Наталля была асуджаная ў жніўні 2021 года ў рамках крымінальнай справы, узбуджанай па артыкулах аб абразе Лукашэнкі і знішчэнні афіцыйных дакументаў. Па версіі абвінавачання, 27 мая 2021 года дадому да Наталлі прыехалі супрацоўнікі міліцыі. Там яна, на думку следства, «публічна абразіла» Лукашэнку словамі «у нас гр*баная дзяржава» і «гр*баны прэзідэнт», чым, па версіі абвінавачання, здзейсніла злачынства. Праз гадзіну пасля гэтага следчыя праводзілі ў яе кватэры агляд, падчас якога, як сцвярджае абвінавачанне, Наталля «жадаючы выказаць сваю перавагу і ўседазволенасць», разарвала пратакол, здзейсніўшы тым самым «пашкоджанне афіцыйнага дакумента».
Была вызвалена ў сакавіку 2022 года ў рамках памілавання.
Аляксандра абвінавацілі ў тым, што ў жніўні 2020 года ён пакінуў у сацыяльнай сетцы «Аднакласнікі» каментар з аднаго слова — «Мразь» — пад публікацыяй аб тым, што інспектар ДПС, маёр міліцыі Андрэй Баграёнак, удзельнічаў у разгоне мірных сходаў і штрафаваў за падачу гукавых сігналаў салідарнасці.
У верасні 2023 года ён быў вызвалены, цалкам адбыўшы тэрмін пакарання, прызначаны судом.
- Аб'яднанні
- Бацькі непаўнагадовых
- Аб'яднанні
- Бацькі непаўнагадовых
Дыяна была затрымана ў траўні 2021 года ў рамках крымінальнай справы, узбуджанай за аднаўленне графіці з «дыджэямі перамен» у знакамітым пратэстным двары «Плошча Перамен» па артыкуле «злоснае хуліганства, учыненае групай асоб». Праз 72 гадзіны яна была вызвалена з ІЧУ і змешчана пад хатні арышт. У жніўні таго ж года Дыяну прыгаварылі да абмежавання волі без накіравання.
Вядома, што ў кастрычніку 2024 года ў дачыненні да яе ў рамках спецвытворчасці разглядалася справа аб замене абмежавання волі.
Рамана прызналі вінаватым па трох крымінальных артыкулах за каментары, пакінутыя ў чаце "Сеніца", і прыгаварылі да абмежавання волі з накіраваннем у папраўчую ўстанову адкрытага тыпу.
Па падліках праваабаронцаў, ён быў вызвалены летам 2024 года, цалкам адбыўшы тэрмін пакарання, прызначаны судом.
Андрэй быў асуджаны па адміністратыўным артыкуле ў кастрычніку 2020 года за ўдзел у паслявыбарчай акцыі пратэсту. У траўні 2021 года яго затрымалі ў межах крымінальнай справы, узбуджанай па чатырох артыкулах, уключаючы абразу прадстаўніка ўлады і Лукашэнкі. У верасні таго ж года Андрэя прыгаварылі да пазбаўлення волі і выплаты буйной кампенсацыі.
Ён быў вызвалены ў верасні 2024 года ў межах памілавання.
Вячаслаў быў прызнаны вінаватым у пашкоджанні маёмасці і прычыненні ўрону ў памеры 10 рублёў 34 капейкі за тое, што ў снежні 2020 года расфарбаваў бела-чырвонымі палосамі агароджу школы, а таксама кіёск, слупы і дрэвы ў пасёлку на ўскраіне Магілёва.
Ён быў вызвалены восенню 2021 года, цалкам адбыўшы тэрмін пакарання, прызначаны судом.
