Зміцер Рудольфавіч Шынвіз

жыхар Маладзечна, затрыманы 7 верасня 2021 года па крымінальнай справе аб абразе дзяржаўнага сцяга. Уладзіслава абвінавачваюць у тым, што ён разам з Аляксеем Чашуном падпаліў дзяржаўны сцяг, размешчаны ля крамы.

22.06.2022 вызвалены цалкам адбыўшы тэрмін пакарання, прызначаны судом.

Жыхар Нясвіжа. Яго прызналі вінаватым у тым, што на акцыі пратэсту ў Нясвіжы 11 жніўня 2020 года ўдарыў па спіне міліцыянта, які ажыццяўляў затрыманне пратэстоўцаў. Ёсць двое дзяцей. 

Вызвалены 30.05.2022 цалкам адбыўшы тэрмін пакарання, прызначаны судом.

Па версіі следства, 12 кастрычніка 2020 года прыкладна ў 21 гадзіну Зайкоўскі ў стане алкагольнага ап'янення на праспекце Дзяржынскага з іншымі неўстаноўленымі асобамі аказваў супраціўленне работнікам міліцыі, пагражаў ім ужываннем гвалту, кінуў у бок міліцэйскага аўтобуса піўны куфель.

Сваёй віны ў зробленым не прызнаў.

20 кастрычніка 2022 г. у калоніі № 2 пачаўся разгляд справы супраць Аляксандра па ч. 1 арт. 411 КК РБ

У снежні 2023 года вызвалены цалкам адбыўшы тэрмін пакарання, прызначаны судом.

Андрэй быў затрыманы ў жніўні 2021 года ў межах крымінальнай справы, узбуджанай па артыкуле "удзел у масавых беспарадках", і ў лістападзе таго ж года асуджаны за ўдзел у паслявыбарчых акцыях пратэсту, якія праходзілі ў 2020 годзе ў Мінску.

Быў вызвалены ў лістападзе 2024 года ў межах памілавання.

Андрэй, былы настаўнік гісторыі і грамадазнаўства са Смаргоні з каля 20-гадовым стажам, у сакавіку 2021 года паказаў 11-класнікам відэаролік "Канстытуцыя пайшла ў прастытуцыю!" з лагатыпам, прызнаным экстрэмісцкім у Беларусі. Адзін з вучняў зняў гэта на тэлефон і выклаў у сямейны чат. Пасля гэтага Андрэя звольнілі і распачалі крымінальную справу па артыкуле "Паклёп у дачыненні да Лукашэнкі". У жніўні 2021 года яго асудзілі і прыгаварылі да пазбаўлення волі ў калоніі.

У студзені 2023 года ён быў вызвалены, цалкам адбыўшы тэрмін пакарання, прызначаны судом.

Андрэй быў асуджаны па адміністратыўным артыкуле ў кастрычніку 2020 года за ўдзел у паслявыбарчай акцыі пратэсту. У траўні 2021 года яго затрымалі ў межах крымінальнай справы, узбуджанай па чатырох артыкулах, уключаючы абразу прадстаўніка ўлады і Лукашэнкі. У верасні таго ж года Андрэя прыгаварылі да пазбаўлення волі і выплаты буйной кампенсацыі.

Ён быў вызвалены ў верасні 2024 года ў межах памілавання.

Віталь быў асуджаны за каментар на адрас Лукашэнкі, які следства прызнала абразлівым, і прыгавораны да пазбаўлення волі ў калоніі.

У чэрвені 2022 года яго двойчы змяшчалі ў штрафны ізалятар: першы раз — на 5 сутак, пасля чаго перавялі ў новы атрад да "злосных парушальнікаў рэжыму", а праз некалькі дзён — на 10 сутак. У ліпені таго ж года стала вядома, што Віталя перавялі на пяць месяцаў да канца тэрміна ў памяшканне камернага тыпу.

Ён быў вызвалены ў снежні 2022 года, цалкам адбыўшы прызначанае судом пакаранне.

Пасля вызвалення Віталь пакінуў Беларусь, паколькі пры пастаноўцы на ўлік першы намеснік начальніка Кобрынскага РАУС Аляксандр Касяк пагражаў, што наступным разам яго пасадзяць разам з жонкай.

У лістападзе 2023 года стала вядома, што супраць Віталя распачалі новую крымінальную справу за "садзейнічанне экстрэмісцкай дзейнасці".

