Усе рэпрэсаваныя

28-гадовага Аляксея Мандзіка затрымалі ў лістападзе 2021 года. Ён — работнік пятай гарадской паліклінікі, загадчык аддзялення прафілактыкі, урач-тэрапеўт.

Прычына затрымання ГУБАЗам — удзел у «дэструктыўных Telegram-каналах», дзе пісаў «дэструктыўныя і абразлівыя каментарыі» на адрас супрацоўнікаў АУС.

На праўладным рэсурсе быў апублікаваны яго пакаяльны ліст.

Яўгена абвінавацілі адразу па 9 артыкулах Крымінальнага кодэкса. Прычынай гэтага сталі каментары ў Telegram і адпраўка адміністратарам Telegram-каналаў 0,28 і 0,004 біткоіна.

Акрамя гэтага, са снежня 2019 года па студзень 2020 года ён набыў «асабліва небяспечныя псіхатропныя рэчывы», а на тэрыторыі Расіі (у Бранскай вобласці) купіў агнястрэльную зброю — пісталет Макарава (ПМ) і не менш за 46 патронаў да яго.

Судовы працэс доўжыўся з 14 лютага па 2 чэрвеня, амаль чатыры месяцы.

Яўген сваю віну прызнаў часткова, патлумачыў, што ён быў нязгодны з вынікамі выбараў прэзідэнта Беларусі, і менавіта таму вырашыў дзейнічаць актыўна.

Сяргей быў арыштаваны ў жніўні 2021 года па абвінавачанні ў тэрарызме, які быў высунуты на палітычнай глебе за яго негвалтоўную дзейнасць. Па наяўных дадзеных, ён меў зносіны з супрацоўнікамі МУС, пераконваючы іх адмовіцца ад выканання злачынных загадаў, а таксама дапамагаў тым, хто сыходзіў са службы і баяўся пераследу.

Паводле абвінавачання, з ліпеня 2020 года па студзень 2022 года ў Беларусі, Турцыі, Польшчы, Украіне і іншых краінах «дзейнічала арганізаваная злачынная група, мэтай якой было здзяйсненне экстрэмісцкіх злачынстваў. У групе ўдзельнічалі радыкальна настроеныя асобы, у тым ліку былыя і дзейныя вайскоўцы, супрацоўнікі сілавых органаў, спартоўцы і бізнэсмэны, якія імкнуліся захапіць уладу незаконным шляхам». Гэтая справа звязана з абвінавачваннямі ў спробе падпалу дома дэпутата Алега Гайдукевіча ў чэрвені 2021 года і «арганізацыі масавых беспарадкаў».

Сяргея асудзілі па шматлікіх крымінальных артыкулах на вялікі тэрмін пазбаўлення волі, першыя пяць з якіх — турэмны рэжым. Таксама яго пазбавілі воінскага звання.

Былы следчы. Звольніўся пасля выбараў 2020 года ў знак пратэсту супраць дзейнай улады. Пасля звальнення Мікіта працаваў юрыстам.

Упершыню быў затрыманы 23 красавіка 2021 за "несанкцыянаванае пікетаванне", і адседзеў 15 сутак у турме, паводле ч. 1 арт. 24.23 КаАП. Выйшаў на волю 8 траўня 2021 года.

4 траўня 2021 года Старажэнка, як і іншыя прадстаўнікі праваахоўных органаў, якія звольніліся ў знак пратэсту, быў пазбаўлены Лукашэнка звання старэйшага лейтэнанта юстыцыі запасу.

Мікіта быў затрыманы паўторна 1 лютага 2022 года ў гандлёвым цэнтры ў горадзе Менску. На відэа, апублікаваным на тэлеграм-канале МУС, ён кажа, што перадаў кантакты двух супрацоўнікаў Губазіка і намесніка начальніка СК па Менску аднаму з «пратэстных тэлеграм-каналаў».

