Леанід вучыўся ў Полацкім дзяржаўным універсітэце; у 2019 годзе ён заняў першае месца па-за конкурсам на турніры па робататэхніцы, які там праходзіў.
Паводле версіі абвінавачвання, 10 і 11 жніўня 2020 года Леанід сабраў інфармацыю, якая нібыта магла служыць для падрыхтоўкі ўдзельнікаў масавых беспарадкаў, і распаўсюдзіў яе ў тэлеграм-чатах для жыхароў Наваполацка і ваколіц. У лістападзе 2021 года яго затрымалі, да суда ён знаходзіўся пад вартай.
У красавіку 2022 года Леаніда прызналі вінаватым па крымінальнай справе, узбуджанай па артыкуле «Навучанне або іншая падрыхтоўка асоб да ўдзелу ў масавых беспарадках», за распаўсюджванне гэтай інфармацыі ў тэлеграм-чатах.
Паводле падлікаў праваабаронцаў, ён быў вызвалены увесну 2024 года, цалкам адбыўшы прызначаны судом тэрмін пакарання.
