Усе рэпрэсаваныя

Затрыманы разам з усёй сям'ёй (жонка, дачка, сын) па падазрэнні ў "дзяржзмене". Дачку пазней, мяркуючы па ўсім, адпусцілі. Васілю Прохараву 54 гады. Ён родам з горада Чарнобыль, у якім знаходзілася сумна вядомая атамная электрастанцыя. Вядома, што ён пацярпелы ў аварыі на ЧАЭС. Прохараў служыў у дэсантных войсках. Потым працаваў на будоўлях і падзарабляў грузаперавозкамі, а таксама вёў невялікі блог.

Удзельнікі закрытага працэсу маюць падпіскі аб неразгалошванні. З неафіцыйнай крыніцы вядома, што крымінальная справа тычыцца фатаграфавання розных аб'ектаў на тэрыторыі Беларусі, а за фігурантамі справы нейкі час перад арыштам сачылі спецслужбы.

Сям'я Прохаравых доўгі час жыла ў вёсцы Грабаўка Гомельскага раёна. На момант затрымання яны жылі ў вёсцы Уза Гомельскага раёна, куды пераехалі два гады таму.

Андрэю 36 гадоў. У 2020-м працаваў у агенцтве нерухомасці "Этажы". У мужчыны ёсць маленькая дачка.

Паводле праўладных тэлеграм-каналаў, ён сам напісаў у Чорную кнігу Беларусі і прапанаваў скідваць адрасы сілавікоў, якія маюць дачыненне да рэпрэсій. Андрэй не ведаў, што на тым баку яму адказвае супрацоўнік ГУБАЗіК Артур Гайко.

Андрэя затрымалі 10 лістапада 2023 года. Цяпер яму пагражае да 12 гадоў зняволення.

Мужчына карыстаўся адным і тым жа акаўнтам з 2019 года. З яго ён» зліваў інфармацыю ў Чорную кнігу Беларусі, з яго ж пісаў каментары ў адкрытых чатах і групах. У відэа паказваюць яго архіўнае імя карыстальніка з базы бота ЧКБ, якую захаваў Артур Гайко. Праз яго можна адшукаць актуальнае імя тэлеграм-акаўнта і ID.

Жыхар Брэста, відэааператар. Ёсць непаўналетнія дзеці. 7 чэрвеня 2023 года быў затрыманы па адміністрацыйнай справе (ч. 2 арт.19.11 КаАП), атрымаў 10 сутак арышту за падпіску на "Люстэрка" ва інстаграм. Выйшаў на волю, але праз два тыдні быў затрыманы па крымінальнай справе.

Як мяркуецца, асуджаны за актыўнасць (каментары і лайкі) у сацсетках.

21.02.2024 адбылося апеляцыйнае паседжанне суда, прысуд уступіў у сілу.

Суд над ім распачаўся 4 верасня 2023 года ў Менскім гарадскім судзе. Гэта той самы мінчук , якога людзі "адбілі" ад затрымання на пікеце па зборы подпісаў 31 траўня 2020 года пасля таго, як той крыкнуў супрацоўнікамі ДАІ "Ганьба!". Цяпер Яўгена судзяць у межах крымінальнай справы.

17.11.2023 адбылося апеляцыйнае паседжанне суда, прысуд уступіў у сілу.

Строгі прысуд па крымінальнай справе - помста ўлады за ўдзел 9 жніўня 2020 г. у мірнай акцыі пратэсту супраць вынікаў выбараў Прэзідэнта РБ і працу ў страйкаме на БМЗ.

У апошні час большасць асуджаных у Жлобіне па такім жа артыкуле атрымлівалі абмежаванне волі без накіравання ва ўстановы адкрытага тыпу. Аднак да справы Аляксея Аўдзеева паставіліся вельмі жорстка. Спецыяльна за два тыдні да разгляду ягонай крымінальнай справы, у судзе Жлобінскага раёна разглядалася адміністрацыйная справа па ч. 2 арт. 19.11 КаАП РБ, якую вялі супраць маладога чалавека.

Пра Аляксея вядома, што ён актыўна валанцёрыў падчас эпідэміі ковіда, адным з першых пайшоў у стачку пасля выбараў 2020, у вольны час трэніраваў падлеткаў, якія цікавіліся мотаспортам і гонкамі па перасечанай мясцовасці, уласнаручна збіраў для сябе матацыкл.

10.01.2024 адбылося апеляцыйнае паседжанне суда, прысуд уступіў у сілу.

Журналіст-фрылансер з Пінска, уладальнік сайта і старонкі ў TikTok "пра Столін".

Аляксандр даўно жыў адзін на Палессі, таму пра яго затрыманне стала вядома выпадкова. Неабыякавыя людзі занепакоіліся, што ён даўно не выходзіць на сувязь. Аказалася, што Аляксандр змешчаны ў брэсцкае СІЗА-7. паводле неправеранай інфармацыі, яму інкрымінуюць "садзейнічанне экстрэмісцкай дзейнасці".

Таксама Аляксандр - бацька хлопца, які "разабраў" вадамёт у Мінску на пратэстах 2020.

Па версіі МУС , мужчына рабіў ролікі з кампраматам, паказваў іх мясцовым прадпрымальнікам і патрабаваў грошы за «маўчанне». Таксама ён нібыта "садзейнічаў дзейнасці экстрэмісцкага тэлеграм-канала, адміністратары якога знаходзяцца за мяжой».

