Ірына родам з Мсціслаўля ў Магілёўскай вобласці, аднак значную частку жыцця правяла ў Маскве. У 2011 годзе яна скончыла гуманітарны факультэт Маскоўскай фінансава-юрыдычнай акадэміі (МФЮА) па спецыяльнасці "рэклама".
Доўгі час Ірына працуе кантэнт-мэнэджэрам, рэдактарам і спецыялістам па маніторынгу СМІ. Яна займалася напаўненнем сайтаў, стварэннем фота- і відэаархіваў, а таксама аналітыкай сацыяльных сетак.
Ірына пісала ў сацсетках, што жыла ў прыватным доме ў Падмаскоўі, працавала дома і перыядычна ездзіла ў Беларусь да бацькоў. Яе затрымалі , як мяркуецца, падчас адной з паездак у Беларусь.
Больш за 12 гадоў Кацярына займалася падрыхтоўкай школьнікаў да ЦТ і ЦЭ па гісторыі і грамадазнаўстве. Яна таксама працавала настаўніцай у сталічнай школе №124, выкладала ў адукацыйным цэнтры Equal і вяла вячэрнія курсы ў Беларускім дзяржаўным універсітэце замежных моў (былы "іняз").
Выкладчыца мае вышэйшую кваліфікацыйную катэгорыю, а вучні пакідалі пра яе выключна станоўчыя водгукі як пра любімага настаўніка.
Як мінімум з 2018 года Эльвіра працавала як індывідуальны прадпрымальнік і вяла ўласны бізнэс. Яна кіравала Event Agency Imbir: займалася арганізацыяй і дэкорам свят любой складанасці, стварэннем фотазон і кенды-бараў, а таксама вітрыністыкай.
Жанна нарадзілася ў 1969 годзе ў расійскім Мурманску. Вучылася ў паліграфічным ліцэі ва Уфе, але большая частка яе жыцця звязана з беларускім Мазыром. Жанчына была зарэгістраваная як індывідуальны прадпрымальнік, захаплялася фітнесам і здаровым харчаваннем, а таксама шмат падарожнічала.
У 2023 годзе Серада атрымала запрашэнне ад польскай фірмы, з таго часу жыла і працавала ў Познані.
Планы на спакойнае жыццё за мяжой спыніліся пасля вяртання ў Беларусь. Апошні раз Жана нешта пісала ў сацсетках у снежні 2025-га - неўзабаве яе затрымалі.
Таццяна мае спецыяльнасць эканаміста і вядома , што яна працавала па спецыяльнасці ў адным з падраздзяленняў аб'яднання "Беларусьнафта" ў Рэчыцы. Яе фота нават змяшчалі на календары, які выпушчаны да юбілею прадпрыемства.
Таксама Таццяна Шарак спрабавала сябе ў спеве. Была салісткай кавер-групы "3-ці рэгіён". Акрамя гэтага яна цікавілася беларускай мовай і нацыянальнай культурай.
Вартаўнік — гэта значыць, ты хочаш рэгулярна дапамагаць канкрэтнаму чалавеку ў зняволенні праз яго сям'ю. Выберы палітвязня і націсні «Стаць Вартаўніком», наша каманда звяжацца з вамі ў бліжэйшы час.
Вы можаце запытаць лісты, якія знаходзяцца ў нас на захоўванні, для гэтага пакіньце свой тэлеграм акаўнт для зваротнай сувязі, мы звяжамся з вамі і пасля верыфікацыі асобы перадамо архіў з вашымі лістамі.
Вы з'яўляецеся сваяком ці блізкім палітвязня? Дашліце нам кароткі опіс і ваш кантакт у Telegram для зваротнай сувязі. Пасля верыфікацыі дадзеных мы апублікуем вашага блізкага на сайце.
У вас ёсць інфармацыя аб адміністрацыйным пераследзе? Калі ласка, дашліце нам кароткае апісанне і ваш кантакт у Telegram для зваротнай сувязі. Пасля праверкі даных мы апублікуем вашу інфармацыю на сайце.
