Усе рэпрэсаваныя

Аляксандр, былы юрысконсульт ААТ "Нафтан" завода "Палімір", быў затрыманы ў верасні 2021 года ў Расіі, калі спрабаваў выехаць у Варшаву. Па дарозе з Варонежа супрацоўнікі ФСБ праверылі яго дакументы, і, разумеючы, што яго затрымаюць у Маскве, ён скокнуў з цягніка, атрымаўшы пералом нагі і вывіх рукі, але дабраўся да мяжы з Украінай. Пры спробе перасекчы яе легальна яго затрымалі, перадалі супрацоўнікам КДБ і змясцілі ў СІЗА ў межах крымінальнай справы супраць супрацоўнікаў заводаў, якія падтрымалі стачку і ўваходзілі ў “Рабочы рух”. Гэтая ініцыятыва 21 верасня 2021 года была прызнана экстрэмісцкай, і адначасова па краіне прайшлі затрыманні працоўных.

У лютым 2023 года яго прызналі вінаватым па артыкулах "незаконныя дзеянні з агнястрэльнай зброяй", "здрада дзяржаве" і "стварэнне экстрэмісцкага фармавання і ўдзел у ім", прыгаварыўшы да пазбаўлення волі і буйнога штрафу.

У красавіку 2023 года Аляксандр увайшоў у тройку фіналістаў міжнароднай праваабарончай прэміі Global Advocacy Award.

У красавіку 2024 года адбылося чарговае судовае паседжанне, па выніках якога Аляксандра перавялі на турэмны рэжым.

Зміцер праходзіў сведкам па справе брэсцкіх палітвязняў, блогераў Сяргея Петрухіна і Аляксандра Кабанава, якіх у красавіку 2021 года прыгаварылі да трох гадоў пазбаўлення волі. Як ён распавёў брэсцкім праваабаронцам, крымінальную справу супраць яго распачалі за адмову адказваць на пытанні суддзі, які разглядаў справу Петрухіна і Кабанава, паколькі той не прад'явіў службовае пасведчанне. У верасні 2021 года Змітра прызналі вінаватым па артыкуле «адмова або ўхіленне ад дачы паказанняў» і прыгаварылі да арышту.

Вызвалены ў лютым 2022 года, цалкам адбыўшы прызначаны судом тэрмін пакарання.

У снежні 2024 года Зміцер быў асуджаны паўторна па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх» і прыгавораны да пазбаўлення волі ў калоніі.

Анастасія была затрымана ў жніўні 2021 года ў рамках крымінальнай справы, распачатай па артыкуле «акт тэрарызму», і ў чэрвені 2023 года асуджана па некалькіх крымінальных артыкулах.

Паводле абвінавачання, з ліпеня 2020 па студзень 2022 года ў Беларусі, Турцыі, Польшчы, Украіне і іншых краінах «дзейнічала арганізаваная злачынная група», якая нібыта рыхтавала экстрэмісцкія злачынствы. У яе ўваходзілі радыкальна настроеныя вайскоўцы, сілавікі, спартоўцы і бізнэсмэны, якія імкнуліся захапіць уладу незаконным шляхам. Гэтая справа звязана са спробай падпалу дома дэпутата Алега Гайдукевіча ў чэрвені 2021 года і «арганізацыяй масавых беспарадкаў».

Уладзіслаў быў затрыманы ў жніўні 2021 года ў рамках крымінальнай справы, узбуджанай па артыкуле «акт тэрарызму».

Паводле абвінавачання, з ліпеня 2020 па студзень 2022 года ў Беларусі, Турцыі, Польшчы, Украіне і іншых краінах «дзейнічала арганізаваная злачынная група», якая нібыта рыхтавала экстрэмісцкія злачынствы. У яе ўваходзілі радыкальна настроеныя вайскоўцы, сілавікі, спартоўцы і бізнэсмэны, якія імкнуліся захапіць уладу незаконным шляхам. Гэтая справа звязана са спробай падпалу дома дэпутата Алега Гайдукевіча ў чэрвені 2021 года і «арганізацыяй масавых беспарадкаў».

