Канстанцін быў затрыманы 12 траўня 2021 года за ўдзел у працоўным Telegram-чаце «Вольнае паньства», дзе з калегамі абмяркоўваў пратэстныя падзеі і выказаўся пра Лукашэнку. Яго прыгаварылі да адміністрацыйнага арышту, пасля якога ён не выйшаў на волю, паколькі ў дачыненні да яго распачалі крымінальную справу аб групавых дзеяннях, якія груба парушаюць грамадскі парадак, і аб прымяненні гвалту ў дачыненні да супрацоўніка органаў унутраных спраў.
У верасні 2021 года Канстанціна прызналі вінаватым па трох крымінальных артыкулах за ўдзел у паслявыбарчай акцыі пратэсту, якая праходзіла 9 жніўня 2020 года ў Рэчыцы. Ён спрабаваў перашкодзіць адвольнаму затрыманню пратэстоўцаў і, калі міліцыянты саджалі затрыманага ў службовы аўтамабіль, штурхнуў у спіну супрацоўніка Рэчыцкага РАУС Дзмітрыя Гарая. Таксама яго абвінавацілі ў абразе Лукашэнкі.
Вызвалены ў лютым 2024 года, цалкам адбыўшы прызначаны судом тэрмін пакарання.
Пасля вызвалення Канстанціна зноў прыцягнулі да адміністрацыйнай адказнасці за пропуск ідэалагічнай лекцыі. Пасля ён пакінуў Беларусь.
✏️ Паштоўка са словамі падтрымкі (верш вашага ўлюбёнага аўтара, тэкст песні ці прыгожы выраз). Паверце, нават такая дробязь будзе важна для чалавека ў няволі.
✏️ Падзеі са свайго жыцця. Калі чалавек знаходзіцца ў ізаляцыі доўга, то любая вашая гісторыя з жыцця будзе для яго вакенцам ў атачальную рэчаіснасць. Бытавыя пытанні і паўсядзённыя падзеі — усё гэта нашмат лепш за штодзённасць кратаў і камер.
✏️ Важна дзяліцца навінамі. Узгадвайце самыя гучныя і цікавыя падзеі, у залежнасці ад інтарэсаў вашага суразмоўцы.
✍️️ Памятайце, кожны ліст праходзіць цэнзуру. Гэта значыць, што вашыя лісты чытаюць староннія людзі, зацікаўленныя ў тым, каб абмежаваць чалавека ў інфармацыі ці выкарыстаць яе супраць зняволеннага ці нават вас.
Таму старайцеся пазбягаць:
👉️️ рэзкіх выказванняў на вострыя палітычныя тэмы
👉 выказванняў у адрас прадстаўнікоў улады
👉 нецэнзурную лаянку
👉 абмеркаванне акалічнасцяў крымінальнай справы
Вартаўнік — гэта значыць, ты хочаш рэгулярна дапамагаць канкрэтнаму чалавеку ў зняволенні праз яго сям'ю. Выберы палітвязня і націсні «Стаць Вартаўніком», наша каманда звяжацца з вамі ў бліжэйшы час.
Вы можаце запытаць лісты, якія знаходзяцца ў нас на захоўванні, для гэтага пакіньце свой тэлеграм акаўнт для зваротнай сувязі, мы звяжамся з вамі і пасля верыфікацыі асобы перадамо архіў з вашымі лістамі.
Вы з'яўляецеся сваяком ці блізкім палітвязня? Дашліце нам кароткі опіс і ваш кантакт у Telegram для зваротнай сувязі. Пасля верыфікацыі дадзеных мы апублікуем вашага блізкага на сайце.
У вас ёсць інфармацыя аб адміністрацыйным пераследзе? Калі ласка, дашліце нам кароткае апісанне і ваш кантакт у Telegram для зваротнай сувязі. Пасля праверкі даных мы апублікуем вашу інфармацыю на сайце.
