Усе рэпрэсаваныя

Вядомая грамадская дзяячка, якая раней актыўна ўдзельнічала ў Аб'яднанай грамадзянскай партыі, была затрыманая 4 студзеня 2021 года ў сваім доме ў рамках "справы Аўтуховіча". Улады абвінавацілі яе ў датычнасці да "тэрарыстычнай групы", якая падпальвала аўтамабілі і дамы супрацоўнікаў міліцыі.

Падчас зняволення ў Вольгі ўзнікла падазрэнне на дыябет.

5 сакавіка 2024 года адбылося чарговае судовае паседжанне па артыкуле 411 КК РБ.

Уладзімір, актывіст і краязнаўца з Баранавіч, які мае інваліднасць другой групы - у яго адна нага. Затрыманы 30 снежня 2020 года па "справе Аўтуховіча" пад абвінавачаннем у "падрыхтоўцы тэракту". Першы суд адбыўся ў маі 2021 года, дзе яго асудзілі па артыкуле 366 КК за гвалт у дачыненні да службовай асобы. Уладзіміра прыгаварылі да трох гадоў калоніі агульнага рэжыму.

Разгляд "справы Аўтуховіча" пачаўся 18 мая 2022 года. Падчас суда Уладзіміра неаднаразова выдалялі з паседжанняў і адпраўлялі ў карцэр. На адным з чэрвеньскіх пасяджэнняў яго змясцілі ў клетку ў адных трусах, рукі прышпілілі кайданкамі да рашоткі ў расцяжцы. У адказ Уладзімір аб'явіў галадоўку, якую трымаў 11 дзён. Па гэтай справе быў асуджаны паводле артыкулаў 285 і 357 КК РБ на 18 гадоў пазбаўлення волі.

У сярэдзіне снежня 2022 года стала вядома, што Уладзіміру прад'явілі новае абвінавачанне ў абразе пракурора Людмілы Герасіменкі, якая прадстаўляла абвінавачанне па "справе Аўтуховіча" па артыкуле 369 КК РБ, і дадалі тэрмін на 2.5 гады пазбаўлення волі.

У кастрычніку 2023 года пераведзены на турэмны рэжым на 3 гады.

Пенсіянерка з аграгарадка Абухава Гродзенскага раёна, якая пакутуе ад анкалагічнага захворвання і сардэчных праблем, была затрымана 10 снежня 2020 года па "справе Аўтуховіча". Улады абвінавацілі яе ва ўдзеле ў "тэрарыстычнай групоўцы", якая нібыта падпальвала аўтамабілі і дамы міліцыі. Падчас следства Галіне ўвесь час пагражалі і прымушалі агаворваць сябе. Яна пісала скаргі ў пракуратуру, але не атрымлівала адказаў, а таксама падвяргалася жорсткім умовам утрымання ў карцэры, што некалькі разоў прыводзіла да страты прытомнасці.

Індывідуальная прадпрымальніца і пенсіянерка. У снежні 2020 года была арыштаваная разам з сынам Антонам па "справе Аўтуховіча". Улады абвінавацілі яе ва ўдзеле ў "тэрарыстычнай групоўцы", якая падпальвала аўтамабілі і дамы міліцыі. Таксама яе абвінавацілі ва ўдзеле ў пратэстнай акцыі, якая праходзіла ў верасні 2020 года ў Брэсце.

Затрымана па "справе Аўтуховіча" ў снежні 2020 года. Ірына абвінавачаная ва ўдзеле ў "тэрарыстычнай групоўцы", якая падпальвала машыны і дамы супрацоўнікаў міліцыі па артыкулах 295 і 405 КК РБ.

У Вярхоўным судзе 31 сакавіка 2023 года была разгледжана апеляцыйная скарга, і суддзя пастанавіла адмяніць Ірыне артыкул 405 КК РБ і скараціць тэрмін зняволення на адзін месяц.

Сын праваслаўнага святара Сяргея Разановіча, ён быў затрыманы разам са сваімі бацькамі ў межах артыкула 289 КК РБ па "справе Аўтуховіча". Працаваў у аддзеле прымусовага выканання Ленінскага раёна горада Брэста.  

Жонка праваслаўнага святара Сяргея Разановіча. Раней валодала службай таксі. Была затрымана разам з мужам і сынам Паўлам у межах арт. 289 КК РБ па "справе Аўтуховіча".

Паводле следства, яна дапамагала Аўтуховічу збіраць інфармацыю аб супрацоўніках праваахоўных органаў. Акрамя таго, жанчына пусціла да сябе пажыць Аўтуховіча з астатнімі фігурантамі справы, а яны захоўвалі ў доме зброю. На судзе Любоў папрасіла прабачэння ў свайго мужа Сяргея, бо лічыць сябе вінаватай у тым, што ён зараз знаходзіцца на лаве падсудных.

Праваслаўны святар, настаяцель храма святога Архангела Міхаіла ў аграгарадку Сцяпанкі Жабінкаўскага раёна (Брэсцкая вобласць). Быў затрыманы разам з жонкай Любоўю і сынам Паўлам па "справе Аўтуховіча".

