- Аб'яднанні
- Актывісты
- Пенсіянеры
- Аб'яднанні
- Актывісты
- Пенсіянеры
Алена з 2020 года падвяргалася сістэматычнаму пераследу па палітычных матывах: яе затрымлівалі і арыштоўвалі па адміністрацыйных артыкулах 17 разоў, а таксама аштрафавалі ўвогуле на 173 базавыя велічыні. У яе доме неаднаразова праводзіліся ператрусы.
У маі 2021 года Алену асудзілі за «ўдзел у групавых дзеяннях, якія груба парушаюць грамадскі парадак» — у межах крымінальнай справы, распачатай пасля акцыі пратэсту 13 верасня 2020 года ў Брэсце, дзе ўдзельнікі спявалі песні і вадзілі карагоды, а супраць іх ужылі вадамёт. Па версіі абвінавачання, акцыя парушыла працу транспарту. Яе прыгаварылі да абмежавання волі без накіравання ва ўстанову.
У верасні таго ж года Алену паўторна асудзілі - за «абразу Лукашэнку». Па сукупнасці прысудаў тэрмін склаў тры гады "хатняй хіміі".
У студзені 2022 года яе затрымалі за "парушэнне адбывання пакарання" і прызначылі 15 сутак адміністрацыйнага арышту. Аднак яна так і не выйшла на волю — яе перавялі ў СІЗА ў межах новай крымінальнай справы, узбуджанай за паклёп на Лукашэнку і дыскрэдытацыю Рэспублікі Беларусь. Ужо ў чэрвені яе прыгаварылі да пазбаўлення волі і буйнога штрафу.
У красавіку 2023 года Алену зноў асудзілі па артыкуле «злоснае непадпарадкаванне патрабаванням адміністрацыі калоніі». Гэты артыкул часта ўжываюць да зняволеных, якія адмаўляюцца ад супрацоўніцтва з адміністрацыяй, за выдуманыя парушэнні.
Вядома, што да Алены ўвесь час ужываецца фізічны і псіхалагічны ціск. Яе рэгулярна змяшчаюць у ШІЗА і ПКТ, пазбаўляюць амаль усіх перадач, званкоў, спатканняў, а таксама скарацілі атаварку з трох базавых велічынь да адной.
У лютым 2025 года ад Паліны Шарэнда-Панасюк стала вядома, што Алену зноў змясцілі ў ПКТ : «Пасля некалькіх тыдняў у ШІЗА яна была пераведзена ў ПКТ. Гэта 99%, што супраць яе зноў будуць фабрыкаваць 411-ы артыкул».
13.12.2025 года была вызвалена пасля чарговага візіту ў Мінск спецыяльнага прадстаўніка прэзідэнта ЗША Дональда Трампа - Джона Коўла, і вывезена ва Украіну.
- Аб'яднанні
- Актывісты
- Аб'яднанні
- Актывісты
Дзяніс, актывіст і дальнабойшчык, быў затрыманы 26 красавіка 2021 года ў рамках крымінальнай справы, узбуджанай па артыкуле "змова або іншыя дзеянні, учыненыя з мэтай захопу дзяржаўнай улады".
У пачатку чэрвеня 2022 года КДБ завяршыў папярэдняе расследаванне, пасля чаго стала вядома аб вылучэнні супраць яго новага абвінавачання. У верасні 2022 года Дзяніс быў асуджаны за "актыўны ўдзел у групавых дзеяннях, якія груба парушаюць грамадскі парадак".
Вызвалены ў студзені 2023 года, цалкам адбыўшы тэрмін пакарання, прызначаны судом.
- Аб'яднанні
- Аб'яднанні
Аляксандр, урач-неўролаг, працаваў у расійскім Нарыльску. Быў затрыманы ў траўні 2021 года пасля вяртання ў Беларусь — у межах крымінальнай справы, узбуджанай за абразу прадстаўнікоў праваахоўных органаў.
