Аляксей Валер'евіч Лазарэнка

Праграміст, захапляецца музыкай і рыбалкай. Вельмі дапытлівы, дасведчаны ў шматлікіх сферах. Вывучае англійскую і нямецкую мовы. Заўсёды ведаў, што будзе жыць у Германіі, любіць гурт Раммштайн, усё жыццё іх слухае, ведае ўсе песні на памяць.

На праўладных каналах паведамілі, што Арцёма затрымалі за тое, што ён распрацаваў праграму па сканаванні штрых-кодаў для байкатавання кампаній, якія падтрымліваюць рэжым.

Затрыманы 22 жніўня 2021 года каля дачы старшыні Вярхоўнага суда РБ Сукала В.А. за спробу падпалу.

Магчыма, быў справакаваны супрацоўнікам КДБ.

Журналіст-расследавальнік, рэдактар беларускага партала «Штодзённік» (ej.by).

Быў затрыманы 8 снежня 2021 года. Раней Сяргей быў затрыманы з 25 сакавіка да 4 красавіка 2020 года па гэтай жа справе.

Частка праваабарончых арганізацый расцаніла рэпрэсіі як пасведчанне аб наяўнасці палітычнага матыву ў пераследзе журналіста, накіраванага на прымус да спынення або змены характару ягонай дзейнасці па распаўсюдзе інфармацыі аб карупцыі.

Падставай для пераследу журналіста, на думку калег Сацука, сталі гучныя расследаванні, якія ў першую чаргу тычацца маштабнай карупцыі ў медыцынскай сферы. На падставе атрыманых фактаў ён распавёў аб беспрэцэдэнтных «адкатах» за пастаўку дарагога абсталявання; аб закупцы незарэгістраванай вакцыны, якую фактычна апрабавалі на беларускіх дзецях; аб фальсіфікацыі дадзеных па распаўсюджванні COVID-19 у Беларусі. І ўсё гэта пры адабрэнні кантрольнага ведамства — Міністэрства аховы здароўя.

Быў затрыманы 24 лістапада 2021 года. У тэлеграм-канале МУС Беларусі з'явілася паведамленне аб тым, што Віталь нібыта ў жніўні мінулага года прымаў актыўны ўдзел у масавых беспарадках у раёне гандлёвага цэнтра «Рыга».

Быў затрыманы 9 лістапада па падазрэнні па крымінальнай справе аб групавых дзеяннях, якія груба парушаюць грамадскі парадак.

Таксама маладога чалавека абвінавацілі ў атрыманні з-за мяжы тэлескапічных дубінак, электрашокераў і іншых сродкаў.

Сяргей быў затрыманы ў жніўні 2021 года ў межах крымінальнай справы, узбуджанай па артыкуле «акт тэрарызму».

Паводле абвінавачання, з ліпеня 2020 года па студзень 2022 года ў Беларусі, Турцыі, Польшчы, Украіне і іншых краінах «дзейнічала арганізаваная злачынная група, мэтай якой было здзяйсненне экстрэмісцкіх злачынстваў. У групе ўдзельнічалі радыкальна настроеныя асобы, у тым ліку былыя і дзейныя вайскоўцы, супрацоўнікі сілавых органаў, спартоўцы і бізнэсмэны, якія імкнуліся захапіць уладу незаконным шляхам». Гэтая справа звязана з абвінавачваннямі ў спробе падпалу дома дэпутата Алега Гайдукевіча ў чэрвені 2021 года і «арганізацыі масавых беспарадкаў».

Сяргея асудзілі па некалькіх крымінальных артыкулах на вялікі тэрмін пазбаўлення волі і штрафу, а таксама яго пазбавілі воінскага звання.

Аляксей, былы вайсковец, сувязіст і дырэктар кампаніі па ўсталяванні і рамонце гаражных электраварот і шлагбаўмаў, быў затрыманы ў верасні 2021 года ў рамках крымінальнай справы, звязанай з ініцыятывай «Буслы ляцяць». Некаторыя эпізоды абвінавачання тычыліся пашкоджання аўтамабіля суддзі Барысаўскага раёна. У выніку ён быў прыгавораны да працяглага тэрміну пазбаўлення волі і штрафу.

