Пераслед завершаны

Зміцер, інвалід па слыху (глуханямы), быў асуджаны ў верасні 2021 года за «абразу Лукашэнкі», «абразу прадстаўнікоў улады» і «пагрозу гвалту ў дачыненні да суддзі». Па версіі абвінавачання, ён з дапамогай кампутара размясціў у тэлеграм-канале фота Лукашэнкі з негатыўнай ацэнкай, публікаваў абразлівыя паведамленні ў адрас прадстаўніка ўлады ў кастрычніку 2020 года і заклікі да гвалтоўных дзеянняў супраць намесніка старшыні суда ў лютым 2021 года.

У зале суда Зміцер быў узяты пад варту, у яго забралі слыхавы апарат.

Па падліках праваабаронцаў, ён быў вызвалены летам 2023 года, цалкам адбыўшы прызначаны судом тэрмін пакарання.

Вадзім быў затрыманы 7 жніўня 2021 года ў рамках крымінальнай справы, узбуджанай па артыкуле «распальванне варожасці». У сакавіку 2022 года яго асудзілі за паведамленні, пакінутыя ў тэлеграм-чаце «Пінск 97%», у якіх, паводле абвінавачання, ён «заклікаў да гвалту ў дачыненні да міліцыянтаў, супрацоўнікаў пракуратуры і суддзяў».

Вызвалены ў красавіку 2023 года, цалкам адбыўшы тэрмін пакарання, прызначаны судом.

Упершыню Ларыса была затрымана 27 верасня 2020 года і асуджана па адміністрацыйным артыкуле. Пасля суда ў яе адбыўся прыступ, і яе змясцілі ў псіхіятрычную бальніцу. Ларыса пакутуе дэпрэсіўна-трывожным засмучэннем з сіндромам клаўстрафобіі.

6 жніўня 2021 года сілавікі прыйшлі да яе на працу, правялі ператрус і пасля допыту змясцілі ў ІЧУ на трое сутак. Пасля заканчэння гэтага тэрміну ёй прад'явілі абвінавачанне па артыкуле аб гвалце або пагрозе гвалту ў дачыненні да супрацоўнікаў АУС — за ўдзел у нядзельным маршы 27 верасня 2020 года ў Гомелі, падчас якога сілавікі ўжывалі слёзатачывы газ і святлошумавыя гранаты. Па версіі абвінавачання, Ларыса «грубай фізічнай сілай узяла сілавіка за руку, ссунула яго з месца і тым самым перашкодзіла яго працы».

У снежні 2021 года Ларыса была прызнана вінаватай і прыгаворана да пазбаўлення волі ў калоніі.

Вызвалена ў траўні 2023 года, цалкам адбыўшы тэрмін пакарання, прызначаны судом.

Дар'я, студэнтка 1 курса геаграфічнага факультэта БДУ, была асуджаная за нібыта абразлівы каментар у чаце ў адрас прадстаўніка Лідскага следчага камітэта і за ўдзел у паслявыбарчых акцыях пратэсту, якія праходзілі ў 2020 годзе ў Лідзе.

У лютым 2023 года адбылося чарговае судовае паседжанне ў наглядным парадку па тых жа артыкулах.

Дар'я была вызвалена ў лютым 2024 года, цалкам адбыўшы прызначаны судом тэрмін пакарання.

Андрэй быў затрыманы ў жніўні 2021 года ў межах крымінальнай справы, узбуджанай па артыкуле "удзел у масавых беспарадках", і ў лістападзе таго ж года асуджаны за ўдзел у паслявыбарчых акцыях пратэсту, якія праходзілі ў 2020 годзе ў Мінску.

Быў вызвалены ў лістападзе 2024 года ў межах памілавання.

Зміцер, прадпрымальнік і былы супрацоўнік міліцыі, быў затрыманы ў ліпені 2021 года і прыгавораны да 12 сутак адміністрацыйнага арышту. Пасля заканчэння тэрміну ён на волю не выйшаў і 4 жніўня таго ж года быў пераведзены ў СІЗА ў межах крымінальнай справы, узбуджанай па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх».

16 лістапада 2021 года Зміцер быў прызнаны вінаватым за «заклікі да пратэстаў і зліў дадзеных сілавікоў» і прыгавораны да пазбаўлення волі ў калоніі.

Ён быў вызвалены ў кастрычніку 2022 года, цалкам адбыўшы тэрмін пакарання, прызначаны судом.

Валерый быў прызнаны вінаватым у жніўні 2021 года ў межах крымінальнай справы па артыкуле аб здзеку з дзяржаўных сімвалаў за тое, што сарваў са сцяны ЖРЭА дзяржаўны сцяг разам з кранштэйнам, і быў прыгавораны да абмежавання волі з накіраваннем ва ўстанову адкрытага тыпу.

Па падліках праваабаронцаў, ён быў вызвалены восенню 2022 года, цалкам адбыўшы тэрмін пакарання, прызначаны судом.