У студзені 2022 года яго асудзілі па трох крымінальных артыкулах за каментары на адрас 32 чыноўнікаў. Як растлумачыў сам Аляксандр, ён пакідаў іх на эмоцыях, бо падчас жнівеньскіх пратэстаў 2020 года валанцёрыў каля ізалятара на Акрэсціна. Апроч пазбаўлення волі, суд пастанавіў спагнаць з яго маральную кампенсацыю на карысць 20 супрацоўнікаў. На паседжанні таксама стала вядома, што адзін з пацярпелых па справе збіваў Аляксандра пры затрыманні.
У лістападзе 2022 года яго паўторна асудзілі па артыкулах «абраза прадстаўніка ўлады» і «пагроза гвалтам у дачыненні да службовай асобы».
3 красавіка 2024 года яму ўзмацнілі жорсткасць пакарання і перавялі на турэмны рэжым.
Вызвалены ў лістападзе 2024 года, цалкам адбыўшы тэрмін пакарання, прызначаны судом.
- Аб'яднанні
- Бацькі непаўнагадовых
- Аб'яднанні
- Бацькі непаўнагадовых
Яўген быў асуджаны за ўдзел у акцыі пратэсту — Маршы вызвалення палітвязняў, якая праходзіла 4 кастрычніка 2020 года ў Менску, падчас якой ён нанёс два ўдары па вонкавай камеры ізалятара часовага ўтрымання на Акрэсціна. Пры гэтым на камеры пашкоджанняў не засталося.
Вызвалены ў верасні 2021 года ў рамках памілавання.
- Аб'яднанні
- Пенсіянеры
- Аб'яднанні
- Пенсіянеры
Ала была асуджаная за ўдзел у акцыі пратэсту супраць гвалту ў краіне і фальсіфікацыі прэзідэнцкіх выбараў — Маршы Адзінства, які праходзіў у Гродне 6 верасня 2020 года.
Галіна была затрымана і асуджана за ўдзел у акцыі пратэсту супраць гвалту ў краіне і фальсіфікацыі прэзідэнцкіх выбараў — Маршы Адзінства, які праходзіў у Гродне 6 верасня 2020 года.
Па падліках праваабаронцаў, яна была вызваленая ў студзені 2024 года, цалкам адбыўшы тэрмін пакарання, прызначаны судом.
Віталь быў асуджаны ў межах крымінальнай справы, распачатай пасля акцыі пратэсту, якая прайшла 10 жніўня 2020 года ў Наваполацку супраць фальсіфікацыі прэзідэнцкіх выбараў, за "ўдзел у групавых дзеяннях, якія груба парушаюць грамадскі парадак", і яму прызначылі пакаранне ў выглядзе абмежавання волі. Аднак у чэрвені яго адпусцілі з папраўчай установы на волю да апеляцыі, бо пракурор падаў пратэст. У канцы чэрвеня яму замянілі пакаранне на пазбаўленне волі.
Віталь пакінуў Беларусь.
- Аб'яднанні
- Бацькі непаўнагадовых
- Аб'яднанні
- Бацькі непаўнагадовых
Ігар быў затрыманы 23 кастрычніка 2020 года ў межах крымінальнай справы, распачатай пасля стыхійных пратэстаў 10 жніўня 2020 года ў Брэсце супраць фальсіфікацый на прэзідэнцкіх выбарах. Праз тры дні яго вызвалілі пад падпіску аб нявыездзе, аднак у красавіку 2021 года ён быў зноў узяты пад варту. Пасля Ігара асудзілі за ўдзел у "масавых беспарадках".
Вызвалены ў лістападзе 2024 года, поўнасцю адбыўшы тэрмін пакарання, прызначаны судом.
Вячаслава затрымалі 10 сакавіка 2021 года ў яго дома. Дачакаўшыся ад'езду бацькоў, сілавікі адчынілі дзверы, правялі ператрус без іх прысутнасці, паклалі Вячаслава на падлогу і збілі.
Яго абвінавацілі ва ўдзеле ў пратэстах, якія праходзілі ў жніўні-верасні 2020 года ў Мінску супраць фальсіфікацый выбараў і гвалту з боку сілавікоў. Вячаслава асудзілі па артыкуле аб "групавых дзеяннях, якія груба парушаюць грамадскі парадак" і прызначылі абмежаванне волі.
У чэрвені 2022 года пакаранне ўзмацнілі жорсткасць, перавёўшы яго ў калонію да заканчэння тэрміну.
