Сяргей Віктаравіч Шаціла
- Галоўная
- Датычныя да рэпрэсій
- Сяргей Віктаравіч Шаціла
Сяргей Віктаравіч Шаціла
Датычны да вынясення палітычна матываваных судовых пастаноў, не менш за 226 рашэнняў аб прысуджэнні як мінімум 2071 сутак адміністрацыйнага арышту і штрафаў на як мінімум 117637 рублёў штрафаў і не менш за 2 гады абмежавання або пазбаўлення волі.
Уваходзіць у рэкамендаваны спіс асоб для ўвядзення індывідуальных санкцый з боку ЕС.
Асудзіў на 2 гады і 6 месяцаў калоніі Наталлю Хершэ, грамадзянку Швейцарыі, за падраную балаклаву і нанясенне цялесных пашкоджанняў супрацоўніку МУС.
Асудзіў на 25 сутак журналіста Тараса Тарналіцкага. Масава судзіў мірных грамадзян за ўдзел у акцыях салідарнасці ў жніўні і ліпені. Таксама судзіў грамадзян, затрыманых у чарзе ў краму Symbal.by.
У 2019 годзе судзіў Паўла Севярынца за акцыю супраць інтэграцыі Судзіў Сяргея Чалава за «Чарнобыльскі шлях». Масава судзіў мірных грамадзян за ўдзел у акцыях салідарнасці.
Прысудзіў 3 гады абмежавання волі без накіравання ва ўстановы закрытага тыпу Вользе Гарбуновай і столькі ж для Ірыны Радзьковай.
Датычны да вынясення палітычна матываваных судовых пастаноў, не менш за 226 рашэнняў аб прысуджэнні як мінімум 2071 сутак адміністрацыйнага арышту і штрафаў на як мінімум 117637 рублёў штрафаў і не менш за 2 гады абмежавання або пазбаўлення волі.
Уваходзіць у рэкамендаваны спіс асоб для ўвядзення індывідуальных санкцый з боку ЕС.
Асудзіў на 2 гады і 6 месяцаў калоніі Наталлю Хершэ, грамадзянку Швейцарыі, за падраную балаклаву і нанясенне цялесных пашкоджанняў супрацоўніку МУС.
Асудзіў на 25 сутак журналіста Тараса Тарналіцкага. Масава судзіў мірных грамадзян за ўдзел у акцыях салідарнасці ў жніўні і ліпені. Таксама судзіў грамадзян, затрыманых у чарзе ў краму Symbal.by.
У 2019 годзе судзіў Паўла Севярынца за акцыю супраць інтэграцыі Судзіў Сяргея Чалава за «Чарнобыльскі шлях». Масава судзіў мірных грамадзян за ўдзел у акцыях салідарнасці.
Прысудзіў 3 гады абмежавання волі без накіравання ва ўстановы закрытага тыпу Вользе Гарбуновай і столькі ж для Ірыны Радзьковай.
Спіс рэпрэсаваных
Першы раз была затрымана за ўдзел у акцыях пратэсту.
Паўторна была затрымана 23 верасня 2022 года пры спробе пераходу беларуска-літоўскай мяжы.
Праходзіць па справе разам з Ягорам Курзіным і Мікалаем Куляшовым аб нелегальным перасячэнні мяжы.
Вольга была прызнана вінаватай па крымінальнай справе, узбуджанай па артыкуле «абраза прадстаўніка ўлады», за каментар у адрас начальніка Маладзечанскага РАУС Вадзіма Прыгары, пакінуты ў сацыяльнай сетцы «Аднакласнікі» пад пастом Вольгі Карач. Да абразы прыраўнялі рэакцыю «палец уніз», а таксама сам каментар, які Вольга выдаліла і які не быў агучаны на судзе.
Сяргей быў затрыманы ў верасні 2021 года ў рамках крымінальнай справы, узбуджанай па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх».
У студзені 2022 года яго асудзілі за ўдзел у счэпцы падчас паслявыбарчай акцыі пратэсту, якая прайшла з 9 на 10 жніўня 2020 года ў Мінску, і прыгаварылі да пазбаўлення волі ў калоніі.
Па падліках праваабаронцаў, ён быў вызвалены вясной 2023 года, цалкам адбыўшы прызначаны судом тэрмін пакарання.
Ірыну затрымалі ў лістападзе 2021 года па крымінальнай справе, узбуджанай па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх», і ўзялі пад варту ў СІЗА.