Сяргею прад'явілі абвінавачанне па артыкулах 285, 295 і 357 КК РБ.

Быў затрыманы разам з Мікалаем Аўтуховічам па артыкуле 289 КК РБ. Усе фігуранты былі затрыманыя ў снежні-студзені 2020 года. Улады адразу аб'явілі Аўтуховіча арганізатарам і кіраўніком "тэрарыстычнай групоўкі", якая дзейнічала на тэрыторыі Гродзенскай вобласці і нібыта падпальвала аўтамабілі і дамы супрацоўнікаў міліцыі. У залежнасці ад ролі іх абвінавацілі ўвогуле па 15 артыкулах Крымінальнага кодэкса, а матэрыялы справы склалі 65 тамоў. Абвінавачанне таксама сцвярджала, што Аўтуховіч рыхтаваў тэракты і збіраў звесткі аб сілавіках па ўказанні ўкраінскіх спецслужбаў.

Быў затрыманы па артыкуле 289 КК РБ. Некалькі разоў адбываў пакаранне за сваю грамадзянскую пазіцыю. Быў прызнаны вязнем сумлення. Усе фігуранты былі затрыманыя ў снежні-студзені 2020 года. Улады адразу аб'явілі Аўтуховіча арганізатарам і кіраўніком "тэрарыстычнай групоўкі", якая дзейнічала на тэрыторыі Гродзенскай вобласці і нібыта падпальвала аўтамабілі і дамы супрацоўнікаў міліцыі. У залежнасці ад ролі іх абвінавацілі ўвогуле па 15 артыкулах Крымінальнага кодэкса, а матэрыялы справы склалі 65 тамоў. Абвінавачанне таксама сцвярджала, што Аўтуховіч рыхтаваў тэракты і збіраў звесткі аб сілавіках па ўказанні ўкраінскіх спецслужбаў.

Анархіст. У ноч з 28 на 29 кастрычніка 2020 г. быў затрыманы пры перасячэнні мяжы Беларусі. Сяргею былі прад'яўленыя абвінавачанні па артыкулах 289 і 295 КК РБ.

Раней ён адбываў пакаранне ў выглядзе 5 гадоў пазбаўлення волі паводле артыкула 295-3 КК РБ і быў вызвалены ў 2019 годзе.

29 кастрычніка 2021 года ў Гомелі ён быў прыгавораны да 1 года пазбаўлення волі за парушэнне нагляду па папярэднім палітычным артыкуле.

23 сакавіка 2023 года над Сяргеем адбыўся суд паводле часткі 2 артыкула 411 КК РБ, і суддзя прызначыў яму дадаткова 11 месяцаў пазбаўлення волі.

Анархіст. У ноч з 28 на 29 кастрычніка 2020 г. быў затрыманы пры пераходзе мяжы Беларусі. разам з анархічнай партызанскай групай Чорны Сцяг. Разам з таварышамі яго абвінавацілі ў падпале аўтамабіляў дзяржаўных чыноўнікаў, аддзялення ДАІ і дзяржаўнага камітэта судовай экспертызы.

У сакавіку 2024 года стала вядома , што над Дзмітрыем Разановічам 26.03.2024 года адбудзецца суд па арт. 411 ч. 2 "Злоснае непадпарадкаванне патрабаванням адміністрацыі папраўчай установы, якая выконвае пакаранне ў выглядзе пазбаўлення волі" . Па дадзеным артыкуле судзяць за выдуманыя парушэнні зняволеным, якія адмаўляюцца ад супрацоўніцтва з адміністрацыяй, Зміцеру пагражае да 2 гадоў пазбаўлення волі.

Анархіст. Быў затрыманы ўначы з 28 на 29 кастрычніка 2020 года пры спробе перасячэння мяжы Беларусі.

Змітру прад'явілі абвінавачанні па артыкулах 289, 295 і 333-1 КК РБ і асудзілі на 18 гадоў пазбаўлення волі ў калоніі ўзмоцненага рэжыму. 25 лістапада 2022 года ў судзе быў вынесены другі прыгавор. Яго прызналі вінаватым па частцы 2 артыкула 339 і частцы 2 артыкула 218 КК і прыгаварылі да пяці гадоў пазбаўлення волі ў калоніі ўзмоцненага рэжыму. Шляхам частковага складання пакаранняў канчаткова Зміцера прысудзілі да 20 гадоў пазбаўлення волі.

У жніўні 2023 года яго перавялі на турэмны рэжым за "парушэнне правілаў распарадку".

Анархіст. Былы палітычны вязень па "справе анархістаў" у 2010 годзе.

У ноч з 28 на 29 кастрычніка 2020 г. быў затрыманы пры пераходзе мяжы Беларусі. Ігару прад'явілі абвінавачанні па артыкулах 289, 295 і 333-1 КК РБ.

08 жніўня 2022 году рашэньнем суда быў пераведзены на турэмны рэжым.

Адзін з кіраўнікоў ініцыятывы "Сумленныя людзі". Ён прымаў актыўны ўдзел у працы выбарчага штабу Віктара Бабарыка і ўзначальваў аддзел верыфікацыі подпісаў. Быў затрыманы супрацоўнікамі ДФР.