Вызвалены ў сакавіку 2023 года, цалкам адбыўшы тэрмін пакарання, прызначаны судом.
- Аб'яднанні
- Людзі з інваліднасцю
- Бацькі непаўнагадовых
- Аб'яднанні
- Людзі з інваліднасцю
- Бацькі непаўнагадовых
Валянцін быў затрыманы ў межах крымінальнай справы, узбуджанай пасля акцыі пратэсту, якая праходзіла ў Пінску ў ноч з 9 на 10 жніўня 2020 года супраць фальсіфікацый на прэзідэнцкіх выбарах. Пасля затрымання мужчыне стала дрэнна, і яго пад канвоем даставілі ў Пінскую цэнтральную бальніцу, дзе дыягнаставалі перадінфарктны стан і змясцілі ў рэанімацыю. Як толькі ягоны стан палепшыўся, яго перавялі ў ІЧУ і пазней асудзілі за ўдзел у «масавых беспарадках».
Быў вызвалены ў жніўні 2024 года па памілаванні.
Зміцер быў затрыманы ў сакавіку 2021 года і асуджаны за тое, што ў верасні 2020 года ў Жодзіна заступіўся за жанчыну, якую ўдарыў супрацоўнік міліцыі, пасля чаго яна ўпала на зямлю.
Вызвалены ў снежні 2021 года, цалкам адбыўшы тэрмін пакарання, прызначаны судом.
Андрэй, тэхнік Інстытута мяса-малочнай прамысловасці, быў асуджаны за каментары, пакінутыя ў Telegram-канале "Карнікі Беларусі" на адрас камандзіра АМАПа ГУУС Мінгарвыканкама Дзмітрыя Балабы.
- Аб'яднанні
- Бацькі непаўнагадовых
- Аб'яднанні
- Бацькі непаўнагадовых
Вольга, супрацоўніца менскага офіса юрыста Юрыя Зянковіча, была затрыманая 12 красавіка 2021 года ў рамках крымінальнай справы, узбуджанай па артыкуле «змова ці іншыя дзеянні, здзейсненыя з мэтай захопу дзяржаўнай улады».
У пачатку чэрвеня 2022 года КДБ завяршыў папярэдняе расследаванне, пасля чаго стала вядома аб вылучэнні супраць яе новага абвінавачання. У верасні 2022 года Вольга была асуджаная за «актыўны ўдзел у групавых дзеяннях, якія груба парушаюць грамадскі парадак».
Вызвалена ў снежні 2022 года, цалкам адбыўшы тэрмін пакарання, прызначаны судом.
- Аб'яднанні
- Журналісты
- Аб'яднанні
- Журналісты
Сяргей, журналіст інтэрнет-выдання «Першы рэгіён», быў затрыманы 22 снежня 2020 года па справе аб абразе Лукашэнкі. Праз трое сутак яго змясцілі пад хатні арышт, а ў траўні 2021 года адпусцілі пад падпіску аб нявыездзе да суда.
У жніўні 2021 года Сяргея асудзілі за «абразу і паклёп на Лукашэнку» і «абразу прадстаўніка ўлады».
Вызвалены ў кастрычніку 2022 года, цалкам адбыўшы тэрмін пакарання, прызначаны судом.
У верасні 2023 года яго зноў затрымалі пасля вяртання з Польшчы і асудзілі на 15 сутак за «распаўсюджванне экстрэмісцкіх матэрыялаў».
У студзені 2024 года яго зноў арыштавалі — за рэпост з сайта «Ганцавіцкі час» ва «УКантакце», хаця акаўнт быў выдалены яшчэ ў лістападзе 2023 года. Суд не ўлічыў ні гэтага, ні пагаршэнне здароўя Сяргея: ён губляў прытомнасць і звяртаўся да лекараў.
Лідзія была асуджаная за рэпост у Telegram-канал звестак, якія тычацца Таццяны Аланцьевай — кіраўніка выбарчай камісіі. Размова ішла аб пратаколе з вынікамі галасавання, складзеным ёю пры выкананні абавязкаў на адным з участкаў.
Па падліках праваабаронцаў, яна была вызвалена ў кастрычніку 2022 года, цалкам адбыўшы тэрмін пакарання, прызначаны судом.