У сакавіку 2022 года яе прызналі вінаватай ва ўдзеле ў акцыі пратэсту, якая прайшла 20 верасня 2020 года ў Мінску, і прыгаварылі да абмежавання волі без накіравання ў папраўчую ўстанову адкрытага тыпу.
- Аб'яднанні
- Актывісты
- Аб'яднанні
- Актывісты
Вольга, актывістка і былая кіраўніца арганізацыі «Радзіслава», якая дапамагае жанчынам, якія пацярпелі ад хатняга гвалту, была затрыманая ў лістападзе 2021 года ў межах крымінальнай справы, распачатай за арганізацыю жаночых маршаў у 2020 годзе.
У траўні 2022 года Вольгу прызналі вінаватай па артыкуле «арганізацыя альбо актыўны ўдзел у групавых дзеяннях, якія груба парушаюць грамадскі парадак» і прыгаварылі да абмежавання волі без накіравання ў папраўчую ўстанову адкрытага тыпу.
Пакінула Беларусь.
У верасні 2024 года ў рамках спецвытворчасці адбылося завочнае судовае паседжанне па пытанні «замены абмежавання волі без накіравання ў папраўчую ўстанову адкрытага тыпу».
Яўген быў затрыманы ў ліпені 2021 года ў рамках крымінальнай справы, узбуджанай па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх», і змешчаны ў СІЗА да суда.
У кастрычніку 2021 года яго асудзілі за ўдзел у паслявыбарчых акцыях пратэсту, якія праходзілі ў 2020 годзе ў Менску, на адной з якіх ён атрымаў раненне ад гумавай кулі.
Па падліках праваабаронцаў, ён быў вызвалены восенню 2022 года, цалкам адбыўшы прызначаны судом тэрмін пакарання.
Аляксандр быў затрыманы ўвечары 29 красавіка 2021 года пасля паведамлення "неабыякавай грамадзянкі" ў міліцыю аб тым, што невядомыя людзі малююць бел-чырвона-белыя сцягі на збудаваннях на вуліцы Багдановіча ў Менску. Пасля адміністрацыйнага арышту ў дачыненні да яго распачалі крымінальную справу і адпусцілі пад заклад да суда.
У верасні 2021 года Аляксандр быў асуджаны па артыкуле "апаганенне збудаванняў і псаванне маёмасці".
Ілья быў прызнаны вінаватым у жніўні 2021 года па артыкуле "арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх" за ўдзел у акцыі пратэсту 23 верасня 2020 года на плошчы Свабоды ў Мінску. Паводле абвінавачання, ён дзейнічаў сумесна з неўстаноўленымі асобамі, выкрыкваў лозунгі, неаднаразова адмаўляўся выконваць патрабаванні супрацоўнікаў міліцыі, перашкаджаў затрыманню аднаго з пратэстуючых і за гэта быў затрыманы. Сваю віну Ілля не прызнаў.
У студзені 2025 года ў рамках спецвытворчасці адбылося завочнае судовае паседжанне аб замене абмежавання волі з накіраваннем на пазбаўленне волі ў калоніі.
Ігар быў асуджаны за каментар, пакінуты ў інтэрнэце на адрас Лукашэнкі.
Па падліках праваабаронцаў, ён быў вызвалены ў жніўні 2023 года, цалкам адбыўшы прызначаны судом тэрмін пакарання.
- Аб'яднанні
- Журналісты
- Аб'яднанні
- Журналісты
Алег – журналіст “Радыё Свабода”, раней працаваў у газэце “Знамя юности” і быў адным са стваральнікаў агенцтва “РИД”. Летам 2020 года актыўна асвятляў пратэсты ў Беларусі і вёў стрымы, а ў жніўні пазбавіўся акрэдытацыі МЗС разам з іншымі журналістамі замежных СМІ.
16 ліпеня 2021 года яго затрымалі падчас маштабных ператрусаў у незалежных журналістаў, праз дзесяць дзён вызвалілі, пакінуўшы ў статусе падазраванага. 23 снежня таго ж года сілавікі зноў уварваліся ў яго дом і ўзялі пад варту па крымінальнай справе аб "арганізацыі і падрыхтоўцы дзеянняў, якія груба парушаюць грамадскі парадак або актыўным удзеле ў іх".