Уладзіслава асудзілі па шматлікіх крымінальных артыкулах на вялікі тэрмін пазбаўлення волі, першыя пяць гадоў з якога — турэмны рэжым. Таксама яго пазбавілі воінскага звання.

Віталь быў затрыманы ў жніўні 2021 года ў межах крымінальнай справы, узбуджанай па артыкуле «акт тэрарызму», і ў чэрвені 2023 года асуджаны па шматлікіх крымінальных артыкулах на вялікі тэрмін пазбаўлення волі, першыя пяць гадоў з якой — турэмны рэжым.

Паводле абвінавачання, з ліпеня 2020 па студзень 2022 года ў Беларусі, Турцыі, Польшчы, Украіне і іншых краінах «дзейнічала арганізаваная злачынная група», якая нібыта рыхтавала экстрэмісцкія злачынствы. У яе ўваходзілі радыкальна настроеныя вайскоўцы, сілавікі, спартоўцы і бізнэсмэны, якія імкнуліся захапіць уладу незаконным шляхам. Гэтая справа звязана са спробай падпалу дома дэпутата Алега Гайдукевіча ў чэрвені 2021 года і «арганізацыяй масавых беспарадкаў».

Вольга была затрымана ў жніўні 2021 года ў рамках крымінальнай справы, узбуджанай па артыкуле «акт тэрарызму», і ў чэрвені 2023 года асуджаная па некалькіх крымінальных артыкулах.

Паводле абвінавачання, з ліпеня 2020 па студзень 2022 года ў Беларусі, Турцыі, Польшчы, Украіне і іншых краінах «дзейнічала арганізаваная злачынная група», якая нібыта рыхтавала экстрэмісцкія злачынствы. У яе ўваходзілі радыкальна настроеныя вайскоўцы, сілавікі, спартоўцы і бізнэсмэны, якія імкнуліся захапіць уладу незаконным шляхам. Гэтая справа звязана са спробай падпалу дома дэпутата Алега Гайдукевіча ў чэрвені 2021 года і «арганізацыяй масавых беспарадкаў».

Вячаслаў быў затрыманы ўлетку 2021 года ў межах крымінальнай справы, узбуджанай па артыкулах «распальванне варожасці» і «незаконны збор і распаўсюджванне звестак аб прыватным жыцці».

У сакавіку 2022 года ён быў асуджаны за перадачу звестак аб прадстаўніках сілавых ведамстваў апазіцыйнаму тэлеграм-каналу. Вячаслаў таксама пазбавіўся спецыяльнага звання «падпалкоўнік юстыцыі» запасу.

Павел упершыню быў асуджаны ў траўні 2021 года за "абразу Лукашэнкі" і прыгавораны да пазбаўлення волі ў калоніі. У траўні 2022 года ён быў вызвалены, цалкам адбыўшы прызначаны судом тэрмін пакарання.

Паўторна Паўла затрымалі вясной 2024 года па падазрэнні ў супрацоўніцтве з Галоўным упраўленнем разведкі Міністэрства абароны Украіны. Пра гэта паведамілі ў перадачы "Усё па справе" на дзяржаўным тэлеканале "Беларусь 4. Магілёў". На апублікаваным відэа Павел кажа, што здымаў размяшчэнне "Іскандэраў", каб перадаць запісы ВСУ, а таксама зачытвае тэкст, прадстаўлены як прысяга Украіне.

У лістападзе 2024 года ў дачыненні да яго прайшоў шэраг судовых пасяджэнняў па артыкулах "удзел на тэрыторыі замежнай дзяржавы ва ўзброеным фарміраванні або ўзброеным канфлікце, ваенных дзеяннях, вярбоўка або падрыхтоўка асоб да такога ўдзелу" і "здрада дзяржаве". Вынік разгляду спраў невядомы.

