Пераслед завершаны
- Галоўная
- Пераслед завершаны
- Аб'яднанні
- Пенсіянеры
- Аб'яднанні
- Пенсіянеры
Сяргей, пенсіянер, упершыню быў асуджаны ўлетку 2021 года.
Па версіі абвінавачання, 9 снежня 2020 года ён пакінуў у адным з чатаў «Аднакласнікаў» каментар «смеццевага кнара» пад публікацыяй з выявай малодшага лейтэнанта міліцыі Міхаіла Жарыкава. Суд прыгаварыў яго да абмежавання волі без накіравання.
У верасні таго ж года Сяргея зноў асудзілі — на гэты раз за каментар пад фатаграфіяй старшага інспектара ДАІ М. Ю. Малахевіча, які, на думку суда, утрымліваў абразлівыя выказванні. З улікам папярэдняга прысуду пакаранне замянілі на абмежаванне волі з накіраваннем у папраўчую ўстанову.
Па падліках праваабаронцаў, ён быў вызвалены ў снежні 2023 года, цалкам адбыўшы прызначаны судом тэрмін пакарання.
- Аб'яднанні
- Студэнты
- Аб'яднанні
- Студэнты
Зміцер, студэнт Лідскага ліцэя меліярацыйнага будаўніцтва, быў асуджаны за тое, што, паводле абвінавачання, дзейнічаючы ў групе з іншымі асобамі, кідаў часткі тратуарнай пліткі і іншыя прадметы ў міліцэйскія машыны. Зміцер часткова прызнаў сваю віну і быў узяты пад варту ў зале суда.
Па падліках праваабаронцаў, ён быў вызвалены ў чэрвені 2022 года, цалкам адбыўшы прызначаны судом тэрмін пакарання.
- Аб'яднанні
- Бацькі непаўнагадовых
- Аб'яднанні
- Бацькі непаўнагадовых
Уладзіміра затрымалі і збілі ў верасні 2020 года. Яго асудзілі за ўдзел у акцыях пратэсту, якія праходзілі ў Менску з 9 па 11 жніўня і 13 верасня 2020 года. Па матэрыялах справы, ён планаваў удзел у пратэстах, абмяркоўваючы маршруты і дзеянні ў выпадку затрымання ў Telegram-чаце "Гадзіна X". Следства сцвярджала, што рыхтаваўся напад на супрацоўнікаў міліцыі.
Вызвалены ў верасні 2023 года, цалкам адбыўшы тэрмін пакарання, прызначаны судом.
Віктара ўпершыню затрымалі 27 верасня 2020 года падчас адной з акцый пратэсту ў Гомелі. У ізалятары яму паведамілі аб узбуджэнні крымінальнай справы за "супраціўленне супрацоўнікам міліцыі". Справу неўзабаве закрылі, аднак пракуратура накіравала яго на дадатковае расследаванне, у выніку якога абвінавачанне было перакваліфікавана. Паўторна Віктара ўзялі пад варту 17 чэрвеня 2021 года.
У верасні таго ж года яго прызналі вінаватым у "гвалце або пагрозе прымянення гвалту ў дачыненні да супрацоўніка міліцыі" і прыгаварылі да трох гадоў пазбаўлення волі ў калоніі агульнага рэжыму.
У красавіку 2022 года суд дадаткова прызнаў яго вінаватым ва "ўдзеле ў дзеяннях, якія груба парушаюць грамадскі парадак" і прызначыў яшчэ паўтара гады пазбаўлення волі. Шляхам частковага складання пакаранняў канчатковы тэрмін склаў 3,5 гады ў калоніі строгага рэжыму.
Па падліках праваабаронцаў, ён быў вызвалены восенню 2024 года, цалкам адбыўшы прызначаны судом тэрмін пакарання.
- Аб'яднанні
- Бацькі непаўнагадовых
- Аб'яднанні
- Бацькі непаўнагадовых
Максім быў асуджаны за каментар, пакінуты ў Instagram пад публікацыяй з фатаграфіяй старшага інспектара аддзела масавых мерапрыемстваў ГУУС Мінгарвыканкама, падпалкоўніка міліцыі Дзмітрыя Кротава.
Ён быў вызвалены ў чэрвені 2022 года, цалкам адбыўшы прызначаны судом тэрмін пакарання.
Сяргей быў асуджаны за тое, што, паводле інфармацыі Вярхоўнага суда, 24 траўня 2021 года сарваў дзяржаўны сцяг, замацаваны ля ўваходу ў будынак Баранавіцкай гарадской ЖКГ, зламаўшы пры гэтым дрэўка.
Ён быў вызвалены ў ліпені 2022 года, цалкам адбыўшы прызначаны судом тэрмін пакарання.
- Аб'яднанні
- Дзярж. служачыя
- Бацькі непаўнагадовых
- Сілавікі
- Аб'яднанні
- Дзярж. служачыя
- Бацькі непаўнагадовых
- Сілавікі
Аляксей, былы старэйшы следчы, падчас выбарчай кампаніі 2020 года ўваходзіў у каманду Валерыя Цапкала. У чэрвені 2021 года ён быў затрыманы па справе аб "групавых дзеяннях, якія груба парушаюць грамадскі парадак". Ператрусы прайшлі па месцы яго працы і ў кватэры, на працы была канфіскаваная тэхніка.
