Паводле праўладных тэлеграм-каналаў, былі затрыманыя чатыры чалавекі - іх называюць "спячай ячэйкай экстрэмістаў", якія "мелі" знешнія сувязі "з беларускімі добраахвотнікамі, якія ваююць ва Украіне. У іх ліку Дзмітрый.
Усе яны родам з Гомеля і, мяркуючы па пастах у сацсетках, даўно сябравалі, разам удзельнічалі ў міжнароднай гульні ў Beer Pong у Гомелі. Пасля брутальнага затрымання сяброў прымусілі запісаць "пакаянае відэа" і сказаць аб тым, што яны стварылі чат, дзе перапісваліся паміж сабой, а пасля ўварвання РФ ва Украіну нібыта некалькі разоў у перапісках абразілі Лукашэнку, таксама пісалі "няправільныя" каментары. Яшчэ адно абвінавачанне-хлопцы» мелі знешнія сувязі "з беларускімі добраахвотнікамі, якія ваююць за Украіну. Мяркуючы па ўсім, менавіта гэта стала падставай для ўзбуджэння крымінальнай справы па артыкуле" садзейнічанне экстрэмісцкай дзейнасці".
10.05.2024 адбыўся разгляд апеляцыйнай скаргі, прысуд уступіў у сілу.
- Аб'яднанні
- Актывісты
- Бацькі непаўнагадовых
- IT-спецыялісты
Станіслаў, актывіст з Гомеля, быў затрыманы 28 траўня 2021 года пасля таго, як у ягонай кватэры, дзе ён пражываў з бацькамі, сілавікі правялі ператрус. Да гэтага ён тройчы адбываў адміністратыўны арышт па артыкуле 24.23 КаАП РБ за ўдзел у акцыях пратэсту.
Станіслава асудзілі па двух крымінальных артыкулах за ўдзел у счэпцы на Маршы салідарнасці, які прайшоў 20 верасня 2020 года ў Гомелі. Ён адмовіўся падпісваць прашэнне аб памілаванні і адстойваў свае правы нават у цяжкіх умовах зняволення, нягледзячы на праблемы са здароўем. Без яго апекі засталіся непаўналетняя дачка і састарэлыя бацькі, бацька — інвалід.
Вызвалены ў снежні 2023 года, цалкам адбыўшы прызначаны судом тэрмін пакарання.
У снежні 2024 года стала вядома, што Станіслаў зноў затрыманы па новай крымінальнай справе.
- Аб'яднанні
- Затрыманыя да 18 гадоў
Мікіта быў затрыманы і асуджаны за тое, што, паводле версіі следства, 10 жніўня 2020 года кінуў "кактэйль Молатава" ў бок вайскоўцаў. Абвінавачанне сцвярджала, што бутэлькі былі схаваныя і перададзеныя яму Леанідам Кавалёвым з прапановай падпаліць будынак, аўтобус ці аўтазак. Мікіта адмовіўся даваць паказанні, не прызнаў віну і заявіў аб фізічным і псіхалагічным ціску ў СІЗА. На момант затрымання яму было 16 гадоў, і ён пакутуе на эпілепсію.
У ліпені 2021 года яго зноў асудзілі па артыкуле аб "гвалце або пагрозе гвалту" за інцыдэнт з супрацоўнікамі СІЗА. У чэрвені 2022 года Мікіту перавялі ў дарослую калонію пасля дасягнення 18 гадоў, а ў жніўні таго ж года ўзмацнілі жорсткасць пакарання, адправіўшы на турэмны рэжым.
У ліпені 2024 года палітвязня судзілі за "злоснае непадпарадкаванне адміністрацыі калоніі" — артыкул, які часта ўжываецца да зняволеных, якія адмаўляюцца супрацоўнічаць з адміністрацыяй.
- Аб'яднанні
- Актывісты
Зміцер быў затрыманы і асуджаны за тое, што 10 жніўня 2020 года кінуў «кактэйль Молатава» ў бок вайскоўцаў. Бутэлькі, паводле версіі следства, былі перавезены ў цэнтр Гомеля Леанідам Кавалёвым, які схаваў іх, а вечарам таго ж дня перадаў Дзмітрыю і Мікіце Залатарову з прапановай падпаліць будынак, аўтобус або аўтазак. Зміцер часткова прызнаў сваю віну, патлумачыўшы, што кінуў «кактэйль» для таго, каб выйграць час і пазбегнуць затрымання.