Судовы працэс прайшоў 15 лістапада 2022 г. у Менскім гарадскім судзе. Мікіту судзілі за "распальванне іншай сацыяльнай варожасці і розні" па ч. 3 арт. 130 КК, а таксама за "незаконны збор і распаўсюджванне інфармацыі аб прыватным жыцці" (ч. 1 арт. 179 КК).

2 снежня 2022 года яму было прысуджана да сямі гадоў калоніі ва ўмовах узмоцненага рэжыму. Таксама Мікіта абавязаны выплаціць штраф 5000 BYN у якасці маральнай кампенсацыі супрацоўнікам, звесткі якіх, паводле абвінавачвання, ён перадаў "пратэстным тэлеграм-каналам".

20 снежня 2020 года Васіль убачыў у Telegram навіну аб тым, як у адной беларускай школе супрацоўніца міліцыі крычала на дзяцей, выкарыстоўваючы пры гэтым нецэнзурную лексіку. З гэтай нагоды пінчук у тэлеграм-канале "Карнікі Беларусі" напісаў у каментарах жарт, які раней гучаў на тэлебачанні ў праграме КВЗ. Гэта быў перафразаваны фрагмент вядомай дзіцячай песні "Няхай бягуць нязграбна" з мультфільма пра Чабурашку і Кракадзіла Гену. У версіі КВЗ прыпеў гучаў па-іншаму. Каментар быў наступнага зместу: "Лера сцерва на працы, Лера сцерва і ў побыце, таму што сэкс у Леры толькі раз у годзе".

Адразу пасля прысуду Васіля выехаў з краіны. 16 кастрычніка 2025 года. Васіля затрымалі ў Пецярбургу. Ён знаходзіцца ў міждзяржаўным вышуку.

Затрыманы за маляванне праз трафарэты "Пагоні".

Анатоль Латушка - стрыечны брат палітыка Паўла Латушкі.

22.03.2024 быў пераведзены на турэмны рэжым да канца тэрміну.

17-гадовы Елісей абвінавачваўся ў тым, што кінуў бутэльку з гаручай сумессю ў міліцэйскую машыну. За парушэнні на "хатняй хіміі" Елісею ўзмацнілі пакаранне да пазбаўлення волі і Елісей узяты пад варту 20 красавіка 2022 года і з 27 траўня малады чалавек знаходзіўся ў калоніі.

17.12.2022 вызвалены поўнасцю адбыўшы тэрмін пакарання, прызначаны судом.

Быў зноў затрыманы ў маі 2023 года і ў жніўні асуджаны за тое, што разам з сябрам сарваў тры дзяржаўныя флагі, устаноўленыя на фасадах установы адукацыі, гандлёвага аб'екта і аддзялення паштовай сувязі ў аграгарадку Войска Камянецкага раёна.

18 снежня 2024 г. у судзе Барысаўскага раёна адбудзецца разгляд справы Елісея па ч. 1 арт. 411 (злоснае непадпарадкаванне патрабаванням адміністрацыі папраўчай установы ).

Алег — уладальнік YouTube-канала "Трэці рэгіён Беларусь", быў затрыманы ў студзені 2022 года, калі вярнуўся ў Беларусь на навагоднія святы.

Алега абвінавацілі ў дэананімізацыі сілавікоў і ў тым, што, знаходзячыся за мяжой, ён нібыта працягваў "размяшчаць у сацсетках інфармацыю антыдзяржаўнага характару і прапагандаваць супраціўленне прадстаўнікам улады". На сваім канале ён публікаваў відэа з акцыяў салідарнасці беларусаў у Кіеве, дзе жыў з 2020 года. Таксама яму паставілі "цынічныя каментары" пра загінулага супрацоўніка КДБ Дзмітрыя Федасюка.

У верасні 2022 года ён быў асуджаны па некалькіх артыкулах Крымінальнага кодэкса, уключаючы "распальванне расавай, нацыянальнай, рэлігійнай або іншай сацыяльнай варожасці". Суд прыгаварыў яго да пазбаўлення волі ў калоніі ўзмоцненага рэжыму і абавязаў выплаціць буйную кампенсацыю.

