- Аб'яднанні
- Актывісты
- Аб'яднанні
- Актывісты
Вольга, актывістка і былая кіраўніца арганізацыі «Радзіслава», якая дапамагае жанчынам, якія пацярпелі ад хатняга гвалту, была затрыманая ў лістападзе 2021 года ў межах крымінальнай справы, распачатай за арганізацыю жаночых маршаў у 2020 годзе.
У траўні 2022 года Вольгу прызналі вінаватай па артыкуле «арганізацыя альбо актыўны ўдзел у групавых дзеяннях, якія груба парушаюць грамадскі парадак» і прыгаварылі да абмежавання волі без накіравання ў папраўчую ўстанову адкрытага тыпу.
Пакінула Беларусь.
У верасні 2024 года ў рамках спецвытворчасці адбылося завочнае судовае паседжанне па пытанні «замены абмежавання волі без накіравання ў папраўчую ўстанову адкрытага тыпу».
- Аб'яднанні
- Пенсіянеры
- Аб'яднанні
- Пенсіянеры
Яніна была прызнана вінаватай у лістападзе 2021 года па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх» за ўдзел у паслявыбарчай акцыі пратэсту — Маршы адзінства, які праходзіў 6 верасня 2020 года ў Гродне.
Анастасія была прызнана вінаватай у лістападзе 2021 года па артыкуле "абраза прадстаўніка ўлады" за каментар, пакінуты ў адным з тэлеграм-каналаў у адрас памочніцы пракурора Фрунзенскага раёна Мінска Аліны Касьянчык, і прыгаворана да абмежавання волі без накіравання.
- Аб'яднанні
- Выкладчыкі
- Бацькі непаўнагадовых
- Аб'яднанні
- Выкладчыкі
- Бацькі непаўнагадовых
Ірына была затрымана 23 жніўня 2021 года за тое, што пакідала паведамленні ў тэлеграм-канале "Мазыр 97", які быў прызнаны "экстрэмісцкім".
У лістападзе 2021 года яе прызналі вінаватай па артыкулах "групавыя дзеянні, якія груба парушаюць грамадскі парадак" і "незаконныя дзеянні ў дачыненні да інфармацыі аб прыватным жыцці і персанальных дадзеных" і прыгаварыліі да пазбаўлення волі ў калоніі.
Вызвалена ў чэрвені 2023 года, цалкам адбыўшы прызначаны судом тэрмін пакарання.
- Аб'яднанні
- Бацькі непаўнагадовых
- Аб'яднанні
- Бацькі непаўнагадовых
Алена была прызнана вінаватай у лістападзе 2021 года па артыкуле "абраза Лукашэнкі" і прыгаворана да абмежавання волі без накіравання ў папраўчую ўстанову адкрытага тыпу. Судовае паседжанне праходзіла ў закрытым рэжыме, таму падрабязнасці справы невядомыя.
Алена была затрыманая разам з мужам у верасні 2021 года ў межах крымінальнай справы, узбуджанай па артыкуле "арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх".
У лютым 2022 года яе асудзілі па так званай справе "Малочнага міру" за ўдзел у мірнай акцыі пратэсту, якая прайшла 6 верасня 2020 года ў Гродне, а таксама за "гвалт у дачыненні да супрацоўніка міліцыі", і прыгаварылі да пазбаўлення волі ў калоніі.
Вызвалена ў студзені 2024 года, цалкам адбыўшы назначаны судом тэрмін пакарання.
Таццяна была прызнана вінаватай у кастрычніку 2021 года па артыкуле "знявага прадстаўніка ўлады" за каментар, пакінуты ў тэлеграм-групе "Карэлічы 97%" у адрас начальніка штаба Карэліцкага РАУС Аляксея Ката.
Вольга была прызнана вінаватай у кастрычніку 2021 года па артыкуле «абраза прадстаўніка ўлады» за каментар, пакінуты ў сацыяльнай сетцы «Аднакласнікі» у адрас начальніка аддзела па ідэалагічнай працы Кобрынскага РАУС Віктара Турчыновіча, які, паводле версіі абвінавачання, утрымліваў непрыстойную і негатыўную ацэнку «пацярпелага».
