Палітвязні

Мужчына не прызнаў віну. Акрамя тэрміну зняволення, суддзя пастанавіла канфіскаваць у даход дзяржавы мабільны тэлефон Макаранкі, які быў выкарыстаны "як сродак учынення злачынства".

Вядома, што апеляцыя адбылася 7 траўня 2024 года: яна пакінула прысуд у сіле.

Упершыню Лілію затрымалі ў канцы сакавіка 2023 г. і прызначылі адміністрацыйны арышт на 10 сутак. Аднак у красавіку 2024 года стала вядома, што яе затрымалі ў межах крымінальнай справы. Яна была асуджаная па некалькіх артыкулах за «абразу прадстаўнікоў улады» і «паклёп і абразу ў дачыненні да Лукашэнкі».

Яго затрымалі ў лютым, калі ён вярнуўся ў Беларусь з працы. Раней Аляксандр працаваў у лакаматыўным дэпо, але пасля 2020 года быў або звольнены, або сам звольніўся - падобна, што звальненне было палітычна матываваным. Пасля гэтага Камляня працаваў дальнабойшчыкам у заходніх краінах. А калі вярнуўся дадому з працы, быў затрыманы. Яго абвінавацілі ў абразе прадстаўніка ўлады.

Суд Верхнядзвінскага раёна прызнаў старонку Аляксандра ў «Аднакласніках» экстрэмісцкай.

3 мая 2024 года Камітэт дзяржаўнай бяспекі Беларусі ўнёс у спіс так званых «экстрэмісцкіх фармаванняў» шэраг медыя-рэсурсаў праекта FreeInfoBel, таксама былі пазначаныя канкрэтныя людзі, якія, на іх думку, маюць дачыненне да праекту - Вольгу Пашкевіч і Іосіфа Дулеба. Прычым аб унясенні FreeInfoBel па факце стала вядома толькі праз 5 дзён - 8 траўня.

У дадзены момант невядома, па якой менавіта крымінальнай справе мужчына знаходзіцца пад вартай, але, можна меркаваць, што яна звязана з «экстрэмізмам». Удалося даведацца , што затрыманы Дулеба быў першапачаткова па адміністрацыйнай справе. Аднак, калі прыйшоў час вызвалення з ІЧУ, Дулеба на волю не выйшаў - яго перавялі ў СІЗА.

Мужчына ў мінулым узначальваў Віцебскае падраздзяленне БНФ, але на пачатку 2000-х адышоў ад партыйных справаў.

Судзячы па сацсетках, мужчыну 38 гадоў. Вядома, што нейкі час ён жыў у Расіі, але ў апошні час - у Мінску. У мужчыны ёсць жонка і дзіця.

Казельскі доўгі час працаваў аператарам на АНТ. Напрыклад, яшчэ ў лістападзе 2022-га ён вучыў Дэпартамент аховы МУС працаваць з дзяржСМІ. Апошні рэпартаж Казельскага выйшаў у кастрычніку 2023 году.

Невядома дакладна, калі аператара затрымалі, але гэта адбылося больш за паўгода таму.

Справа можа быць у пакінутых ім тэлеграм-каментарах. Антон раней шмат каментаваў у розных палітычных групах, але самі каментары ён выдаліў. Знайсці іх можна толькі ўскосна, праз адказы іншых карыстальнікаў і сляды мужчыны ў групах.

13 жніўня 2024 г. адбыўся разгляд апеляцыйнай скаргі, прысуд уступіў у сілу.

Падрабязнасці прысуду сталі вядомыя з каментара пракурора Плескацэвіча пінскай дзяржТВ (імя абвінавачанага не называецца, але ён адзіны, каго ў 2024 годзе судзілі ў Пінску па артыкуле «беспарадкі»). Пракурор пераказаў пазіцыю абвінавачанага: 9 жніўня 2020 года той прагаласаваў на выбарчым участку, вярнуўся дадому і шмат выпіў (каля бутэлькі гарэлкі), пасля чаго "з цікавасці пайшоў паглядзець на мітынгоўцаў каля будынка гарвыканкама". Што менавіта далей мужчына рабіў на пратэстах, паводле якіх матываў, ён не памятаў з-за алкаголю (з яго слоў). Але на відэа патрапіла тое, што абвінавачанне кваліфікавала наступным чынам: «прыняў актыўны ўдзел [у беспарадках], а менавіта сваімі дзеяннямі падтрымаў учынены пагром і накінуўся з іншымі пратэстоўцамі на міліцыянтаў» .

