Сяргей Уладзіміравіч Сабалеўскі

дырэктар прадпрыемства "Сакавіца" - былой Маладзечанскай фабрыкі мастацкіх вырабаў. Сяргею Сабалеўскаму інкрымінавалі ч.1 і 3 арт. 210 КК ("Завалоданне маёмасцю з выкарыстаннем службовых паўнамоцтваў"), якую, паводле яго слоў, следчыя выдумлялі на каленцы, ужо ў судзе. Доказаў не было. Сяргей Сабалеўскі расказваў у інтэрв'ю, што ўжо калі быў за кратамі, да яго тройчы прыязджалі супрацоўнікі КДБ з прапановай даць паказанні супраць Сяргея Ціханоўскага (прыязджалі і ў Віцебскую калонію) – і адразу паехаць дадому. Асуджаны катэгарычна адмовіўся.