Наталля была затрымана ў чэрвені 2021 года па падазрэнні ў планаванні падпалу лесанарыхтоўчай тэхнікі. Затрыманне адбылося ўвечары прама на тэрыторыі лясгаса, куды яна прыбыла нібыта разам з саўдзельнікам Гардзеевым, які насамрэч выконваў заданне органаў дзяржаўнай бяспекі.

Па версіі абвінавачання, увечары 8 чэрвеня 2021 года Наталля разам з гэтым чалавекам вырабіла кактэйлі Молатава, з дапамогай якіх планавалася падпаліць тэхніку. Аднак злачынства не было даведзена да канца — Наталлю затрымалі да здзяйснення падпалу.

На судзе Наталля расказала, што апынулася ў складанай жыццёвай сітуацыі: у жніўні 2020 года быў затрыманы яе знаёмы, яна страціла бацьку і адчувала цяжкасці на працы. Яна таксама пацвердзіла, што сапраўды была ў чаце «АГСБ» і мела намер знішчыць лесанарыхтоўчую тэхніку ў лясгасе.

У снежні 2022 года яе прызналі вінаватай і прыгаварылі да пазбаўлення волі ў калоніі агульнага рэжыму з прызначэннем буйнога штрафу.

Арцём, актывіст анархічнага руху, быў затрыманы 4 жніўня 2021 года супрацоўнікамі ГУБАЗіКу. Пры затрыманні яны сустрэлі яго словамі "Сардэчна запрашаем у Гестапа!", пасля чаго збівалі, ставілі ў "ластаўку" і пагражалі згвалтаваннем, патрабуючы пароль ад тэлефона. На наступны дзень Арцёма асудзілі па артыкуле 19.1 КаАП (нібыта за агрэсіўныя паводзіны пры дастаўленні ў РУУС) і прызначылі 15-сутачны арышт, аднак пасля яго заканчэння ён на волю не выйшаў.

Першапачаткова Арцёму прад'явілі абвінавачанне па артыкуле "арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх". У студзені 2022 года яму і іншым фігурантам прад'явілі дадатковыя абвінавачанні - удзел у экстрэмісцкім фарміраванні за падпіску на тэлеграм-канал "Прамень". На момант затрымання канал яшчэ не быў унесены ў спіс экстрэмісцкіх фармаванняў, што адбылося толькі ў лістападзе 2021 года.

У красавіку 2022 года Арцёма прызналі вінаватым і прыгаварылі да пазбаўлення волі ў калоніі.

Па падліках праваабаронцаў павінен быў выйсці на волю зімой 2026 года.

Сяргей быў затрыманы ў сакавіку 2021 года і восенню таго ж года асуджаны за расклейку стыкераў у Віцебску. Па версіі абвінавачання, з 1 кастрычніка 2020 года па 22 сакавіка 2021 года ён займаўся дзейнасцю, накіраванай на «сістэматычную псуту маёмасці»: з выкарыстаннем аэразольнай фарбы наносіў на аб'екты УП «Віцебскводаканал» надпісы «Жыве Беларусь!», «3%», «Чырвоны партыз.

У верасні 2024 года адбылося чарговае судовае паседжанне, па выніках якога Сяргей быў пераведзены на турэмны рэжым.

Зміцер, былы дырэктар інфармацыйнага агенцтва «БелаПАН», быў затрыманы 18 жніўня 2021 года пасля ператрусу і допыту ў Следчым камітэце. Першапачаткова яго змясцілі пад варту на 72 гадзіны ў межах крымінальнай справы па артыкуле «арганізацыя або падрыхтоўка дзеянняў, якія груба парушаюць грамадскі парадак, альбо ўдзел у іх», аднак на волю ён не выйшаў і праз 10 сутак быў пераведзены ў СІЗА. Пазней абвінавачанне было зменена на ўхіленне ад выплаты падаткаў.

У лістападзе 2021 года стала вядома, што Змітру таксама прад'явілі абвінавачанне ў «стварэнні экстрэмісцкага фарміравання». У кастрычніку 2022 года яго прызналі вінаватым па артыкулах «удзел у экстрэмісцкім фарміраванні» і «ўхіленне ад выплаты падаткаў і збораў», прыгаварылі да пазбаўлення волі, прызначылі буйны штраф і забаранілі займаць пэўныя пасады тэрмінам на пяць гадоў.

