- Аб'яднанні
- Журналісты
- Аб'яднанні
- Журналісты
Журналіст, яго затрымалі 26 траўня 2022 года пасля ператрусу.
На дадзены момант журналісту прад'явілі абвінавачанні, але дакладны крымінальны артыкул, інкрымінаваны Любянчуку, невядомы (адвакат знаходзіцца пад падпіскай аб неразгалошванні).
У пачатку лістапада 2023 г. стала вядома , што ў Алеся за кратамі пачаліся праблемы з хрыбетнікам (яшчэ год таму). "Яму цяжка займацца нават спортам, чым там усе ратуюцца. Гэта яго заўважна засмучае" , — паведаміла крыніца "Радыё Свабода". Працаваў Алесь на ачыстцы правадоў ад ізаляцыі.
Выйшаў на волю ў пачатку студзеня 2025 г.
Быў другі раз затрыманы і ўзяты пад варту ў верасні 2025 года.
- Аб'яднанні
- Журналісты
- Аб'яднанні
- Журналісты
Дырэктар газеты "Беларусы і рынак", быў затрыманы 18 мая 2022 года пасля ператрусу ў рэдакцыі.
Выйшаў на волю восенню 2025 года, поўнасцю адбыўшы тэрмін пакарання.
- Аб'яднанні
- Журналісты
- Аб'яднанні
- Журналісты
Былы вядучы праграмы «Зона X» на тэлеканале «Беларусь 1» і пазаштатны карэспандэнт Казахстанскага тэлеканала «Хабар 24». Падставай для затрымання стаў яго сюжэт на канале.
Акрамя пазбаўлення волі Дзмітрыю прысудзілі штраф у памеры 500 базавых велічыняў (16 000 рублёў).
4 гады пазбаўлення волі ў калоніі ва ўмовах агульнага рэжыму.
- Аб'яднанні
- Журналісты
- Аб'яднанні
- Журналісты
Журналіст «Intex-press» з Баранавіч.
Ён быў затрыманы 27 красавіка 2022 года. 29 красавіка яго асудзілі на 10 сутак арышту.
Прыкладна праз тыдзень пасля затрымання журналіста, у праўладных тэлеграм-каналах з'явіўся фрагмент відэа з яго допыту і інфармацыя аб прычыне затрымання Ганцарэвіча: ён нібыта фатаграфаваў расійскую ваенную тэхніку і дасылаў здымкі ў СМІ, прызнаныя беларускімі ўладамі экстрэмісцкімі.
Выйшаў на волю напрыканцы лета 2024 года.
- Аб'яднанні
- Журналісты
- Аб'яднанні
- Журналісты
2,5 гады абмежавання волі з накіраваннем ва ўстанову адкрытага тыпу.
- Аб'яднанні
- Журналісты
- Аб'яднанні
- Журналісты
Незалежны журналіст, працуе на “Радыё Свабода”.
Затрыманы 25 лістапада, асуджаны на 10 сутак, але 5 снежня не выйшаў на волю і зноў атрымаў 10 сутак. Але і 15 снежня Андрэй на волю не выйшаў, атрымаўшы яшчэ 10 сутак арышту. На яго распачалі крымінальную справу.
12 лютага 2025 г. з дапамогай Дзяржаўнага дэпартамента ЗША былі вызваленыя Алена Маўшук, журналіст Андрэй Кузнечык і грамадзянін ЗША, імя якога пакуль не раскрываецца. Яны былі памілаваны Лукашэнкам.
Падрабязнасці вызвалення CNN раскрыў Крыс Сміт, намеснік памочніка дзяржсакратара ЗША па Еўропе.
"Гэта была спецыяльная аперацыя: мы перасеклі беларускую мяжу, сустрэліся ў Мінску з прадстаўнікамі ўладаў, якія перадалі нам трох затрыманых. Мы забралі іх і вывезлі праз Літву". Паводле слоў Сміта, гэта быў "аднабаковы жэст" з боку беларускіх улад, якія імкнуцца палепшыць адносіны з ЗША.
"Лукашэнка не атрымаў нічога ўзамен", - адзначыў ён.
- Аб'яднанні
- Журналісты
- Аб'яднанні
- Журналісты
30 кастрычніка Ірыну затрымалі ў менскім аэрапорце, калі яна з мужам вярталіся з адпачынку. Іх абодвух 1 лістапада суддзя Першамайскага раёна Максім Трусевіч прыгаварыў да 15 сутак арышту нібыта за захоўванне ў Facebook матэрыялаў, якія былі прызнаныя "экстрэмісцкімі". 15 лістапада другі раз запар журналістка Ірына Славнікава была пакараная чарговымі 15 суткамі арышту. 26 лістапада стала вядома, што Ірына Славнікава стала падазронай па артыкуле 342 Крымінальнага кодэкса.