Першы раз была затрымана КДБ у канцы студзеня 2024 года (падчас масавых затрыманняў родных і блізкіх палітвязняў) за тое, што пісала лісты і пераводзіла грошы на рахункі палітвязняў у СІЗА турмы №1. Тады на яе завялі крымінальную справу па арт. 361-2 (фінансаванне экстрэмісцкай дзейнасці), але пад варту жанчыну не ўзялі.

Падчас вобыску ў яе канфіскавалі тэхніку і грошы. Пасля даследавання тэхнікі нібыта былі выяўленыя непажаданыя каментары ў сацсетках, і па іх затым правялі экспертызу. Пасля атрымання вынікаў экспертызы, 20 красавіка 2024 года, Вікторыя была паўторна затрымана і змешчана ў ІЧУ, а пасля ў СІЗА.

Праходзіць па справе аб дзяржздрадзе разам з сям'ёй Прохаравых з Грабаўкі.

Удзельнікі закрытага працэсу маюць падпіскі аб неразгалошванні. З неафіцыйнай крыніцы вядома , што крымінальная справа тычыцца фатаграфавання розных аб'ектаў на тэрыторыі Беларусі, а за фігурантамі справы нейкі час перад арыштам сачылі спецслужбы.

Мужчыну 50 год. Ён быў заснавальнікам або дырэктарам некалькіх арганізацый, якія займаліся імпартам кампутараў і камплектуючых да іх. У апошні час быў намеснікам дырэктара па камерцыйных пытаннях кампаніі "Авард сэрвіс" і дырэктарам кампаніі "СанРан".

Невядома дакладна, калі яго затрымалі , але больш за паўгода таму. КДБ уключыў Рушкевіча ў спіс удзельнікаў «экстрэмісцкага фармавання Трыэліт» як і бізнэсоўца Уладзіміра Балабановіча, якога судзяць за заклікі да санкцый.

Верагодна, чат выявілі з-за кагосьці з затрыманых.

Абвінавачваецца ў фінансаванні экстрэмісцкай і тэрарыстычнай дзейнасці праз ахвяраванні на пратэстную ініцыятыву (Байсол).

Аляксандр родам ён з Глуска, невялікага райцэнтра ў Магілёўскай вобласці. Пасля заканчэння школы паступіў у Беларускі дзяржаўны ўніверсітэт інфарматыкі і радыёэлектронікі на спецыяльнасць”Інфармацыйныя сістэмы і тэхналогіі ў лагістыцы”. Пасля заканчэння пайшоў у магістратуру.

Працаваў Аляксандр у сферы IT.

Мужчыну абвінавацілі ў тым, што ён у нецвярозым стане сарваў з будынка магазіна ў мястэчку чырвона-зялёны сцяг. Ён поўнасцю прызнаў віну.

Раней гарадчаніна ўжо судзілі дзевяць разоў. Акрамя пазбаўлення свабоды, Уладзіміру прызначылі прымусовае лячэнне ад алкагалізму.

Дома Мікалая чакае жонка і маленькая дачка.

Следства ўстанавіла, што Артур Радзівановіч "па ўласнай ініцыятыве ўступіў у перапіску з прадстаўнікамі ўзброенага фарміравання "Полк К. Каліноўскага" праз Telegram". У ходзе размовы ён удакладніў парадак і ўмовы залічэння ў полк, а затым спланаваў перасячэнне дзяржаўнай граніцы Рэспублікі Беларусь з Рэспублікай Польшча і далейшы маршрут ва Украіну. Прыбыўшы 30 снежня 2023 года на міжнародны пункт пропуску "Брэст" для накіравання ва Украіну праз тэрыторыю Польшчы, абвінавачаны быў затрыманы супрацоўнікамі органаў унутраных спраў.