Ігар быў прызнаны вінаватым у кастрычніку 2021 года па артыкуле "абраза прадстаўніка ўлады" за каментар, пакінуты пад публікацыяй фатаграфіі супрацоўніка Дзяржаўтаінспекцыі Ганцавіцкага РУУС Ігара Вольніча, на якім ён прыціснуў каленам да зямлі затрыманага.
Віктар быў прызнаны вінаватым у кастрычніку 2021 года па артыкуле "абраза прадстаўніка ўлады" за каментар, пакінуты ў сацыяльнай сетцы "Аднакласнікі" пад публікацыяй фатаграфіі супрацоўніка Дзяржаўтаінспекцыі Ганцавіцкага РУУС Ігара Вольніча, на якім ён прыціснуў каленам да зямлі затрыманага.
Па падліках праваабаронцаў ён быў вызвалены ў 2023 годзе, цалкам адбыўшы прызначаны судом тэрмін пакарання.
Ігар быў асуджаны за тое, што пакінуў у сацыяльнай сетцы «Аднакласнікі» каментар пад фатаграфіяй начальніка Ганцавіцкага РАУС Віталя Куляшова: «Нядоўга, стварэнне, засталося. Час пачаць баяцца свайго народа». Яго прыгаварылі да абмежавання волі з накіраваннем ва ўстанову адкрытага тыпу.
- Аб'яднанні
- Людзі з інваліднасцю
- Аб'яднанні
- Людзі з інваліднасцю
27 кастрычніка 2021 года Андрэя прызналі вінаватым у абразе супрацоўніка міліцыі з Гродна Уладзіміра Казлоўскага — міліцыянта, які ўпаў падчас бойкі 29 траўня 2020 года на пікеце па зборы подпісаў за вылучэнне Святланы Ціханоўскай кандыдатам у прэзідэнты. Па версіі абвінавачання, Андрэй пакінуў у сацыяльнай сетцы «Аднакласнікі» каментар са словам «мразь» пад пастом Вольгі Карач.
Нягледзячы на другую групу інваліднасці з-за праблем з сэрцам, яго амаль месяц трымалі пад вартай. Пасля абвяшчэння прысуду Андрэя вызвалілі ў зале суда.
Уладзіслаў быў прызнаны вінаватым 28 кастрычніка 2021 года па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх» за ўдзел у паслявыбарчай акцыі пратэсту, якая прайшла 9 жніўня 2020 года ў Жлобіне.
Па падліках праваабаронцаў, ён быў вызвалены восенню 2023 года, цалкам адбыўшы прызначаны судом тэрмін пакарання.
Яўген быў прызнаны вінаватым 28 кастрычніка 2021 года па артыкуле "арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх" за ўдзел у паслявыбарчай акцыі пратэсту, якая прайшла 9 жніўня 2020 года ў Жлобіне.
Вызвалены восенню 2023 года, цалкам адбыўшы прызначаны судом тэрмін пакарання.
Вячаслаў быў прызнаны вінаватым у кастрычніку 2021 года па артыкуле "абраза Лукашэнкі" за расклейку ўлётак з тэкстамі "Адольф Рыгоравіч Лукашэнка" і "Нам патрэбны труп у адзенні караля, а не жывы прыдурак у руля".
Вызвалены ў снежні 2023 года, цалкам адбыўшы прызначаны судом тэрмін пакарання.
Пасля вызвалення палітычны пераслед у дачыненні да Вячаслава працягнуўся, і ён быў вымушаны пакінуць Беларусь.
Генадзь быў прызнаны вінаватым у кастрычніку 2021 года па артыкулах «супраціў супрацоўніку міліцыі ці іншай асобе, якая ахоўвае грамадскі парадак» і «абраза Лукашэнкі» за расклейку ўлётак з тэкстамі «Адольф Рыгоравіч Лукашэнка» і «Нам патрэбны труп у адзенні караля, а не жывы дурнік пры ўладзе».
Вызвалены ў снежні 2023 года, цалкам адбыўшы прызначаны судом тэрмін пакарання.
Пасля вызвалення палітычны пераслед у дачыненні да Генадзя працягнуўся, і ён быў вымушаны пакінуць Беларусь.
- Аб'яднанні
- Замежныя грамадзяне
- Аб'яднанні
- Замежныя грамадзяне
Зухра, ураджэнка Узбекістана, была прызнана вінаватай у кастрычніку 2021 года па артыкулах "гвалт або пагроза прымянення гвалту ў дачыненні да супрацоўніка органаў унутраных спраў", "абраза прадстаўніка ўлады" і "Паклёп". Па версіі абвінавачання, яна публічна абразіла начальніка Полацкага РАУС — Аляксандра Гаруса. Сярод "пацярпелых" таксама падпалкоўнік Дзяніс Карасёў, начальнік аддзела аховы правапарадку аддзела прафілактыкі грамадскай бяспекі, і маёр Віталь Шашукоў, намеснік начальніка Полацкага ІЧУ, якім жанчына нібыта пагражала.