- Аб'яднанні
- Замежныя грамадзяне
- Аб'яднанні
- Замежныя грамадзяне
Зухра, ураджэнка Узбекістана, была прызнана вінаватай у кастрычніку 2021 года па артыкулах "гвалт або пагроза прымянення гвалту ў дачыненні да супрацоўніка органаў унутраных спраў", "абраза прадстаўніка ўлады" і "Паклёп". Па версіі абвінавачання, яна публічна абразіла начальніка Полацкага РАУС — Аляксандра Гаруса. Сярод "пацярпелых" таксама падпалкоўнік Дзяніс Карасёў, начальнік аддзела аховы правапарадку аддзела прафілактыкі грамадскай бяспекі, і маёр Віталь Шашукоў, намеснік начальніка Полацкага ІЧУ, якім жанчына нібыта пагражала.
Нягледзячы на тое, што Зухра даглядае дзіця з інваліднасцю, яе прыгаварылі да абмежавання волі з накіраваннем у папраўчую ўстанову адкрытага тыпу.
У верасні 2024 года прэзідыум Віцебскага абласнога суда разгледзеў у адкрытым паседжанні крымінальную справу Зухры па касацыйным пратэсты намесніка Генеральнага пракурора РБ. Па выніках паседжання артыкул "абраза прадстаўніка ўлады" быў адменены, а тэрмін абмежавання волі скарочаны на два месяцы.
У студзені 2025 года ў рамках спецвытворчасці адбылося завочнае судовае паседжанне па пытанні замены абмежавання волі на пазбаўленне волі ў калоніі.
- Аб'яднанні
- Бацькі непаўнагадовых
- Аб'яднанні
- Бацькі непаўнагадовых
Таццяна была прызнана вінаватай у кастрычніку 2021 года па артыкуле «абраза суддзі» за тое, што, паводле версіі следства, 18 снежня 2020 года нанесла на дзверцы паштовай скрыні суддзі Брэсцкага абласнога суда Сянько Русланы Альбертаўны «абразлівы надпіс, разлічваючы на яе неаднаразовае прачытанне і ўспрыняцце».Сваю віну Таццяна не прызнала.
Рэната была затрымана 1 лістапада 2020 года на акцыі пратэсту, якая праходзіла ў Мінску, пасля чаго супраць яе была ўзбуджана крымінальная справа па артыкуле "арганізацыя або актыўны ўдзел у групавых дзеяннях, якія груба парушаюць грамадскі парадак". Паўторна яе затрымалі пры спробе перасячы мяжу і змясцілі ў СІЗА да суда.
У студзені 2021 года Рэнату прызналі вінаватай і прыгаварылі да абмежавання волі.
- Аб'яднанні
- Актывісты
- Аб'яднанні
- Актывісты
Марыя, валанцёрка гомельскага аддзялення ПЦ «Вясна», была затрыманая позна ўвечары 18 студзеня 2021 года і змешчаная ў ІЧУ ў межах крымінальнай справы, узбуджанай па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх». У яе доме таксама быў праведзены ператрус. Раней Марыя актыўна выступала за адмену так званага дэкрэта аб «дармаедах» і судзілася з раённымі чыноўнікамі Гомельскай вобласці, якія забаранялі праводзіць пратэстныя акцыі супраць дэкрэта.
Яна была вызвалена праз трое сутак пад падпіску аб нявыездзе. Судовы працэс над Марыяй пачаўся 3 верасня 2021 года, а 13 кастрычніка пракуроры запыталі пакаранне ў выглядзе пазбаўлення волі тэрмінам на два з паловай гады. Пасля гэтага Марыя была вымушана пакінуць Беларусь, а яе справа была выдзелена ў асобную вытворчасць.
Юлія, галоўны бухгалтар IT-кампаніі PandaDoc, была затрымана 2 верасня 2020 г. у офісе кампаніі па абвінавачванні ў махлярстве супрацоўнікамі Дэпартамента фінансавых расследаванняў.
Пасля падзей жніўня 2020 года заснавальнік PandaDoc Мікіта Мікада запусціў ініцыятыву Protect Belarus для падтрымкі звольненых супрацоўнікаў сілавых структур, якія адмовіліся выконваць незаконныя загады. Ініцыятыва атрымала больш за 500 заявак і прыцягнула грамадскую ўвагу.
Юлія была вызвалена ў кастрычніку 2020 года пад падпіску аб нявыездзе.
Юлія была затрыманая і асуджаная за ўсталяванне пудзіла, паводле версіі следства, падобнага да Лукашэнкі ў раённым цэнтры на Варшаўскай шашы.
У лістападзе 2024 года ў дачыненні да Юліі адбылося судовае паседжанне аб замене абмежавання волі на пазбаўленне волі ў калоніі.