У ліпені 2023 года Алега паўторна асудзілі за "злоснае непадпарадкаванне патрабаванням адміністрацыі папраўчай установы" — абвінавачванне, якое часта ўжываецца да палітвязняў, якія адмаўляюцца супрацоўнічаць з турэмнай адміністрацыяй. У верасьні таго ж году зьявілася інфармацыя, што яго перавялі на турэмны рэжым.

Стала вядома, што ў першай палове лета 2025 года ў дачыненні да Алега адбылося яшчэ адно судовае паседжанне па тым жа артыкуле за "непадпарадкаванне". Разгляд апеляцыйнай скаргі мусіў адбыцца ў сярэдзіне ліпеня.

Арцём захапляецца музыкай і рыбалкай, адрозніваецца дапытлівасцю і дасведчанасцю ў многіх сферах. Вывучае англійскую і нямецкую мовы. Заўсёды ведаў, што будзе жыць у Германіі, любіць гурт Rammstein, слухае яго з дзяцінства і ведае на памяць многія песні.

Ён быў затрыманы 12 студзеня 2022 года ў межах крымінальнай справы аб «групавых дзеяннях, якія груба парушаюць грамадскі парадак», «незаконным зборы і распаўсюджванні персанальных дадзеных», «закліках да дзеянняў, накіраваных на прычыненне шкоды нацыянальнай бяспецы» і «дапаможніцтве ў распальванні варожасці».

У верасні 2022 года яго прызналі вінаватым ва ўдзеле ў дзвюх паслявыбарчых акцыях пратэсту, якія прайшлі ў 2020 годзе ў Мінску, а таксама ў распрацоўцы праграмы для сканіравання штрых-кодаў з мэтай байкоту кампаній, якія падтрымлівалі рэжым.

68-гадоваму Барысу Вітко ставілася ў віну тое, што 30 верасня 2021 года ў тэлеграм-канале "Ляхавічы 97" ён напісаў абразлівы каментар у дачыненні да суддзі Мікалая Кміты.

Прысуд суда 20.01.2023: 2 гады абмежавання волі без накіравання.

У канцы траўня 2023 г. стала вядома, што Барыс быў зноў затрыманы. Пра гэта паведаміў праўладны тэлеграм-канал. Супрацоўнікі АМАП у бронекамізэльках з драбавіком затрымалі мужчыну на тэрыторыі прыватнага дома. На апублікаваным відэа Барыс кажа, што яго затрымалі паводле падазрэння ў абразе Лукашэнкі (арт. 368 Крымінальнага кодэкса). Па месцы пражывання ў в. Мядзведзічы Ляхавіцкага раёна быў праведзены ператрус.

Пазней праваабаронцам стала вядома , што нейкі час Барыса Вітко ўтрымлівалі ў ляхавіцкім ІЧУ, затым перавялі ў баранавіцкае СІЗА. Цяпер ён знаходзіцца ў СІЗА-7 Брэста ў чаканні суда. У лістападзе 2023 года Барыса ўнеслі ў спіс тэрарыстаў. Суд пачаўся на пачатку студзеня 2024 года. На першым судзе Барысу Вітко ставілася ў віну тое, што 30 верасня 2021 года ў тэлеграм-канале "Ляхавічы 97" ён напісаў абразлівы каментар у дачыненні да суддзі Мікалая Кміты. Па сукупнасці прыгавораў шляхам частковага складання неадбытай часткі пакарання канчаткова абвінавачанаму Барысу Вітко прызначана пакаранне ў выглядзе пазбаўлення волі на тэрмін сем гадоў і тры месяцы з адбываннем у папраўчай калоніі ва ўмовах узмоцненага рэжыму са штрафам у даход дзяржавы ў памеры 300 базавых велічынь у суме 12 00 .

Барыс мае праблемы з сэрцам, увесь час павінен прымаць лекі.

Актывістка «Еўрапейскай Беларусі», была затрыманая 30 снежня 2021 года па крымінальнай справе аб групавых дзеяннях, якія груба парушаюць грамадскі парадак.