Нягледзячы на тое, што Зухра даглядае дзіця з інваліднасцю, яе прыгаварылі да абмежавання волі з накіраваннем у папраўчую ўстанову адкрытага тыпу.
У верасні 2024 года прэзідыум Віцебскага абласнога суда разгледзеў у адкрытым паседжанні крымінальную справу Зухры па касацыйным пратэсты намесніка Генеральнага пракурора РБ. Па выніках паседжання артыкул "абраза прадстаўніка ўлады" быў адменены, а тэрмін абмежавання волі скарочаны на два месяцы.
У студзені 2025 года ў рамках спецвытворчасці адбылося завочнае судовае паседжанне па пытанні замены абмежавання волі на пазбаўленне волі ў калоніі.
Дзяніс быў затрыманы 5 жніўня 2021 года ў рамках крымінальнай справы, узбуджанай па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх», і змешчаны на трое сутак у ІЧУ. Пасля ён быў вызвалены пад асабістае даручальніцтва.
У кастрычніку 2021 года Дзяніс быў асуджаны за тое, што 8 верасня 2020 года апублікаваў у тэлеграм-чаце «Менск 97%» наступнае паведамленне: «Тэрмінова, кіроўцы на Машэрава! Блакуйце рух, не дайце сілавікам сабрацца, дапамажыце пратэстоўцам!».
- Аб'яднанні
- Замежныя грамадзяне
- Аб'яднанні
- Замежныя грамадзяне
Грамадзянін Расіі, жыхар Чабаксар. Затрыманы 1 кастрычніка 2021 года. Абвінавачваўся ў тэрарызме (арт. 289 КК РБ), потым артыкул змянілі. Знаходзіцца пад вартай. Сваякоў у Беларусі няма. Абвінавачваецца ў падпале аўтамабіля кіраўніка камітэта судэкспертыз Аляксея Волкава.
Восенню 2023 года быў экстрадаваны ў Расію з прычыны згоды на ўдзел ваяваць на баку Расіі.
Быў узяты пад варту ў сувязі з абвінавачаннем па ч.3 арт.371 КК за арганізацыю незаконнага перасячэння мяжы грамадзянамі, якія ратуюцца ад адвольнага палітычна матываванага пераследу ўладамі Беларусі, якое магло пацягнуць цяжкія наступствы для іх - катаванні, жорсткае, бесчалавечнае, зневажальнае абыходжанне і незаконнае пазбаўленне волі. Нягледзячы на тое, што яго судзілі за здзяйсненне дзеяння групай асоб, на лаве падсудных быў толькі Яўген. Паводле абвінавачання, ён падвозіў людзей у прымежную зону Літвы.
Вызвалены летам 2024 года, поўнасцю адбыўшы тэрмін пакарання, прызначаны судом.
Зміцер быў затрыманы ў чэрвені 2021 года ў рамках крымінальнай справы, узбуджанай па артыкулах «гвалт або пагроза прымянення гвалту ў дачыненні да супрацоўніка органаў унутраных спраў» і «абраза прадстаўніка ўлады».
У кастрычніку 2021 года яго асудзілі за тое, што, паводле абвінавачання, ён абразіў і выказаў пагрозы на адрас чатырох чалавек у каментарах у адным з тэлеграм-каналаў у 2020–2021 гадах. Пацярпелымі былі А. Перахвацька з Івацэвіцкага РАУС, начальнік Нясвіжскага РАУС А. Грынкевіч, старшы лейтэнант Нясвіжскага РАУС Р. Праневіч і супрацоўнік ГУБАЗіК А. Алекса.
У апошнім слове Зміцер толькі павіншаваў сястру і маці, якія знаходзіліся ў зале суда, з надыходзячым Днём маці. Увесь час ён знаходзіўся за кратамі ў кайданках.
У лістападзе 2021 года ў зняволенні ў Зміцера адбыўся інфаркт, а затым інсульт.
Вызвалены ў сакавіку 2024 года, цалкам адбыўшы прызначаны судом тэрмін пакарання.
- Аб'яднанні
- Бацькі непаўнагадовых
- Аб'яднанні
- Бацькі непаўнагадовых
Жыхар п. Ільіч Рагачоўскага раёна. Затрыманы па арт.130 і 369 Крымінальнага кодэкса. 1 верасня 2022 г. быў вынесены прысуд: палітвязень быў прызнаны вінаватым і асуджаны да 2 гадоў і 6 месяцаў пазбаўлення волі ў калоніі агульнага рэжыму.
У Гомельскім абласным судзе 26 красавіка 2023 г. пачаўся разбор па новай крымінальнай справе, узбуджанай супраць палітвязня. Палітвязня перавялі ў СІЗА-3 .
Па выніках другога суда Андрэя прыгаварылі да 5 гадоў пазбаўлення волі ў калоніі агульнага рэжыму.Разгляд праходзіў у закрытым рэжыме 22 мая 2023 г.
11 верасня 2025 года стала вядома, што 52 вязні беларускага рэжыму прымусова перамясцілі на тэрыторыю Літвы. Сярод іх ёсць і грамадзяне еўрапейскіх краін. Сярод вызваленых Андрэй Сцепанькоў.