Андрэй, будаўнік-аддзелачнік, быў затрыманы ў ліпені 2021 года ў межах крымінальнай справы, звязанай з ініцыятывай «Буслы ляцяць». Некаторыя эпізоды абвінавачання тычыліся пашкоджання аўтамабіля суддзі Барысаўскага раёна. У выніку ён быў прыгавораны да працяглага тэрміну пазбаўлення волі і штрафу.

У верасні 2024 года Андрэя зноў асудзілі па артыкуле аб «злосным непадпарадкаванні патрабаванням адміністрацыі папраўчай установы». Гэты артыкул часта прымяняецца да зняволеных, якія адмаўляюцца ад супрацоўніцтва з адміністрацыяй, і прадугледжвае пакаранне за надуманыя парушэнні. У выніку ягоны агульны тэрмін зняволення павялічыўся да 17 гадоў.

На волі Андрэя чакаюць трое дзяцей і жонка, у якой сур'ёзныя праблемы са здароўем.

Раман быў затрыманы ў сакавіку 2021 года ў рамках крымінальнай справы па артыкуле "дапамога ў наўмысных дзеяннях, накіраваных на ўзбуджэнне іншай сацыяльнай варожасці па прыкмеце іншай сацыяльнай прыналежнасці, учыненых групай асоб". Ён быў асуджаны за перадачу інфармацыі BYPOL.

"18 сакавіка 2021 года Раман прыйшоў да дома супрацоўніка міліцыі, каб праверыць апублікаваны ў інтэрнэце адрас і паведаміць яго дэструктыўнаму рэсурсу. Ён пракраўся ў пад'езд, патэлефанаваў у дамафон, сустрэў жонка міліцыянера і ўцёк. Дома адправіў паведамленне ў Telegram-канал з пацвярджэннем адраса", — сказана ў матэрыялах следства.

Увосень 2023 года ўмовы яго ўтрымання сталі больш жорсткімі, і Раман быў пераведзены на турэмны рэжым.

У верасні 2024 года адбылося судовае паседжанне па артыкуле "злоснае непадпарадкаванне патрабаванням адміністрацыі папраўчай установы", у рамках якога Раману маглі дадаць да двух гадоў пазбаўлення волі; вынік паседжання невядомы.

Яўген — актывіст анархічнага руху. Ён быў затрыманы 29 ліпеня 2021 года ў Менску. У ягонай кватэры правялі ператрус, а пры затрыманні яго збілі. Каб дабіцца доступу да тэлефона і камп'ютара, на галаву Яўгену нацягнулі пакет.

Падчас пераводу ў СІЗА ў яго забралі ўсе кнігі і паставілі на прафілактычны ўлік як схільнага да экстрэмізму, што прадугледжвае ўнясенне адзнакі ў асабістую справу, асаблівае стаўленне і дадатковую працу з псіхолагам.

Першапачаткова Яўгену прад'явілі абвінавачанне па артыкуле "арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх". У студзені 2022 года яму і іншым фігурантам крымінальнай справы прад'явілі дадатковыя абвінавачанні — удзел у экстрэмісцкім фарміраванні за падпіску на тэлеграм-канал "Прамень". На момант затрымання канал яшчэ не быў унесены ў спіс экстрэмісцкіх фармаванняў — гэта адбылося толькі ў лістападзе 2021 года.

У красавіку 2022 года Яўгена прызналі вінаватым і прыгаварылі да пазбаўлення волі ў калоніі. У красавіку 2023 года яго рэжым утрымання стаў больш жорсткім, і яго перавялі на турэмны рэжым. У кастрычніку 2025 года суд дадаў яму яшчэ адзін год пазбаўлення волі ў калоніі па артыкуле "злоснае непадпарадкаванне патрабаванням адміністрацыі".