У Аляксея трое дзяцей, адзін з іх — непаўналетні.

Згодна з матэрыяламі справы Ігар , выкарыстоўваючы ноўтбук, адправіў некалькі электронных паведамленняў на электронную паштовую скрыню афіцыйнага інтэрнэт-партала прэзідэнта Рэспублікі Беларусь , дзе выказаў пагрозы гвалту ў дачыненні да прэзідэнта. Ён жа адправіў электроннае паведамленне, даступнае для прагляду трэцім асобам, у тым ліку супрацоўнікам адміністрацыі прэзідэнта РБ, у тэксце якога выказаў абразы ў адрас прадстаўнікоў улады ў сувязі з выкананнем імі службовых абавязкаў — супрацоўнікаў органаў унутраных спраў РБ Івана Кубракова і Дзмітрыя Балабы. Падобныя зносіны з пагрозамі гвалту, знішчэння і пашкоджання маёмасці мужчына накіраваў і супрацоўнікам Следчага камітэта Рэспублікі Беларусь. Таксама Ігар удзельнічаў у пратэстах падчас паслявыбарчых акцый пратэсту ў Менску ў 2020 годзе.

Згодна з заключэннем медыцынскай экспертызы, у перыяд учынення злачынстваў Карпіцкі пакутаваў на псіхічнае захворванне, але мог усведамляць фактычны характар і грамадскую небяспеку сваіх дзеянняў і кіраваць імі. У прымусовых мерах бяспекі і лячэнні не мае патрэбы. Мае непаўналетняе дзіця.

Вілейскі актывіст. З 9 жніўня 2021 года яго ўтрымлівалі на "сутках" у ізалятарах Смалявіч і Вілейкі. 20.10.2021 стала вядома , што ён змешчаны ў ІЧУ на Акрэсціна і супраць яго ўзбуджана крымінальная справа.

18.07.2023 года вызвалены поўнасцю адбыўшы тэрмін пакарання, прызначаны судом.

15 лютага 2024 г. актывіст перастаў выходзіць на сувязь. Пазней стала вядома , што Кудзік знаходзіцца ў мясцовым ІЧУ, дзе адбывае 15 сутак адміністрацыйнага арышту. Але на волю па сканчэнні тэрміна ён не выйшаў - яго затрымалі ў рамках крымінальнай справы.

Былы слесар-рамонтнік цэха "Аміяк-3".

9 лістапада 2022 г. у Гомельскім абласным судзе пачаўся разгляд "справы Рабочага Руху", фігурантамі якога праходзяць адразу дзесяць палітвязняў. На другі дзень працэсу ўсе фігуранты справы заявілі суду, што сваю віну ў дзяржздрадзе і стварэнні экстрэмісцкага фармавання не прызнаюць . Андрэй Пагерыла пагадзіўся толькі з абвінавачаннем у паклёпе. Усе фігуранты "справы Рабочага Руху" на судзе адмовіліся даваць паказанні. 27 снежня працэс закрылі да вынясення прысуду, хаця да гэтага ён праходзіў у адкрытым рэжыме.

Былы апаратчык цэха "Аміяк-3". Па папярэдняй інфармацыі затрыманы ў рамках артыкулаў 356 і 357 КК РБ ("здрада дзяржаве" і "змова або іншыя дзеянні, учыненыя з мэтай захопу дзяржаўнай улады").

Увосень 2024 г. над палітвязнем адбыўся суд па замене рэжыму ўтрымання на турэмны .

Былы юрысконсульт ААТ "Нафтан" завод "Палімір". Быў затрыманы на тэрыторыі Расійскай Федэрацыі без законных падстаў. Прычын затрыманняў ніхто не патлумачыў і Аляксандра ў экстраным парадку перадалі КДБ Беларусі, якія таемна вывезлі яго ў Мінск з пагранпераходу Расія/Украіна "Траебортнае". У першыя дні пасля затрымання ў яго зламаная нага і пашкоджаная рука.