У снежні 2021 года быў пераведзены на турэмны рэжым за «злоснае непадпарадкаванне патрабаванням адміністрацыі папраўчай установы».
- Аб'яднанні
- Бацькі непаўнагадовых
Леанід быў затрыманы і асуджаны за тое, што, паводле версіі следства, вырабіў два «кактэйлі Молатава», перавёз іх у цэнтр Гомеля і схаваў. Увечары 10 жніўня 2020 года ён нібыта знайшоў двух выканаўцаў - Дзмітрыя Карнеева і Мікіту Залатарова - і перадаў ім бутэлькі, прапаноўваючы падпаліць будынак, аўтобус або аўтазак. Леанід віну не прызнаў.
- Аб'яднанні
- Актывісты
- Бацькі непаўнагадовых
Сябра ініцыятыўнай групы кандыдата ў прэзідэнты Святланы Ціханоўскай быў затрыманы 27 верасня 2020 года ў Гомелі на мірнай акцыі пратэсту і абвінавачаны ва ўдзеле ў "масавых беспарадках" і планаванні "захопу будынкаў".
Зімой 2023 года Зміцер быў пераведзены на турэмны рэжым.
Вячаслаў быў асуджаны судом Савецкага раёна горада Гомеля па артыкуле "арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх".
З-за закрытасці судовай сістэмы Беларусі абставіны справы і вынесены прыгавор невядомыя. Вядома толькі, што яму прысудзілі рэальны тэрмін пазбаўлення волі і трымаюць у турме.
Найбольш верагодна, што ўлады рэпрэсавалі Вячаслава за ягоны ўдзел у мірных пратэстных акцыях супраць фальсіфікацыі вынікаў прэзідэнцкіх выбараў і наступнага гвалту міліцыі супраць пратэстоўцаў.
Вячаслаў — брат палітвязня Андрэя Бераставога, які таксама быў асуджаны па палітычных артыкулах. Вядома, што яму прызначанае пакаранне ў выглядзе пазбаўлення волі.
13 снежня 2025 года ён быў вызвалены пасля візіту ў Мінск спецыяльнага прадстаўніка прэзідэнта ЗША Дональда Трампа — Джона Коўла — і вывезены ва Украіну.
Яўген быў затрыманы ў сакавіку 2023 года і асуджаны па адміністрацыйным артыкуле 19.11 ч. 2 («распаўсюджванне, выраб, захоўванне, перавозка інфармацыйнай прадукцыі, якая змяшчае заклікі да экстрэмісцкай дзейнасці»), пасля чаго ў дачыненні да яго была заведзеная крымінальная справа.
У студзені 2024 года яго прызналі вінаватым па шэрагу крымінальных артыкулаў, уключаючы «арганізацыю масавых беспарадкаў» і «распальванне варожасці», і прыгаварылі да пазбаўлення волі і буйнога штрафу.
13 снежня 2025 года ён быў вызвалены пасля візіту ў Мінск спецыяльнага прадстаўніка прэзідэнта ЗША Дональда Трампа — Джона Коўла — і вывезены ва Украіну.
22.12.2023 адбылося апеляцыйнае паседжанне суда, прысуд уступіў у сілу.
Выйшаў на волю, як мяркуецца , вясной 2024 г. Бо ў траўні пошукавы атрад "Сімуран " паведамляў , што 10 траўня Аляксандр сышоў з дому і знік. Валанцёры ўдакладнялі , што ён можа мець патрэбу ў медыцынскай дапамозе .
З таго часу пра Вітухноўскага было не чуваць. У сацсетках журналісты "Флагштока" знайшлі яго сэлфі ад 24 чэрвеня 2024 года і размыты здымак чалавека ў абмундзіраванні, падобнага да пяхотніка, са спіны ад 4 лістапада 2024 года. Яго імя знайшлі ў спісе грамадзян Беларусі, якія паступілі ў расійскую армію.
- Аб'яднанні
- Бацькі непаўнагадовых
- Аб'яднанні
- Бацькі непаўнагадовых
Жанна была затрымана 11 мая 2023 года проста ў школе № 63, куды прыйшла на сустрэчу з настаўніцай свайго дзіцяці. У кастрычніку таго ж года яна была асуджаная па некалькіх крымінальных артыкулах, у тым ліку за "распальванне варожасці".
Па паведамленнях СМІ, падчас пратэстаў 2020 года міліцыя затрымлівала яе па адміністрацыйных артыкулах.
Па падліках праваабаронцаў, Жанна павінна была выйсці на волю зімой 2026 года.
