15 лістапада 2020 года Аляксея затрымалі ў Мінску падчас акцыі пратэсту. Пры затрыманні людзі ў балаклавах збілі яго і выбілі яму зуб. Пазней суд аштрафаваў яго па адміністрацыйнай справе.
Напрыканцы лютага 2022 года Аляксея затрымалі разам з жонкай Анастасіяй Малашук.
У ліпені 2022 года Аляксея прызналі вінаватым па крымінальнай справе, узбуджанай па артыкуле «Арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх», за ўдзел у акцыях пратэсту, якія праходзілі ў Мінску ў 2020 годзе, прыгаварыўшы да абмежавання волі без накіравання ў папраўчую ўстанову адкрытага тыпу.
У снежні 2023 года па рашэнні інспекцыі Аляксей адбыў пяць содняў адміністрацыйнага арышту на Акрэсціна.