- Аб'яднанні
- Журналісты
- Аб'яднанні
- Журналісты
Зміцер, былы дырэктар інфармацыйнага агенцтва «БелаПАН», быў затрыманы 18 жніўня 2021 года пасля ператрусу і допыту ў Следчым камітэце. Першапачаткова яго змясцілі пад варту на 72 гадзіны ў рамках крымінальнай справы па артыкуле «арганізацыя або падрыхтоўка дзеянняў, якія груба парушаюць грамадскі парадак, альбо ўдзел у іх», аднак на волю ён не выйшаў і праз 10 сутак быў пераведзены ў СІЗА. Пазней абвінавачанне было зменена на ўхіленне ад выплаты падаткаў.
У лістападзе 2021 года стала вядома, што Дзмітрыю таксама прад'явілі абвінавачанне ў "стварэнні экстрэмісцкага фарміравання". У кастрычніку 2022 года яго прызналі вінаватым па артыкулах "удзел у экстрэмісцкім фарміраванні" і "ўхіленне ад выплаты падаткаў і збораў", прыгаварылі да пазбаўлення волі, прызначылі буйны штраф і забаранілі займаць пэўныя пасады тэрмінам на пяць гадоў.
16 верасня 2026 года быў вызвалены пасля візіту ў Мінск спецыяльнага прадстаўніка прэзідэнта ЗША Дональда Трампа - Джона Коўла - і вывезены ў Літву.
- Аб'яднанні
- Журналісты
- Аб'яднанні
- Журналісты
Ірына, галоўны рэдактар і дырэктар агенцтва "БелаПАН", была затрымана 18 жніўня 2021 года пасля ператрусаў у яе доме і рэдакцыі агенцтва, а таксама допыту. Першапачаткова яе змясцілі пад варту на 72 гадзіны ў рамках крымінальнай справы па артыкуле "арганізацыя або падрыхтоўка дзеянняў, якія груба парушаюць грамадскі парадак, альбо ўдзел у іх", аднак на волю яна не выйшла і праз 10 сутак была пераведзена ў СІЗА. Пазней абвінавачанне было зменена на ўхіленне ад выплаты падаткаў.
У лістападзе 2021 года стала вядома, што Ірыне таксама прад'явілі абвінавачанне ў "стварэнні экстрэмісцкага фарміравання". У кастрычніку 2022 года яе прызналі вінаватай па артыкуле "удзел у экстрэмісцкім фарміраванні", прыгаварылі да пазбаўлення волі і забаранілі займаць пэўныя пасады тэрмінам на пяць гадоў.
Ірына была вызвалена ў снежні 2024 года, цалкам адбыўшы тэрмін пакарання, прызначаны судом.
Сяргей быў асуджаны ў жніўні 2021 года па артыкуле "абраза Лукашэнкі" і прыгавораны да пазбаўлення волі ў калоніі за тое, што на сваёй асабістай старонцы ва "УКантакце" размясціў аўдыёзапіс "Лукашэнка, сыходзь".
Па падліках праваабаронцаў, ён быў вызвалены ў жніўні 2022 года, цалкам адбыўшы прызначаны судом тэрмін пакарання.
- Аб'яднанні
- Актывісты
- Аб'яднанні
- Актывісты
Ганну, вядомую актывістку, якая падтрымлівала Віктара Бабарыка, затрымалі 26 ліпеня 2021 года ў межах крымінальнай справы, узбуджанай па артыкуле аб паклёпе ў дачыненні да Лукашэнкі. У лістападзе таго ж года яе прызналі вінаватай і прыгаварылі да пазбаўлення волі ў калоніі.
Па падліках праваабаронцаў, яна была вызвалена вясной 2024 года, цалкам адбыўшы прызначаны судом тэрмін пакарання.
Максім быў затрыманы ў красавіку 2021 года і пазней асуджаны за ўдзел у паслявыбарчай акцыі пратэсту, якая праходзіла ў жніўні 2020 года ў Менску. Паводле абвінавачання, у ноч з 9 на 10 жніўня 2020 года ён знаходзіўся на праспекце Машэрава, далучыўся да іншых пратэстоўцаў, выходзіў на праезную частку, выкрыкваў лозунгі, гучна пляскаў у ладкі, размахваў рукамі і дэманстраваў абразлівыя жэсты ў бок супрацоўнікаў міліцыі.