7 студзеня 2022 года жанчыну перавялі ў СІЗА.

У Алены ёсць маленькі сын.

У студзені 2023 г. Алену перавялі ў гомельскую жаночую калонію № 4 . Да палітвязня доўгі час не можа патрапіць адвакат, яе змяшчалі ў СІЗА.

У кастрычніку 2023 г. стала вядома, што для Алены ў жніўні не прынялі перадачу. Гэта, хутчэй за ўсё, сведчыць аб тым, што яе пазбавілі перадач. Апошні ліст ад Алены прыйшоў у пачатку верасня, з тых часоў лістоў ад яе няма. З моманту пераводу Лазарчык у калонію ні разу не быў атрыманы дазвол ад адміністрацыі ўстановы на сустрэчу з адвакатам. Што зараз адбываецца з Аленай, у якім яна стане - невядома. Алена ў калоніі адчувае праблемы з зубамі, яна схуднела.

У сярэдзіне лістапада 2023 года праваабаронцам стала вядома, што Алену зноў змяшчалі ў ШІЗА.

Па сведчаннях былой палітвязні, Алена адсядзела больш за 90 сутак у ШІЗА, больш за 60 дзён у ПКТ .

Увесну 2025 г. Алену асудзілі па ч. 2 арт. 411 Крымінальнага кодэкса (злоснае непадпарадкаванне законным патрабаванням адміністрацыі калоніі) і прызначылі яшчэ паўтара гады калоніі ў дадатак да васьмі гадоў зняволення. Калі быў вынесены прыгавор, невядома. Вядома, што на судзе Алена адмовілася ад паслугаў адваката.

Затрыманая разам з маці.

Ператрус у кватэры быў праведзены па арт. 364 КК РБ. Затым была перакваліфікаваны артыкул абвінавачвання на ч. 3 арт. 130 КК РБ.

Папярэдне абвінавачваецца ў распаўсюдзе асабістых дадзеных супрацоўнікаў МУС.

Затрыманая разам з дачкой.

Ператрус у кватэры быў праведзены па арт. 364 КК РБ. Затым была перакваліфікаваны артыкул абвінавачвання на ч. 3 арт. 130 КК РБ.

Папярэдне абвінавачваецца ў распаўсюдзе асабістых дадзеных супрацоўнікаў МУС.

Фітнес-трэнер з Салігорска.

Згодна з матэрыяламі справы Гаўрылаў у студзені 2021 года набыў і падаў двум знаёмым — Таццяне і Алегу Бірулям — аэразольныя балоны з фарбай. Пасля чаго апошнія са студзеня па люты 2021 года наносілі на розныя аб'екты інфраструктуры Салігорска надпісы і малюнкі, «ажыццяўляючы іх псуту».

У жніўні 2021 года Гаўрылаў шляхам дамоўленасцей, у тым ліку за матэрыяльную ўзнагароду, уцягнуў іншага знаёмага — Сяргея Пасюка — у занятак «экстрэмісцкай дзейнасцю».

Потым абвінавачаныя са жніўня па снежань 2021 года распаўсюджвалі на тэрыторыі Салігорска ўлёткі і іншую друкаваную прадукцыю. Экспертыза зместу «Сумленнай газеты», з асобнікамі якой быў затрыманы трэнер, сведчыла аб тым, што Гаўрылаў нібыта датычны да распальвання расавай, нацыянальнай, рэлігійнай або іншай сацыяльнай варожасці або варожасці, учыненага групай асоб.

Стваральнік магазіна Symbal.by, культурны менеджэр.

Быў затрыманы 15 лістапада 2021 года пасля выкліку ў міліцыю. Пасля гэтага Паўла тройчы асудзілі па адміністрацыйных справах (на 15, 13 і 7 сутак), а пасля ўжо па крымінальнай справе перавялі ў СІЗА.

Адбываў тэрмін у ВК №17.

У лютым 2026 г. Паўла перавялі ў СТ № 4 , без рэчаў і без біркі. Па словах былых палітвязняў , ёсць верагоднасць , што на яго завялі новую справу