11 верасня 2025 года стала вядома, што 52 палітвязні беларускага рэжыму прымусова перамясцілі на тэрыторыю Літвы. Сярод іх ёсць і грамадзяне еўрапейскіх краін . У ліку вызваленых Ірына Слаўнікава .
- Аб'яднанні
- Журналісты
- Аб'яднанні
- Журналісты
Генадзь, журналіст «Камсамольскай праўды», быў затрыманы восенню 2021 года пасля ператрусу ў ягоным доме ў межах крымінальнай справы, распачатай пасля гібелі ў Менску супрацоўніка КДБ Дзмітрыя Федасюка і IT-спецыяліста Андрэя Зельцэра. Падставай стаў артыкул у выданні пра Андрэя Зельцэра.
У сакавіку 2023 года Генадзя прызналі вінаватым па артыкулах «распальванне варожасці» і «абразу Лукашэнкі». Па версіі абвінавачання, Генадзь, «дзейнічаючы па матывах палітычнай і ідэалагічнай варожасці, у перыяд з 23 чэрвеня 2020 года па кастрычнік 2021 года здзейсніў шэраг злачынстваў». Таксама ён «вырабіў і размясціў у інтэрнэце негатыўныя, непрыстойныя і недапушчальныя» выказванні ў дачыненні да Лукашэнкі.
Вызвалены ў лістападзе 2023 года, цалкам адбыўшы прызначаны судом тэрмін пакарання.
- Аб'яднанні
- Журналісты
- Аб'яднанні
- Журналісты
Ірына, галоўны рэдактар і дырэктар агенцтва "БелаПАН", была затрымана 18 жніўня 2021 года пасля ператрусаў у яе доме і рэдакцыі агенцтва, а таксама допыту. Першапачаткова яе змясцілі пад варту на 72 гадзіны ў рамках крымінальнай справы па артыкуле "арганізацыя або падрыхтоўка дзеянняў, якія груба парушаюць грамадскі парадак, альбо ўдзел у іх", аднак на волю яна не выйшла і праз 10 сутак была пераведзена ў СІЗА. Пазней абвінавачанне было зменена на ўхіленне ад выплаты падаткаў.
У лістападзе 2021 года стала вядома, што Ірыне таксама прад'явілі абвінавачанне ў "стварэнні экстрэмісцкага фарміравання". У кастрычніку 2022 года яе прызналі вінаватай па артыкуле "удзел у экстрэмісцкім фарміраванні", прыгаварылі да пазбаўлення волі і забаранілі займаць пэўныя пасады тэрмінам на пяць гадоў.
Ірына была вызвалена ў снежні 2024 года, цалкам адбыўшы тэрмін пакарання, прызначаны судом.
- Аб'яднанні
- Актывісты
- Журналісты
- Аб'яднанні
- Актывісты
- Журналісты
Беларускі філосаф і метадолаг, грамадска-палітычны дзеяч, стваральнік Лятучага ўніверсітэта быў затрыманы 4 жніўня 2021 года пасля ператрусу ў доме ў межах крымінальнай справы. Канчатковае абвінавачанне яму прад'явілі па трох артыкулах: "актыўны ўдзел у групавых дзеяннях, якія груба парушаюць грамадскі парадак" — за ўдзел у "Маршы Народнага ўльтыматума" 25 кастрычніка 2020 года; "стварэнне экстрэмісцкага фарміравання" — за платформу "Зыход"; а таксама "абраза Лукашэнкі" — за відэазапіс на YouTube-канале.
У чэрвені 2022 года Уладзіміра прызналі вінаватым і прыгаварылі да пазбаўлення волі з адбываннем пакарання ў калоніі.
13 лютага 2023 года суд разгледзеў пытанне аб замене Уладзіміру рэжыму ўтрымання, у выніку чаго яго перавялі на турэмны рэжым.
11 верасня 2025 года стала вядома, што 52 палітвязні беларускага рэжыму былі прымусова перамешчаныя на тэрыторыю Літвы, у тым ліку грамадзяне еўрапейскіх краін. Сярод вызваленых аказаўся і Уладзімір.