10 красавіка 2024 г., у Бабруйску адбыўся суд па справе аб замене палітвязню рэжыму ўтрымання. Па рашэнні суддзі Паўла Карцініна Аляксандра перавялі на турэмны рэжым.

Валянцін, сябра Рады “Вясны” і віцэ-прэзідэнт Міжнароднай федэрацыі за правы чалавека (FIDH), з'яўляецца адным з найбольш вядомых экспертаў і аналітыкаў у сферы правоў чалавека. Ён актыўна выступае за недыскрымінацыю і супраць смяротнага пакарання, удзельнічаў у міжнародных канферэнцыях, праваабарончых місіях і назіраннях за выбарамі ў краінах АБСЕ.

14 ліпеня 2021 года пасля ператрусу ў кватэры яго павезлі на допыт, пасля чаго пакінулі пад арыштам у межах крымінальнай справы па артыкулах "нявыплата падаткаў" і "арганізацыя дзеянняў, якія груба парушаюць грамадскі парадак".

У верасні 2022 года справа па артыкуле аб нявыплаце падаткаў была спынена, аднак супраць Валянціна вылучылі новыя абвінавачанні — у кантрабандзе і фінансаванні групавых дзеянняў, якія груба парушаюць грамадскі парадак.

27 кастрычніка 2022 года, падчас 41-га Кангрэса Міжнароднай федэрацыі за правы чалавека (FIDH), Валянцін Стэфановіч быў пераабраны віцэ-прэзідэнтам арганізацыі.

У сакавіку 2023 года ён быў асуджаны і прыгавораны да пазбаўлення волі, а таксама да выплаты буйной кампенсацыі. У судзе Валянцін сваёй віны не прызнаў.

Паводле наяўнай інфармацыі, умовы ўтрымання былі ўцяжараныя, і яго перавялі на турэмны рэжым.

Антон, валанцёр фонду "Краіна для жыцця" і пошукавага атрада "Анёл", быў затрыманы 9 ліпеня 2021 года ў рамках "аперацыі КДБ па зачыстцы ад радыкальна настроеных асоб" і змешчаны ў СІЗА па абвінавачанні ў фінансаванні дзейнасці экстрэмісцкага фарміравання.

У кастрычніку 2022 года яму прад'явілі абвінавачанне ў "змове з мэтай захопу дзяржаўнай улады неканстытуцыйным шляхам", а ў лістападзе таго ж года Антон быў прыгавораны да пазбаўлення волі ў калоніі строгага рэжыму.

Сяргей, памочнік кіраўніка адной са сталічных арганізацый, быў затрыманы ў верасні 2020 года ў сябе дома за ўдзел у акцыі пратэсту супраць фальсіфікацый прэзідэнцкіх выбараў і гвалту супраць мірных грамадзян, якая праходзіла 11 жніўня 2020 года ў Менску. Яго асудзілі за "ўдзел у масавых беспарадках", а таксама па артыкуле, звязаным з наркотыкамі.

м

7 верасьня 2020 года яго затрымалі па месцы жыхарства. Згодна з пратаколам агляду, у момант затрымання ён знаходзіўся ў стане, выкліканым спажываннем псіхатропных рэчываў, у яго арганізме быў выяўлены мефедрон. Падчас вобыску ў кватэры праваахоўнікі знайшлі парашкападобнае рэчыва. Пазней следчыя прыйшлі да высновы, што Сікорскі таксама збыў такое рэчыва 46-гадовай жыхарцы Магілёва.

Падчас спрэчак бакоў дзяржабвінаваўца запытаў суд прысудзіць Сікорскаму:

• Па частцы 1 артыкула 328 КК - 2 гады пазбаўлення волі;
• Па частцы 3 артыкула 328 КК - 7 гадоў пазбаўлення волі і 300 базавых велічынь штрафу. Шляхам складання пакаранняў па дзвюх частках артыкула 328 разам прысудзіць 7 гадоў пазбаўлення волі;
• Па частцы 2 артыкула 293 КК - 5 гадоў пазбаўлення волі.

Выніковае пакаранне -9 гадоў пазбаўлення волі з адбываннем у папраўчай калоніі ўзмоцненага рэжыму і 300 базавых велічынь штрафу.