28.05.2024 адбыўся разгляд апеляцыйнай скаргі, прысуд уступіў у сілу.

Аляксандр асуджаны 13 мая 2023 года за ахвяраванні ініцыятывам, прызнаным экстрэмісцкімі. Дакладны прысуд невядомы.

11.08.2023 адбыўся разгляд апеляцыйнай скаргі, прысуд уступіў у сілу.

Жыў і працаваў у Польшчы паўтара гады і вярнуўся ў Беларусь, дзе і быў затрыманы напрыканцы лістапада 2022 года. Па версіі сілавікоў, менавіта ў Польшчы ён зарэгістраваўся ў плане "Перамога". Таксама ён нібыта пісаў паведамленні з пагрозамі сілавікам.

Андрэю Сцяпурку 33 гады. Мужчына скончыў радыётэхнічны каледж, а затым Міжнародны ўніверсітэт «МІПСА». Працаваў інжынерам-праграмістам у паліклініцы, зборшчыкам кампутараў, аператарам ЭВМ, прадаўцом-кансультантам. Вядома, што ён захапляецца практычнай стральбой, займаўся лазертагам і іншымі відамі стралковых гульняў.

Наколькі вядома , мужчына затрыманы па справе аб выбуху самалёта ў Мачулішчах. Ён нібыта знайшоў кватэру для меркаванага выканаўцы дыверсіі ў Мачулішчах Мікалая Швеца.

Затрыманы таксама бацькі Сцяпуркі і яго брат.

Паводле праўладных тэлеграм-каналаў, былі затрыманыя чатыры чалавекі - іх называюць "спячай ячэйкай экстрэмістаў", якія "мелі" знешнія сувязі "з беларускімі добраахвотнікамі, якія ваююць ва Украіне. У іх ліку Дзмітрый.

Усе яны родам з Гомеля і, мяркуючы па пастах у сацсетках, даўно сябравалі, разам удзельнічалі ў міжнароднай гульні ў Beer Pong у Гомелі. Пасля брутальнага затрымання сяброў прымусілі запісаць "пакаянае відэа" і сказаць аб тым, што яны стварылі чат, дзе перапісваліся паміж сабой, а пасля ўварвання РФ ва Украіну нібыта некалькі разоў у перапісках абразілі Лукашэнку, таксама пісалі "няправільныя" каментары. Яшчэ адно абвінавачанне-хлопцы» мелі знешнія сувязі "з беларускімі добраахвотнікамі, якія ваююць за Украіну. Мяркуючы па ўсім, менавіта гэта стала падставай для ўзбуджэння крымінальнай справы па артыкуле" садзейнічанне экстрэмісцкай дзейнасці".

10.05.2024 адбыўся разгляд апеляцыйнай скаргі, прысуд уступіў у сілу.

Намеснік камандзіра 310-й групы артылерыі па ідэалагічнай рабоце 120-й асобнай гвардзейскай механізаванай брыгады гвардыі, падпалкоўнік. Яго абвінавачваюць у "здрады дзяржаве асобай, на якую распаўсюджваецца статус вайскоўца" і "распальванні іншай сацыяльнай варожасці".

Абставіны справы невядомыя.

5 і 17 ліпеня 2024 г. адбыўся разгляд апеляцыйнай скаргі, прысуд уступіў у сілу.

Нарадзіўся ва Украіне. Чэмпіён Еўропы па кікбоксінгу. Як мяркуецца, затрыманы за жаданне ваяваць ва Украіне.

На судзе Павал заявіў, што першапачаткова на эмоцыях адрэагаваў на вайну ва Ўкраіне, але пазней адмовіўся ад ідэі баявых дзеянняў. Акрамя таго Паўлу ставяць у віну незаконнае перасячэнне праз дзяржмяжу з РФ у РБ моцнадзейных рэчываў (станозолол 100 таблетак), незаконнае набыццё і захоўванне боепрыпасаў (16 гільзаў ад патронаў калібра 9мм, 12 патронаў калібра 9мм).

Зміцер, дырэктар кампаніі «Europcar», партнёра «Uber» у Менску, упершыню быў затрыманы ў лістападзе 2020 года па адміністрацыйным артыкуле за ўдзел у пратэстных акцыях, якія праходзілі супраць вынікаў прэзідэнцкіх выбараў. У другі раз ён быў затрыманы ў жніўні 2021 года ў межах крымінальнай справы, узбуджанай па артыкуле «акт тэрарызму».

Паводле абвінавачання, з ліпеня 2020 года па студзень 2022 года ў Беларусі, Турцыі, Польшчы, Украіне і іншых краінах «дзейнічала арганізаваная злачынная група, мэтай якой было здзяйсненне экстрэмісцкіх злачынстваў. У групу ўваходзілі радыкальна настроеныя асобы, у тым ліку былыя і дзейныя вайскоўцы, супрацоўнікі сілавых структур, спартоўцы і бізнэсмэны, якія імкнуліся захапіць уладу незаконным шляхам».

Гэтая справа звязана з абвінавачваннямі ў спробе падпалу дома дэпутата Алега Гайдукевіча ў чэрвені 2021 года і «арганізацыі масавых беспарадкаў».

Змітра асудзілі па некалькіх крымінальных артыкулах, яму быў прызначаны вялікі тэрмін пазбаўлення волі і штраф, а таксама ён быў пазбаўлены права займаць пасады, звязаныя з арганізацыйна-распарадчымі і адміністрацыйна-гаспадарчымі абавязкамі, на пяць гадоў.