- Аб'яднанні
- Журналісты
- Аб'яднанні
- Журналісты
Ганна — журналістка тэлеканала "Белсат" і вядучая праграмы-антыфейк "Лукавыя навіны". Яна была затрымана 16 ліпеня 2021 года падчас масавых ператрусаў у незалежных журналістаў у Менску і іншых гарадах Беларусі. Затрыманне адбылося ў рамках крымінальнай справы па артыкуле "удзел у масавых беспарадках". У яе кватэры правялі ператрус, канфіскавалі тэхніку, пасля чаго Ганну змясцілі ў ізалятар часовага ўтрымання. 23 ліпеня таго ж года яе вызвалілі, пакінуўшы ў статусе падазронай.
Пазней Ганна пакінула Беларусь.
- Аб'яднанні
- Журналісты
- Аб'яднанні
- Журналісты
Аляксандр — журналіст «Радыё Свабода» з 2004 года. Раней працаваў у нямецкай службе дзяржаўнага радыё. Валодае нямецкай мовай, з'яўляецца экспертам па Германіі і яе палітычных сувязях з Беларуссю. У жніўні 2020 года быў пазбаўлены акрэдытацыі МЗС разам з большасцю журналістаў замежных СМІ.
16 ліпеня 2021 года Аляксандра затрымалі ў бацькоўскім доме ў Пастаўскім раёне падчас масавых ператрусаў у незалежных журналістаў у Менску і іншых гарадах. 23 ліпеня таго ж года яго вызвалілі з ІЧУ, пакінуўшы ў статусе падазраванага.
15 снежня 2022 года ў дачыненні да журналіста спынілі крымінальны пераслед і знялі абмежаванне на выезд з Беларусі.
- Аб'яднанні
- Журналісты
- Аб'яднанні
- Журналісты
Інэса – журналістка “Радыё Свабода”. Раней працавала на радыё "Беларуская маладзёжная", затым - на "101.2 fm". На “Радыё Свабода” займалася тэмамі медыцыны, адукацыі, сацыяльнай сферы і актыўна асвятляла важныя падзеі грамадскага і палітычнага жыцця. У верасні 2020 года пазбавілася акрэдытацыі МЗС у сувязі з рашэннем ведамства правесці пераакрэдытацыю журналістаў замежных СМІ.
16 ліпеня 2021 года яе затрымалі падчас маштабных ператрусаў у незалежных журналістаў. Праз дзесяць дзён, дзевяць з якіх яна трымала галадоўку, Інэсу вызвалілі, пакінуўшы ў статусе падазраванай.
Пазней яна пакінула Беларусь.
- Аб'яднанні
- Журналісты
- Аб'яднанні
- Журналісты
Алег – журналіст “Радыё Свабода”, раней працаваў у газэце “Знамя юности” і быў адным са стваральнікаў агенцтва “РИД”. Летам 2020 года актыўна асвятляў пратэсты ў Беларусі і вёў стрымы, а ў жніўні пазбавіўся акрэдытацыі МЗС разам з іншымі журналістамі замежных СМІ.
16 ліпеня 2021 года яго затрымалі падчас маштабных ператрусаў у незалежных журналістаў, праз дзесяць дзён вызвалілі, пакінуўшы ў статусе падазраванага. 23 снежня таго ж года сілавікі зноў уварваліся ў яго дом і ўзялі пад варту па крымінальнай справе аб "арганізацыі і падрыхтоўцы дзеянняў, якія груба парушаюць грамадскі парадак або актыўным удзеле ў іх".
У сакавіку 2022 года суд прызнаў Алега вінаватым, заявіўшы, што ён удзельнічаў у несанкцыянаваных акцыях, падчас якіх "Мінсктранс" налічыў урон у памеры 56 тысяч рублёў.
У верасні 2022 года журналіст быў вызвалены ў межах памілавання.
- Аб'яднанні
- Журналісты
- Аб'яднанні
- Журналісты
Андрэй — кіраўнік аддзела рэкламы і маркетынгу "Наша Ніва", аўтар часопіса "Наша гісторыя". З 2006 да 2017 года быў галоўным рэдактарам выдання. 8 ліпеня 2021 года яго затрымалі па справе аб "групавых дзеяннях, якія груба парушаюць грамадскі парадак". Пазней яму прад'явілі абвінавачанне па артыкуле аб "нанясенні маёмаснай шкоды без прыкмет крадзяжу" — за аплату камунальных паслуг па тарыфах для фізічных асоб замест юрыдычных асоб. Следства налічыла ўрон больш за 10 тысяч рублёў.
У сакавіку 2022 года яго прыгаварылі да пазбаўлення волі, нягледзячы на тое, што ўрон быў поўнасцю кампенсаваны.
У жніўні 2023 года ён быў вызвалены, цалкам адбыўшы прызначаны судом тэрмін пакарання.