Палітвязні

Паводле звестак КДБ, Яўгена Грука і Віктара Яскіча асудзілі па арт. 289 КК (акт тэрарызму) і арт. 295 КК (незаконныя дзеянні ў адносінах да агнястрэльнай зброі, боепрыпасаў і выбуховых рэчываў). Аб іх затрыманні стала вядома ў пачатку красавіка 2024 года з сюжэту АНТ. Як сцвярджалі прапагандысты, сілавікі затрымалі як мінімум 12 чалавек, сярод якіх Грук і Яскіч, абвінавачаныя ў кантрабандзе ўзрыўчаткі і планаванні тэрактаў. Па словах аўтара сюжэту, Грук быў інфарматарам СБУ: фатаграфаваў ваенную тэхніку і скідаў яе каардынаты. Пасля Груку далі каманду забраць узрыўчатку са схованкі. Да схованкі мужчыну падвёз Яскіч. Пасля яны абодва павінны былі раскласці ўзрыўчатку са схованкі ў новыя схованкі. У сюжэце не тлумачаць логіку такіх дзеянняў. Разам з Яўгенам была затрыманая і ягоная жонка — Лідзія Грук, але яе лёс невядомы. Аўтары сюжэту казалі, што ў сям'і засталіся чацвёра малалетніх дзяцей.

Супрацоўнік прадпрыемства "Пеленг". Працаваў юрысконсультам у Бюро мытна-ліцэнзійнага забеспячэння і экспартнага кантролю.

Апошні раз ён быў анлайн у сацсетках у лістападзе 2024-га.

Таццяна скончыла Мінскі радыётэхнічны інстытут (цяпер БДУІР ), у яе ёсць дарослыя дачка і сын. Любіць бавіць час на лецішчы , займацца агародам і хадзіць у лес , падарожнічае па Беларусі.

Тацяну судзілі ў Менскім гарадзкім судзе паводле двух артыкулаў Крымінальнага кодэксу: ч. 3 арт. 361 КК (заклікі да санкцый і іншых дзеянняў, накіраваных на прычыненне шкоды Беларусі) і ч. 1 арт. 361-4 КК (садзейнічанне экстрэмісцкай дзейнасці). Па гэтых артыкулах ёй маглі прысудзіць толькі калонію. У пачатку траўня прысуд уступіў у сілу.

У канцы ліпеня ў Беларусі знакаміты брэнд упрыгожванняў Belaruskicry прызналі "экстрэмісцкім фармаваннем", а яго інфармацыйную прадукцыю — "экстрэмісцкімі матэрыяламі". Каманда прыпыніла сваю дзейнасць. 27 ліпеня прапагандысты распавялі падрабязнасці прэтэнзій да брэнда і пра затрыманне аднаго з удзельнікаў каманды Ягора Бужылава, які прыехаў у Беларусь. Апроч гэтага, заяўляецца, што яшчэ шэсць чалавек у Беларусі мелі дачыненне да Belaruskicry-іх абвінавачваюць у эканамічных злачынствах.

Па словах прапагандыстаў, дырэктар па вытворчасці Ягор Бужылаў быў затрыманы пасля таго, як апынуўся на тэрыторыі Беларусі. У сюжэце былі паказаны кадры з Бужылавым за кратамі. Відэа датуецца 29 ліпеня. Як вынікае са слоў прапагандыстаў, сярод іншага, Бужылава абвінавачваюць у "фінансаванні экстрэмізму" (арт. 361-2 КК).

Ягор каардынаваў выпуск упрыгожванняў Bielaruskicry - кулонаў, завушніц і падвесак. Яму паставілі ў віну, што ён перадаў адно з упрыгожванняў Святлане Ціханоўскай.

Былы журналіст Naviny.by.

Раней Павел супрацоўнічаў з рознымі незалежнымі выданнямі, падчас пратэстаў 2020 года яго затрымлівалі і прыцягвалі да адміністратыўнай адказнасці ў сувязі з ажыццяўленнем прафесійнай дзейнасці. Восенню 2021 года Павел Дабравольскі пакінуў Беларусь. Шмат падарожнічаў па розных краінах і рабіў рэпартажы.

Аднак, як стала заразвядома , са студзеня 2025 года ён знаходзіцца ў Беларусі пад вартай у следчым ізалятары. Акалічнасці, у якіх адбываецца крымінальны пераслед, даюць падставы лічыць, што прычынай утрымання Паўла пад вартай стала яго папярэдняя дзейнасць, звязаная з рэалізацыяй права на свабоднае выказванне меркаванняў і распаўсюджванне інфармацыі.

У кастрычніку 2025 года стала вядома, што Паўла абвінавачваюць у здрадзе дзяржаве.

Праўладныя СМІ ў снежні 2024 года выклалі аўдыё з Вольгай, якую абвінавачваюць ва ўдзеле ў чаце "Белыя крылы Баранавічаў". Калі КДБ аб'явіў чат «Белыя крылы Баранавічы» — зусім маленькі і даўно неактыўны раённы чат — экстрэмісцкім фармаваннем, сярод ліку ўдзельнікаў была названая Вольга. Выйшлі на Вольгу праз неабаронены акаўнт. Ён быў прывязаны да ўласнага нумара дзяўчыны. Верагодней за ўсё Вольгу да суда ўтрымлівалі ў СІЗА.

Вольга іграе на барабанах і ў студэнцтве была ўдарніцай у аматарскіх музычных гуртах. Разам з мужам яны любяць падарожнічаць.

31.07.2024 была затрыманая па адміністрацыйным артыкуле, пасля чаго, мяркуючы па ўсім, была заведзеная крымінальная справа.

Вядома , што Зміцер да затрымання жыў у Менску, працаваў праграмістам. Таксама ён перыядычна выкладаў праграмаванне ў БДУ на факультэце прыкладной матэматыкі і інфарматыкі. Перад самым сваім затрыманнем Зміцер нідзе не працаваў, бо для ўніверсітэта ён стаў "нядобранадзейным", а многія ІТ-кампаніі сышлі з Беларусі, таму яму з яго высокай кваліфікацыяй працы не было. З'яжджаць ён не хацеў, таму што на той момант даглядаў пажылую маці. Падчас следства над Зміцерам яе не стала.

43-гадоваму Яўгену вынеслі прысуд за сацыялагічнае даследаванне пра квіды ў Беларусі.

Раней Следчы камітэт паведамляў падрабязнасці пераследу Краснянскага. Ведамства сцвярджала, што мужчына падрыхтаваў для адной з замежных арганізацый даследаванне, якое змяшчае "загадзя ілжывыя звесткі аб палітыцы краіны ў галіне аховы здароўя ў частцы мер па барацьбе з каранавіруснай інфекцыяй". Вядома , што разам з Яўгенам Краснянскім былі затрыманыя дзве жанчыны: мінчанкі 37 і 43 гадоў. Яны нібыта праводзілі сацыялагічнае даследаванне аб наяўнасці пераваг сярод грамадзян у развіцці краіны праз інтэграцыю з краінамі Еўрапейскага саюза. Каб прыйсці да пажаданага выніку, жанчыны нібыта апытвалі прадстаўнікоў фокус-групы, якія маюць "загадзя негатыўнае стаўленне да наяўнай у дзяржаве палітычнай сістэмы і канстытуцыйнага ладу". Прыгаворы жанчынам невядомыя.