У сакавіку 2022 года суд прызнаў Алега вінаватым, заявіўшы, што ён удзельнічаў у несанкцыянаваных акцыях, падчас якіх "Мінсктранс" налічыў урон у памеры 56 тысяч рублёў.
У верасні 2022 года журналіст быў вызвалены ў межах памілавання.
- Аб'яднанні
- Актывісты
- Праваабаронцы
- Аб'яднанні
- Актывісты
- Праваабаронцы
Юлія, праваабаронца і валанцёрка МЦГІ «Наш Дом», дачка вядомай праваабаронцы Наталлі Гарачкі-Басалыгі, была затрыманая 14 ліпеня 2021 года ў межах крымінальнай справы, узбуджанай па артыкуле «Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх».
У сакавіку 2022 года суд прызнаў Юлію вінаватай і прызначыў пакаранне ў выглядзе пазбаўлення волі з адбываннем пакарання ў папраўчай калоніі агульнага рэжыму.
Юлія была вызвалена ў зале суда. Час яе знаходжання пад вартай быў залічаны ў тэрмін адбывання пакарання, таму прысуд лічыўся поўнасцю адбытым.
- Аб'яднанні
- Актывісты
- Бацькі непаўнагадовых
- Аб'яднанні
- Актывісты
- Бацькі непаўнагадовых
Таццяна, валанцёрка, была затрымана 9 ліпеня 2021 года падчас "шырокамаштабнай аперацыі КДБ па зачыстцы ад радыкальна настроеных асоб" у рамках крымінальнай справы. Нягледзячы на тое, што дома застаўся маленькі сын, яе перавялі ў СІЗА і прад'явілі абвінавачанне па артыкуле "фінансаванне дзейнасці экстрэмісцкага фарміравання".
У траўні 2022 года меру стрымання змянілі на падпіску аб нявыездзе. Таццяна пакінула Беларусь да пачатку суда.
- Аб'яднанні
- Блогеры
- Журналісты
- Спартсмены
- Аб'яднанні
- Блогеры
- Журналісты
- Спартсмены
Аляксандр, футбаліст клуба «Крумкачоў», журналіст Tribuna.com і аўтар YouTube-канала «Часнок», быў затрыманы дома 3 чэрвеня 2021 года. Яго асудзілі на 30 сутак адміністрацыйнага арышту па артыкуле 24.23 КаАП — нібыта за сцяг на акне, але пасля адбыцця тэрміна не вызвалілі і перавялі ў СІЗА па крымінальнай справе аб «арганізацыі і падрыхтоўцы дзеянняў, якія груба парушаюць грамадскі парадак». У студзені 2022 года Аляксандра прыгаварылі да пазбаўлення волі.
Вызвалены ў лютым 2023 года, цалкам адбыўшы прызначаны судом тэрмін пакарання.
- Аб'яднанні
- Актывісты
- Аб'яднанні
- Актывісты
Аляксандр, актывіст і валанцёр перадвыбарчага штаба кандыдаткі ў прэзідэнты Святланы Ціханоўскай, быў затрыманы ў траўніі 2021 года і асуджаны за ўдзел у масавай акцыі пратэсту супраць фальсіфікацыі выбараў і гвалту ў краіне, якая праходзіла 16 верасня 2020 года ў Менску.
Да пачатку адбывання пакарання яму ўдалося пакінуць Беларусь.
- Аб'яднанні
- Прадпрымальнікі
- Аб'яднанні
- Прадпрымальнікі
Андрэй, байкер, упершыню быў затрыманы і асуджаны ў межах крымінальнай справы, распачатай пасля інцыдэнту 19 верасня 2020 года каля ГЦ "Еўропа" ў Мінску. Тады невядомыя паспрабавалі затрымаць аднаго з матацыклістаў, а астатнія сталі яго бараніць.
У чэрвені 2023 года ён быў вызвалены, поўнасцю адбыўшы прызначаны судом тэрмін пакарання.
У жніўні 2023 года стала вядома, што супраць Андрэя распачалі новую крымінальную справу, і ён стаў падазраваным па артыкуле аб грубым парушэнні парадку. Падставай для гэтага сталі фатаграфіі. Пазней ён быў асуджаны за ўдзел у акцыях пратэсту, якія праходзілі ў Мінску ў 2020 годзе.
Вызвалены ў снежні 2023 года, поўнасцю адбыўшы тэрмін пакарання, прызначаны судом.