У сакавіку 2023 года Максім быў вызвалены, цалкам адбыўшы тэрмін пакарання, прызначаны судом.
- Аб'яднанні
- Актывісты
- Аб'яднанні
- Актывісты
Арцём, актывіст анархічнага руху, быў затрыманы 4 жніўня 2021 года ў рамках крымінальнай справы, узбуджанай па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх».
У студзені 2022 года Арцёму і іншым фігурантам прад'явілі дадатковыя абвінавачанні — удзел у экстрэмісцкім фарміраванні за падпіску на тэлеграм-канал «Прамень». На момант яго затрымання канал яшчэ не быў унесены ў спіс экстрэмісцкіх фармаванняў; гэта адбылося толькі ў лістападзе 2021 гады.
У красавіку 2022 года Арцёма прызналі вінаватым і прыгаварылі да пазбаўлення волі ў калоніі.
Быў вызвалены ў ліпені 2024 года ў межах памілавання.
Арцёма асудзілі ў лістападзе 2021 года па артыкуле "арганізацыя альбо актыўны ўдзел у групавых дзеяннях, якія груба парушаюць грамадскі парадак" за праяўленне грамадзянскай пазіцыі. Праваабаронцы расцэньваюць яго пераслед, пазбаўленне волі і абвінавачванні як "палітычна матываванае пакаранне за рэалізацыю права на мірныя сходы і выказванне меркавання аб выніках прэзідэнцкіх выбараў у жніўні 2020 года".
- Аб'яднанні
- Аб'яднанні
Зміцер, музыка, быў затрыманы ўвечары 2 жніўня 2021 года на лецішчы пад Менскам падчас святкавання дня нараджэння вакалісткі гурта IRDORATH Надзеі Калач разам з іншымі музыкамі і гасцямі. На працягу наступных двух сутак частка ўдзельнікаў была асуджаная па адміністрацыйных справах аб непадпарадкаванні міліцыі, у тым ліку Змітра — яму прызначылі 15 сутак арышту, але пасля іх заканчэння ён на волю не выйшаў.
У кастрычніку таго ж года Зміцер быў прызнаны вінаватым па артыкуле «арганізацыя дзеянняў, якія груба парушаюць грамадскі парадак, а таксама навучанне ці іншая падрыхтоўка асоб для ўдзелу ў такіх дзеяннях» за ўдзел у паслявыбарчых акцыях пратэсту, якія праходзілі ў 2020 годзе ў Менску.
- Аб'яднанні
- Бацькі непаўнагадовых
- Аб'яднанні
- Бацькі непаўнагадовых
Віталь быў асуджаны за каментар на адрас Лукашэнкі, які следства прызнала абразлівым, і прыгавораны да пазбаўлення волі ў калоніі.
У чэрвені 2022 года яго двойчы змяшчалі ў штрафны ізалятар: першы раз — на 5 сутак, пасля чаго перавялі ў новы атрад да "злосных парушальнікаў рэжыму", а праз некалькі дзён — на 10 сутак. У ліпені таго ж года стала вядома, што Віталя перавялі на пяць месяцаў да канца тэрміна ў памяшканне камернага тыпу.
Ён быў вызвалены ў снежні 2022 года, цалкам адбыўшы прызначанае судом пакаранне.
Пасля вызвалення Віталь пакінуў Беларусь, паколькі пры пастаноўцы на ўлік першы намеснік начальніка Кобрынскага РАУС Аляксандр Касяк пагражаў, што наступным разам яго пасадзяць разам з жонкай.
У лістападзе 2023 года стала вядома, што супраць Віталя распачалі новую крымінальную справу за "садзейнічанне экстрэмісцкай дзейнасці".