- Аб'яднанні
- Актывісты
- Аб'яднанні
- Актывісты
Гомельскі актывіст, арганізатар падарожжаў, сплаваў, прагулак быў затрыманы АМАПам у сваім доме раніцай,1 сакавіка 2022 года.
У затрыманні ўдзельнічала шэсць АМАПаўцаў, якія прымянілі фізічную сілу, абклаўшы Ігара Віктаравіча асобай у падлогу.
Упершыню Ларыса была затрымана 27 верасня 2020 года і асуджана па адміністрацыйным артыкуле. Пасля суда ў яе адбыўся прыступ, і яе змясцілі ў псіхіятрычную бальніцу. Ларыса пакутуе дэпрэсіўна-трывожным засмучэннем з сіндромам клаўстрафобіі.
6 жніўня 2021 года сілавікі прыйшлі да яе на працу, правялі ператрус і пасля допыту змясцілі ў ІЧУ на трое сутак. Пасля заканчэння гэтага тэрміну ёй прад'явілі абвінавачанне па артыкуле аб гвалце або пагрозе гвалту ў дачыненні да супрацоўнікаў АУС — за ўдзел у нядзельным маршы 27 верасня 2020 года ў Гомелі, падчас якога сілавікі ўжывалі слёзатачывы газ і святлошумавыя гранаты. Па версіі абвінавачання, Ларыса «грубай фізічнай сілай узяла сілавіка за руку, ссунула яго з месца і тым самым перашкодзіла яго працы».
У снежні 2021 года Ларыса была прызнана вінаватай і прыгаворана да пазбаўлення волі ў калоніі.
Вызвалена ў траўні 2023 года, цалкам адбыўшы тэрмін пакарання, прызначаны судом.
Артур быў асуджаны за тое, што ў лістападзе 2020 года зрабіў і ўстанавіў інсталяцыю з партрэтам Лукашэнкі і надпісам «Гары ў пекле» на пустцы, размясціў яе фота ў тэлеграм-чаце, а таксама абмяркоўваў у іншым чаце пратэстную актыўнасць вясной 2021 года, што следства расцаніла як разжыгванне сацыяльнай варожасці.
Восенню 2024 года ён быў вызвалены, цалкам адбыўшы прызначаны судом тэрмін пакарання.
Віктара ўпершыню затрымалі 27 верасня 2020 года падчас адной з акцый пратэсту ў Гомелі. У ізалятары яму паведамілі аб узбуджэнні крымінальнай справы за "супраціўленне супрацоўнікам міліцыі". Справу неўзабаве закрылі, аднак пракуратура накіравала яго на дадатковае расследаванне, у выніку якога абвінавачанне было перакваліфікавана. Паўторна Віктара ўзялі пад варту 17 чэрвеня 2021 года.
У верасні таго ж года яго прызналі вінаватым у "гвалце або пагрозе прымянення гвалту ў дачыненні да супрацоўніка міліцыі" і прыгаварылі да трох гадоў пазбаўлення волі ў калоніі агульнага рэжыму.
У красавіку 2022 года суд дадаткова прызнаў яго вінаватым ва "ўдзеле ў дзеяннях, якія груба парушаюць грамадскі парадак" і прызначыў яшчэ паўтара гады пазбаўлення волі. Шляхам частковага складання пакаранняў канчатковы тэрмін склаў 3,5 гады ў калоніі строгага рэжыму.
Па падліках праваабаронцаў, ён быў вызвалены восенню 2024 года, цалкам адбыўшы прызначаны судом тэрмін пакарання.
- Аб'яднанні
- Дзярж. служачыя
- Аб'яднанні
- Дзярж. служачыя
Зміцер, супрацоўнік «Беларуснафты» з Гомеля, разам з іншымі работнікамі прадпрыемства прыняў удзел у запісе звароту супраць гвалту і за дыялог. У канцы кастрычніка 2020 года ён таксама запісаў для TUT.BY відэазварот да калег і кіраўніцтва «Беларуснафты», у якім асуджаў рэпрэсіі, заклікаў не замоўчваць тое, што адбываецца, і адкрыта выказваць сваю грамадзянскую пазіцыю.
Ён быў затрыманы 14 траўня 2021 года, а пазней асуджаны за «арганізацыю або актыўны ўдзел у групавых дзеяннях, якія груба парушаюць грамадскі парадак».
Вызвалены ў снежні 2023 года, цалкам адбыўшы прызначаны судом тэрмін пакарання.