У кастрычніку таго ж года Аляксея прызналі вінаватым ва ўдзеле ў акцыях пратэсту, якія праходзілі ў Менску 16, 23, 30 жніўня і 6 верасня 2020 года. Па версіі следства, ён далучыўся да групы пратэстоўцаў, пляскаў у ладкі, выкрыкваў лозунгі і перашкаджаў руху транспарту.
Вызвалены ў жніўні 2022 года, цалкам адбыўшы прызначаны судом тэрмін пакарання.
- Аб'яднанні
- Прадпрымальнікі
- Аб'яднанні
- Прадпрымальнікі
Арцём, дырэктар прыватнай друкарні, быў затрыманы ў траўні 2021 года і пасля асуджаны па абвінавачанні ў вырабе і распаўсюджванні пратэстнай паліграфічнай прадукцыі (улётак, стыкераў, газет), а таксама ва ўдзеле ў нядзельных маршах, якія праходзілі ў Мінску ў жніўні-верасні 2020 года.
Па падліках праваабаронцаў, ён быў вызвалены ў кастрычніку 2024 года, цалкам адбыўшы прызначаны судом тэрмін пакарання.
| 19.02.2024 | Артём пишет лирические и философские стихи и песни. https://stihi.ru/avtor/archi10 |
- Аб'яднанні
- Актывісты
- Аб'яднанні
- Актывісты
Пётр, актывіст Беларускай сацыял-дэмакратычнай партыі, быў затрыманы ў чэрвені 2021 года і асуджаны за ўдзел у акцыі пратэсту, якая прайшла 9 жніўня 2020 года ў Жлобіне, накіраванай супраць фальсіфікацыі вынікаў прэзідэнцкіх выбараў.
Вызвалены ў сакавіку 2023 года, цалкам адбыўшы прызначаны судом тэрмін пакарання.
Святлана была асуджаная ў сакавіку 2021 года па артыкуле за «ўдзел у групавых дзеяннях, якія груба парушаюць грамадскі парадак». Па версіі абвінавачання, яна прымала актыўны ўдзел у несанкцыянаваных масавых акцыях 16 і 23 жніўня, а таксама 6 верасня 2020 года. Падчас пратэстаў пляскала ў далоні, выходзіла на праезную частку і, як сцвярджалася, замінала руху грамадскага транспарта на вуліцах Няміга, Валадарскага, Леніна і праспекце Незалежнасці, тым самым парушаючы грамадскі парадак.
Па падліках праваабаронцаў, Святлана была вызвалена ў чэрвені 2023 года пасля поўнага адбыцця прызначанага судом тэрміну пакарання.
Аляксандра асудзілі ў чэрвені 2021 года за абразу Лукашэнкі. Па версіі абвінавачання, знаходзячыся ў стане алкагольнага ап'янення, ён патэлефанаваў па нумары 102 і выказаўся ў яго адрас у непаважлівай форме.
Вызвалены летам 2022 года, цалкам адбыўшы прызначаны судом тэрмін пакарання.
- Аб'яднанні
- Затрыманыя да 18 гадоў
- Студэнты
- Аб'яднанні
- Затрыманыя да 18 гадоў
- Студэнты
Данііл быў асуджаны за ўдзел у акцыі пратэсту супраць фальсіфікацыі прэзідэнцкіх выбараў — у ноч з 9 на 10 жніўня 2020 года ён разам з бацькам стаяў у счэпцы ў першым радзе ў цэнтры горада.
Вызвалены ў ліпені 2022 года, цалкам адбыўшы тэрмін пакарання, прызначаны судом.
Сяргея абвінавацілі ў тым, што ён размясціў у тэлеграм-чаце каментар, які, паводле версіі следства, абражаў былога міністра ўнутраных спраў Юрыя Караева. Следства палічыла, што гэтым ён "нанёс шкоду аўтарытэту дзяржаўнай улады" і "прынізіў гонар і годнасць" генерал-маёра.
Вызвалены ў чэрвені 2023 года, цалкам адбыўшы тэрмін пакарання, прызначаны судом.
- Аб'яднанні
- Бацькі непаўнагадовых
- Аб'яднанні
- Бацькі непаўнагадовых
Уладзімір, шматдзетны бацька, быў асуджаны ў чэрвені 2021 года і прыгавораны да пазбаўлення волі. Паводле абвінавачання, у жніўні 2020 года ён размясціў у адным з Telegram-чатаў абразлівыя паведамленні ў адрас супрацоўніка АУС з пагрозамі прымянення гвалту.
Вызвалены ў траўні 2023 года, цалкам адбыўшы тэрмін пакарання, прызначаны судом.
Ян быў асуджаны за ўдзел у мірнай акцыі пратэсту 6 верасьня 2020 года ў Горадні. Яго абвінавацілі ў тым, што ён станавіўся ў счэпку, заклікаў іншых далучыцца да несанкцыянаванага мерапрыемства і кінуў неўстаноўлены прадмет у бок супрацоўнікаў МУС. Сваёй віны ён не прызнаў.
Па падліках праваабаронцаў Ян быў вызвалены зімой 2024 года, цалкам адбыўшы тэрмін пакарання, прызначаны судом.