Дзмітрый Мікалаевіч Страбкоў

Віктар — прадпрымальнік, які займаецца распрацоўкай сайтаў.

Пасля пачатку пратэстаў і першых смерцяў у 2020 годзе ён паспрабаваў ускладніць выезд спецыяльнай тэхнікі для разгону дэманстрантаў, некалькі разоў раскідаўшы самарэзы на выездзе з будынка, дзе размяшчаліся байцы спецыяльнага пагранічнага падраздзялення.

За гэта Віктар быў асуджаны па артыкуле "хуліганства" і прыгавораны да абмежавання волі з накіраваннем у папраўчую ўстанову адкрытага тыпу.

У красавіку 2022 года мера пакарання была больш жорсткай: абмежаванне волі замянілі на пазбаўленне волі. Яго абаронцам выступала маці — Галіна Сяргееўна Пархімчык, якая пасля таксама падвергнулася рэпрэсіям.

Падчас зняволення Віктар знаходзіўся ў шэрагу ўстаноў: ІЧУ на Акрэсціна, СІЗА-8, СІЗА-5, СІЗА-1, СІЗА-7, ІЧУ горада Камянец, ПУАТ-45 і ПК-17.

14 верасня 2022 года ён быў вызвалены, цалкам адбыўшы прызначаны судом тэрмін пакарання.

На сённяшні дзень Віктар працягвае працаваць у сферы вэб-распрацоўкі і адкрыты да прафесійнага супрацоўніцтва.

Святаслаў, анестэзіёлаг-рэаніматолаг, быў затрыманы ў красавіку 2021 года за размяшчэнне на прыпынку ліста з надпісам "Беларусам - воля, пацуку - падвал". Першапачаткова ён быў прыгавораны да адміністрацыйнага арышту, аднак пасля яго адбыцця быў паўторна затрыманы ў рамках ужо крымінальнай справы. Яго абвінавацілі ў падпале чатырох шапікаў сеткі "Табакерка" і асудзілі па артыкуле "хуліганства".

Па падліках праваабаронцаў, ён быў вызвалены ў красавіку 2023 года, цалкам адбыўшы прызначаны судом тэрмін пакарання.

Сяргей быў затрыманы ў снежні 2020 года і асуджаны за нанясенне надпісаў "АМАП - забойцы", "3%" і "Кубракоў - фашыст", страты склалі 8 рублёў 23 капейкі.

Вызвалены ў верасні 2023 года, цалкам адбыўшы тэрмін пакарання, прызначаны судом.

Аляксандр, урач-неўролаг, працаваў у расійскім Нарыльску. Быў затрыманы ў траўні 2021 года пасля вяртання ў Беларусь — у межах крымінальнай справы, узбуджанай за абразу прадстаўнікоў праваахоўных органаў.

У студзені 2022 года яго асудзілі па трох крымінальных артыкулах за каментары на адрас 32 чыноўнікаў. Як растлумачыў сам Аляксандр, ён пакідаў іх на эмоцыях, бо падчас жнівеньскіх пратэстаў 2020 года валанцёрыў каля ізалятара на Акрэсціна. Апроч пазбаўлення волі, суд пастанавіў спагнаць з яго маральную кампенсацыю на карысць 20 супрацоўнікаў. На паседжанні таксама стала вядома, што адзін з пацярпелых па справе збіваў Аляксандра пры затрыманні.

У лістападзе 2022 года яго паўторна асудзілі па артыкулах «абраза прадстаўніка ўлады» і «пагроза гвалтам у дачыненні да службовай асобы».

3 красавіка 2024 года яму ўзмацнілі жорсткасць пакарання і перавялі на турэмны рэжым.

Вызвалены ў лістападзе 2024 года, цалкам адбыўшы тэрмін пакарання, прызначаны судом.

Зміцер быў затрыманы ў сакавіку 2021 года і асуджаны за тое, што ў верасні 2020 года ў Жодзіна заступіўся за жанчыну, якую ўдарыў супрацоўнік міліцыі, пасля чаго яна ўпала на зямлю.