Міхаіл, вартаўнік-жывёлагадоўца з Міёрскага раёна, быў асуджаны ў жніўні 2021 года па артыкуле аб абразе Лукашэнкі за відэаролік, размешчаны ім у сацыяльнай сетцы «Аднакласнікі». Па версіі абвінавачання, у відэа ён выкарыстаў у дачыненні да Лукашэнкі слова з негатыўнай ацэнкай і ненарматыўнай формай маўленчага выказвання, якое наносіць шкоду гонару і годнасці, накіраванае на падрыў аўтарытэту і фарміраванне негатыўнага вобраза.

Па падліках праваабаронцаў, ён быў вызвалены ў лютым 2023 года, цалкам адбыўшы тэрмін пакарання, прызначаны судом.

Ігар быў прызнаны вінаватым у жніўні 2021 года па артыкуле аб абразе Лукашэнкі. Па версіі абвінавачання, з кастрычніка 2020 года па лістапад 2021 года ён размяшчаў у чаце «Дапаможам Баранавічы» выявы Лукашэнкі ў зневажальным выглядзе і пакідаў абразлівыя каментары. Экспертыза прызнала гэтыя выказванні негатыўнай ацэнкай асобы.

Па падліках праваабаронцаў, ён быў вызвалены восенню 2023 года, цалкам адбыўшы тэрмін пакарання, прызначаны судом.

Данііл быў асуджаны па артыкуле аб "хуліганстве" за пашкоджанне дзвюх камер "Белтэлекама" і нанясенне "цынічных надпісаў" у рамках крымінальнай справы, распачатай пасля акцыі пратэсту, якая прайшла 13 верасня 2020 года ў Брэсце. Падчас акцыі людзі спявалі і вадзілі карагоды, а супраць іх быў ужыты вадамёт.

Вызвалены ў снежні 2023 года, поўнасцю адбыўшы тэрмін пакарання, прызначаны судом.

Арцём быў асуджаны за «ўдзел у групавых дзеяннях, якія груба парушаюць грамадскі парадак» у межах крымінальнай справы, распачатай пасля акцыі пратэсту, якая прайшла 13 верасня 2020 года ў Брэсце. Падчас акцыі людзі спявалі і вадзілі карагоды, а супраць іх ужылі вадамёт.

Вызвалены ў снежні 2023 года, поўнасцю адбыўшы тэрмін пакарання, прызначаны судом.

Аляксандр упершыню быў затрыманы ў сакавіку 2021 года і асуджаны за "ўдзел у групавых дзеяннях, якія груба парушаюць грамадскі парадак" у рамках крымінальнай справы, распачатай пасля акцыі пратэсту 13 верасня 2020 года ў Брэсце. Тады ўдзельнікі спявалі і вадзілі карагоды, а супраць іх ужылі вадамёт. Ён поўнасцю адбыў прызначаны судом тэрмін і выйшаў на волю ў ліпені 2022 года.

Аднак у снежні 2023 года стала вядома аб яго новым затрыманні ў сувязі з крымінальнай справай, узбуджанай пасля стыхійных пратэстаў, якія праходзілі 10 жніўня 2020 года ў Брэсце супраць фальсіфікацый на прэзідэнцкіх выбарах. У красавіку 2024 года яго прыгаварылі да пазбаўлення волі за ўдзел у акцыі пратэсту.

Ён быў вызвалены ў верасні 2024 года ў межах памілавання.

Арцём быў асуджаны за «ўдзел у групавых дзеяннях, якія груба парушаюць грамадскі парадак» у межах крымінальнай справы, распачатай пасля акцыі пратэсту 13 верасня 2020 года ў Брэсце. Падчас акцыі людзі спявалі і вадзілі карагоды, а супраць іх ужылі вадамёт. Сам Арцём сцвярджае, што падтрымлівае палітыку Лукашэнкі, а затрымалі яго таму, што ён жартам выйшаў на вуліцу ў БЧБ-сцягу ў нецвярозым стане.

Па падліках праваабаронцаў, ён быў вызвалены ў чэрвені 2023 года, цалкам адбыўшы тэрмін пакарання, прызначаны судом.

Ігар быў асуджаны за "ўдзел у групавых дзеяннях, якія груба парушаюць грамадскі парадак" у рамках крымінальнай справы, распачатай пасля акцыі пратэсту, якая прайшла 13 верасня 2020 года ў Брэсце. Падчас акцыі людзі спявалі і вадзілі карагоды, а супраць іх ужылі вадамёт.

Па падліках праваабаронцаў, ён быў вызвалены ў чэрвені 2023 года, поўнасцю адбыўшы прызначаны судом тэрмін пакарання.

Глеб быў асуджаны за «ўдзел у групавых дзеяннях, якія груба парушаюць грамадскі парадак» у межах крымінальнай справы, распачатай пасля акцыі пратэсту, якая прайшла 13 верасня 2020 года ў Брэсце. Падчас акцыі людзі спявалі і вадзілі карагоды, а супраць іх ужылі вадамёт.

Вызвалены ў чэрвені 2023 года, поўнасцю адбыўшы тэрмін пакарання, прызначаны судом.