Юрыя прызналі вінаватым у тым, што 1 сакавіка 2021 года ён, маючы намер публічна абразіць Лукашэнку, пакінуў каментар у сацыяльнай сетцы, які экспертыза прызнала зневажальным і негатыўным у адносінах да Лукашэнкі: «Паганая твар не можа быць царом, люцыфер у чалавечым абліччы…».

У канцы студзеня 2023 года быў вызвалены, цалкам адбыўшы тэрмін пакарання, прызначаны судом.

Артур быў затрыманы ў чэрвені 2021 года ў рамках крымінальнай справы, узбуджанай па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх». Увосень таго ж года яго прызналі вінаватым: на думку абвінавачання, з 31 жніўня 2020 года па 31 красавіка 2021 года Артур размяшчаў у тэлеграм-чатах «Кіроўцы 97» і «Ваеннае мястэчка Уручча» паведамленні з заклікамі да ўдзелу ў пратэстах, блакіроўцы руху транспарту і арганізацыі масавых мерапрыемстваў.

У сакавіку 2023 года Артур быў вызвалены, цалкам адбыўшы прызначаны судом тэрмін пакарання.

Павел быў затрыманы 23 чэрвеня 2021 года ў межах крымінальнай справы аб удзеле ў масавых беспарадках, узбуджанай па падзеях у Мінску ў жніўні 2020 года.

У кастрычніку таго ж года яго асудзілі за ўдзел у акцыях пратэсту, якія праходзілі 10-11 жніўня 2020 года, і прыгаварылі да пазбаўлення волі.

Вызвалены ў сакавіку 2025 года, цалкам адбыўшы прызначаны судом тэрмін пакарання.

Пасля вызвалення яго абавязалі рэгулярна адзначацца ў міліцыі, а дома праводзіліся начныя праверкі. Таксама ператрусы праходзілі ў ягоных бацькоў. Праз гэтыя пераследы ў канцы траўня 2025 года Павел пакінуў Беларусь.

Ягор — галоўны рэдактар сайта "Наша Ніва" (nn.by), працуе ў выданні з 2009 года. 8 ліпеня 2021 года яго затрымалі па справе аб "групавых дзеяннях, якія груба парушаюць грамадскі парадак". Пазней яму прад'явілі абвінавачанне па артыкуле аб "нанясенні маёмаснай шкоды без прыкмет крадзяжу" — за аплату камунальных паслуг па тарыфах для фізічных асоб замест юрыдычных асоб. Следства налічыла ўрон больш за 10 тысяч рублёў.

У сакавіку 2022 года Ягора прыгаварылі да пазбаўлення волі, нягледзячы на тое, што ўрон быў цалкам кампенсаваны.

У жніўні 2023 года ён быў вызвалены, цалкам адбыўшы прызначаны судом тэрмін пакарання.

Аляксандр быў затрыманы зімой 2021 года і асуджаны па артыкулах аб абразе Лукашэнкі і распальванні варожасці па прыкмеце сацыяльнай прыналежнасці - у дачыненні да супрацоўнікаў міліцыі. Справа аб абразе Лукашэнкі была ўзбуджаная за каментар у Telegram, пакінуты Аляксандрам 27 верасня 2020 года. Па іншым артыкуле аснову крымінальнай справы склалі паведамленні, размешчаныя ім з ліпеня па кастрычнік 2020 года, якія, на думку следства і суда, утрымлівалі заклікі да агрэсіўных дзеянняў супраць супрацоўнікаў АУС.

Па падліках праваабаронцаў, у траўні 2024 года Аляксандр быў вызвалены, цалкам адбыўшы прызначанае судом пакаранне.

Леанід быў затрыманы ў лютым 2021 года і пазней абвінавачаны ў публічных закліках да гвалту і здзяйснення актаў тэрарызму, якія, па версіі следства, ён размяшчаў у адным з публічных Telegram-чатаў у кастрычніку-лістападзе 2020 года. Сваю віну не прызнаў.

Па падліках праваабаронцаў, у красавіку 2024 года ён быў вызвалены, цалкам адбыўшы прызначанае судом пакаранне.

Сяргей быў затрыманы ў межах крымінальнай справы, узбуджанай пасля акцыі пратэсту, якая праходзіла ў Пінску ў ноч з 9 на 10 жніўня 2020 года супраць фальсіфікацый на прэзідэнцкіх выбарах. Яго асудзілі за ўдзел у "масавых беспарадках".

Быў вызвалены ў жніўні 2024 года па памілаванні.