Вызвалены ў снежні 2021 года, цалкам адбыўшы тэрмін пакарання, прызначаны судом.

Сяргей быў затрыманы і асуджаны за тое, што, паводле версіі следства, «наўмысна прымацаваў металічны дрот паміж дзвюма чыгуначнымі рэйкамі, абматаўшы яго вакол рэек».

Вызвалены ў жніўні 2022 года, цалкам адбыўшы тэрмін пакарання, прызначаны судом.

Даніла, мастак па свеце, звольнены з Новага драматычнага тэатра за страйк, быў затрыманы ў сакавіку 2021 года за "адзінкавае пікетаванне" і атрымаў адміністрацыйны арышт. Праз 10 дзён супраць яго распачалі крымінальную справу, а пазней асудзілі за "ўдзел у групавых дзеяннях, якія груба парушаюць грамадскі парадак".

Вызвалены ў снежні 2022 года, цалкам адбыўшы тэрмін пакарання, прызначаны судом.

Аліну затрымалі 29 лістапада 2020 года і даставілі ў РУУС Цэнтральнага раёна Мінска за "ўдзел у несанкцыянаваным масавым мерапрыемстве". Паводле абвінавачання, у РУУС яна пагражала міліцыянеру, сарвала з яго маску, вырывалася, штурхала і ўкусіла яго за сцягно. Першапачаткова ёй прызначылі 13 сутак адміністрацыйнага арышту, але ў снежні 2020 года яе зноў узялі пад варту ў межах крымінальнай справы і пазней асудзілі за "гвалт над міліцыянтам".

Вызвалена ў кастрычніку 2022 года, цалкам адбыўшы тэрмін пакарання, прызначаны судом.

Павел быў затрыманы і асуджаны за спробу замыкання рэек на чыгунцы 11 лістапада 2020 года.

Вызвалены ў красавіку 2022 года, цалкам адбыўшы тэрмін пакарання, прызначаны судом.

Сяргей быў затрыманы і асуджаны за спробу замыкання рэек на чыгунцы 11 лістапада 2020 года.

Вызвалены ў красавіку 2022 года, цалкам адбыўшы тэрмін пакарання, прызначаны судом.

Сяргея затрымалі 23 сакавіка 2021 года за тое, што ён заступіўся за маці, калі АМАП і ГУБАЗ жорстка затрымлівалі яе ва ўласнай кватэры. Яго асудзілі за «пагрозу прымянення гвалту ў дачыненні да супрацоўніка ўнутраных справаў».

У 2024 годзе, у дзень вызвалення, яго пераарышвалі, а ў ліпені таго ж года паўторна асудзілі па артыкуле «злоснае непадпарадкаванне патрабаванням адміністрацыі папраўчай установы» — артыкуле, па якім судзяць зняволеных за адмову ад супрацоўніцтва з адміністрацыяй і выдуманыя парушэнні.

Анжаліка, старшыня "Саюза палякаў у Беларусі", была затрымана 23 сакавіка 2021 года за арганізацыю "несанкцыянаванага масавага мерапрыемства" — неафіцыйнага свята "Казюкі", і арыштаваная на 15 сутак.

Пазней стала вядома, што яе абвінавачваюць у межах крымінальнай справы аб "рэабілітацыі нацызму". Паводле звестак пракуратуры, з 2018 года праводзіліся "незаконныя мерапрыемствы" з удзелам непаўналетніх, на якіх "ушаноўвалі антысавецкіх дзеячаў", што, паводле версіі следства, "пераследвала мэту апраўдання генацыду беларускага народа".

У сакавіку 2022 года Анжаліцы змянілі меру стрымання і перавялі яе пад хатні арышт.

У сакавіку 2023 года стала вядома аб спыненні крымінальнай справы ў дачыненні да яе "ў сувязі з адсутнасцю складу злачынства".