Ігар, кансультант «Радыё Свабода» і адміністратар тэлеграм-канала «Беларусь галаўнога мозгу», быў затрыманы 25 чэрвеня 2020 года па абвінавачанні ва «ўдзеле ў групавых дзеяннях, якія груба парушаюць грамадскі парадак». Аднак пазней ён быў асуджаны за "арганізацыю масавых беспарадкаў" у рамках крымінальнай "справы Ціханоўскага".
Па дадзеных праваабаронцаў, фігуранты "справы" абавязаныя выплаціць кампенсацыю ў памеры 29 мільёнаў рублёў.
11 верасня 2025 года стала вядома, што 52 палітвязні беларускага рэжыму прымусова перамясцілі на тэрыторыю Літвы. Сярод іх ёсць і грамадзяне еўрапейскіх краін. Сярод вызваленых Ігар Лосік.
Віктар, сябра ініцыятыўнай групы кандыдата ў прэзідэнты Віктара Бабарыка, незалежны назіральнік на выбарах 2020 года на ўчастку ў Хацежыне і валанцёр, быў затрыманы 6 снежня 2020 года. Яго асудзілі за вывешванне на мосце пудзілаў з фатаграфіямі міністра ўнутраных спраў і старшыні выбарчай камісіі Хацежынскага ўчастка з надпісам "Не забудзем, не даруем!", а таксама за нанясенне малюнкаў з беларускім гербам "Пагоня" на канструкцыі і апоры моста.
Быў вызвалены ў верасні 2024 года, поўнасцю адбыўшы тэрмін пакарання, прызначаны судом.
Сілавікі прыйшлі дадому да Лосікаў а 8-й раніцы, сама Дар'я з двухгадовай дачкой Паўлінай яшчэ спала.
Па паведамленнях праўладных тэлеграм-каналаў, Дар'ю абвінавачваюць у садзейнічанні экстрэмісцкай дзейнасці ў выглядзе размовы з тэлеканалам «Белсат» вясной 2022 года, нягледзячы на тое, што тэлеканал яшчэ ў лістападзе 2021-га быў прызнаны "экстрэмісцкім фарміраваннем". Такое інтэрв'ю, на думку аўтараў паста, можа прывесці да крымінальнай адказнасці па арт. 361−4 КК аб «садзейнічанні экстрэмісцкай дзейнасці».
Мікіта, малодшы брат палітвязня Ігара Лосіка, меркавана быў затрыманы ў красавіку 2025 года па абвінавачванні ў «садзейнічанні экстрэмісцкай дзейнасці» за нібыта перасылку некалькіх фатаграфій перамяшчэння ваеннай тэхнікі ў 2022 годзе Telegram-каналу «Беларускі Гаюн».
Мікіта пакінуў Беларусь да пачатку адбывання пакарання.
Вырак суда 08.07.2025
3 гады абмежаванні волі з накіраваннем ва ўстанову адкрытага тыпу.
Праваслаўны святар, клірык прыхода храма Богаяўлення г. Мінска. Пры затрыманні ГУБАЗіК выламаў дзверы ў кватэры Уладзіслава. Праўладныя тэлеграм-каналы паведамляюць, што сьвятар быў падпісаны на «экстрэмісцкія» тэлеграм-каналы і перасылаў з іх інфармацыю сваёй маці. Як пішуць сілавікі, у Багамольнікава ёсць шанец стаць падазраваным за садзейнічанне экстрэмісцкай дзейнасці па шэрагу крымінальных справаў
Уладзіслаў Багамольнікаў служыў на плошчы перамен літыю па забітым Раману Бандарэнку; ён таксама аб'яўляў галадоўку ў падтрымку палітвязня Ігара Лосіка.
19 снежня, скончыліся 10 дзён пад вартай, якія святар Уладзіслаў Багамольнікаў правёў у якасці падазраванага па крымінальнай справе па арт. 342 КК РБ ён быў вызвалены пад падпіску аб нявыездзе, але па-ранейшаму з'яўляецца абвінавачаным па крымінальнай справе. Перад гэтым ён на працягу 100 дзён знаходзіўся на Акрэсціна, адбываючы сем арыштаў запар па адміністрацыйных артыкулах.
Вырак суда:
28.10 2022 быў пяты раз асуджаны па адміністрацыйным артыкуле на 15 сутак. Усяго на гэтую дату ён правёў 59 сутак за кратамі.
05.11.2022 быў асуджаны на суткі сёмы раз. Усяго на сутках Уладзіслаў правёў 100 дзён, пасля чаго на яго завялі крымінальную справу за ўдзел у акцыях пратэсту.
Далучайся да нашай супольнасці
👉 Будзь на перадавой лініі дапамогі, атрымлівай эксклюзіўныя навіны і дзяліся сваёй падтрымкай.
Вартаўнік — гэта значыць, ты хочаш рэгулярна дапамагаць канкрэтнаму чалавеку ў зняволенні праз яго сям'ю. Выберы палітвязня і націсні «Стаць Вартаўніком», наша каманда звяжацца з вамі ў бліжэйшы час.
Вы можаце запытаць лісты, якія знаходзяцца ў нас на захоўванні, для гэтага пакіньце свой тэлеграм акаўнт для зваротнай сувязі, мы звяжамся з вамі і пасля верыфікацыі асобы перадамо архіў з вашымі лістамі.
Вы з'яўляецеся сваяком ці блізкім палітвязня? Дашліце нам кароткі опіс і ваш кантакт у Telegram для зваротнай сувязі. Пасля верыфікацыі дадзеных мы апублікуем вашага блізкага на сайце.
У вас ёсць інфармацыя аб адміністрацыйным пераследзе? Калі ласка, дашліце нам кароткае апісанне і ваш кантакт у Telegram для зваротнай сувязі. Пасля праверкі даных мы апублікуем вашу інфармацыю на сайце.
