telegram навін з канала NEXTA і лайк супольнасці "STOP LUKA" у сацсетцы "Аднакласнікі".
Пасля выбараў, якія прайшлі ў Беларусі ў жніўні 2020 года, Сяргей размясціў у тэлеграм-канале "Чыгуначнікі Беларусі" (пасля прызнаным экстрэмісцкім) заклік спыняць цягнікі на чыгунцы з мэтай дэстабілізацыі эканамічнай сітуацыі ў краіне. У сувязі з гэтым ён быў затрыманы, а ў красавіку 2024 года асуджаны і прыгавораны да пазбаўлення волі.
Восенню 2025 года ён быў вызвалены, цалкам адбыўшы назначаны судом тэрмін пакарання.
Вырак суда 11.04.2024
2 гады 6 месяцаў пазбаўлення волі ў калоніі ва ўмовах агульнага рэжыму.
У 2020 годзе, калі Арцём удзельнічаў у сходзе, яму было 16 ці 17 гадоў. Яго прызналі вінаватым па арт. 342 КК РБ за ўдзел у пратэстах у Брэсце ў ноч з 10 на 11 жніўня 2020 года.
Па падліках праваабаронцаў выйшаў на волю зімой 2025 года.
Вартаўнік — гэта значыць, ты хочаш рэгулярна дапамагаць канкрэтнаму чалавеку ў зняволенні праз яго сям'ю. Выберы палітвязня і націсні «Стаць Вартаўніком», наша каманда звяжацца з вамі ў бліжэйшы час.
Вы можаце запытаць лісты, якія знаходзяцца ў нас на захоўванні, для гэтага пакіньце свой тэлеграм акаўнт для зваротнай сувязі, мы звяжамся з вамі і пасля верыфікацыі асобы перадамо архіў з вашымі лістамі.
Вы з'яўляецеся сваяком ці блізкім палітвязня? Дашліце нам кароткі опіс і ваш кантакт у Telegram для зваротнай сувязі. Пасля верыфікацыі дадзеных мы апублікуем вашага блізкага на сайце.
У вас ёсць інфармацыя аб адміністрацыйным пераследзе? Калі ласка, дашліце нам кароткае апісанне і ваш кантакт у Telegram для зваротнай сувязі. Пасля праверкі даных мы апублікуем вашу інфармацыю на сайце.
