Валерый быў затрыманы ў траўні 2021 года ў межах крымінальнай справы, узбуджанай за «абразу Лукашэнкі», і ў верасні таго ж года прызнаны вінаватым па трох крымінальных артыкулах за публікацыі ў сацыяльных сетках. Яго прыгаварылі да пазбаўлення волі ў калоніі.
Ён быў вызвалены ў сакавіку 2024 года, цалкам адбыўшы тэрмін пакарання, прызначаны судом.
Людзі, якія адбывалі пакаранне разам з Валерыем, распавялі, што ён памёр у самым пачатку 2025 года. У былога палітвязня адарваўся тромб.
Аляксандр быў затрыманы ў сакавіку 2021 года ў рамках крымінальнай справы, узбуджанай па артыкуле «пагроза прымянення гвалту ў дачыненні да супрацоўніка органаў унутраных спраў», і ў траўні таго ж года асуджаны і прыгавораны да абмежавання волі з накіраваннем у папраўчую ўстанову адкрытага тыпу.
У верасні 2021 года ў дачыненні да Аляксандра, які знаходзіўся на адбыванні пакарання па папярэдняй справе, адбылося чарговае судовае пасяджэнне па артыкуле «абраза прадстаўніка ўлады». Нагодай стаў каментар на адрас участковага інспектара з Бабруйска Руслана Шумахера ў адным з тэлеграм-чатаў, прызнаных экстрэмісцкімі. Аляксандра прыгаварылі да абмежавання волі з накіраваннем, а таксама абавязалі выплаціць маральную кампенсацыю «пацярпеламу».
Вызвалены ў снежні 2023 года, цалкам адбыўшы тэрмін пакарання, прызначаны судом.
Міхаіл быў прызнаны вінаватым у верасні 2021 года ў тым, што ён намаляваў 13 чырвоных трыкутнікаў з беларускім арнаментам на прыпынку грамадскага транспарту, чым нанёс шкоду ў памеры 19 рублёў 9 капеек. Паводле абвінавачання, ён таксама абразіў суддзю Чэрвенскага раёна Інэсу Раеўскую, напісаўшы на яе агароджы надпіс «прадажная суддзя».
Вызвалены ў красавіку 2023 года, цалкам адбыўшы тэрмін пакарання, прызначаны судом.
Дарына была прызнана вінаватай у верасні 2021 года па артыкуле "абраза прадстаўніка ўлады" за каментар, пакінуты ў тэлеграм-канале "Карнікі Беларусі" ў дачыненні да супрацоўніка АМАПа, аднак ні яго прозвішча, ні сам каментар на судзе агучаныя не былі.
- Аб'яднанні
- Людзі з інваліднасцю
- Аб'яднанні
- Людзі з інваліднасцю
Зміцер быў прызнаны вінаватым у верасні 2021 года па артыкуле «абраза прадстаўніка ўлады» за каментар, пакінуты ў сацыяльнай сетцы «Аднакласнікі» пад публікацыяй фатаграфіі супрацоўніка Дзяржаўтаінспекцыі Ганцавіцкага РУУС Ігара Вольніча, на якім ён прыціснуў каленам да зямлі затрыманага.
- Аб'яднанні
- Завадчане
- Бацькі непаўнагадовых
- Аб'яднанні
- Завадчане
- Бацькі непаўнагадовых
Мікалай быў прызнаны вінаватым у чэрвені 2021 года па артыкуле "абраза прадстаўніка ўлады" за каментар, пакінуты ў чаце "Краіна для жыцця" пад фатаграфіяй супрацоўніка Дзяржаўтаінспекцыі Ганцавіцкага РУУС Ігара Вольніча, на якой ён паставіў нагу на галаву чалавека.
Па падліках праваабаронцаў, Мікалай быў вызвалены ў верасні 2023 года, цалкам адбыўшы тэрмін пакарання, прызначаны судом.
Аляксей быў затрыманы ў верасні 2021 года ў рамках крымінальнай справы, узбуджанай па артыкуле «здзек з дзяржаўных сімвалаў». У лістападзе таго ж года яго прызналі вінаватым у падпале дзяржаўнага сцяга, размешчанага каля адной з крамаў у горадзе Маладзечне, і прыгаварылі да пазбаўлення волі ў калоніі.
Вызвалены ў чэрвені 2022 года, цалкам адбыўшы тэрмін пакарання, прызначаны судом.
Уладзіслаў быў затрыманы ў верасні 2021 года ў рамках крымінальнай справы, узбуджанай па артыкуле «здзек з дзяржаўных сімвалаў». У лістападзе таго ж года яго прызналі вінаватым у падпале дзяржаўнага сцяга, размешчанага каля адной з крамаў у горадзе Маладзечна, і прыгаварылі да пазбаўлення волі ў калоніі.
Вызвалены ў чэрвені 2022 года, цалкам адбыўшы тэрмін пакарання, прызначаны судом.
Яна была затрымана ў верасні 2021 года ў рамках крымінальнай справы, узбуджанай па артыкуле «здзек з дзяржаўных сімвалаў». У снежні таго ж года яе прызналі вінаватай за сарваны сцяг на адной з вуліц Гомеля і прыгаварылі да пазбаўлення волі ў калоніі.
Вызвалена ў чэрвені 2022 года, цалкам адбыўшы тэрмін пакарання, прызначаны судом.
- Аб'яднанні
- Людзі з інваліднасцю
- Бацькі непаўнагадовых
- Аб'яднанні
- Людзі з інваліднасцю
- Бацькі непаўнагадовых
Андрэй быў затрыманы ў ліпені 2021 года ў межах крымінальнай справы, першапачаткова ўзбуджанай па артыкуле "хуліганства" за тое, што ён прынёс да дома супрацоўніка міліцыі рытуальны вянок.
У снежні 2021 года Андрэя прызналі вінаватым па артыкулах "гвалт або пагроза прымянення гвалту ў дачыненні да супрацоўніка органаў унутраных спраў" і "пагроза ў дачыненні да суддзі або народнага засядацеля" і прыгаварылі да пазбаўлення волі ў калоніі, а таксама абавязалі выплаціць буйную кампенсацыю супрацоўніку міліцыі Калкоўскаму.
Вызвалены ў сакавіку 2024 года, цалкам адбыўшы тэрмін пакарання, прызначаны судом.
Вадзім быў затрыманы 27 ліпеня 2021 года каля свайго дома ў межах крымінальнай справы, узбуджанай па артыкуле «абраза прадстаўніка ўлады».
Таксама вядома, што Вадзім пісаў кнігу аб пратэстах.
У кастрычніку 2021 года яго прызналі вінаватым па двух крымінальных артыкулах за шэраг каментароў, пакінутых у чаце тэлеграм-канала "Кулуары KYKY" у перыяд з красавіка па чэрвень 2021 года, і прыгаварылі да абмежавання волі з накіраваннем ва ўстанову адкрытага тыпу.
Вадзім пакінуў Беларусь да пачатку адбывання пакарання.
Віталь быў прызнаны вінаватым у межах крымінальнай справы, узбуджанай па артыкулах «хуліганства» і «здзек з дзяржаўных сімвалаў», і прысуджаны да абмежавання волі з накіраваннем ва ўстанову адкрытага тыпу.
Вызвалены летам 2023 года, цалкам адбыўшы тэрмін пакарання, прызначаны судом.
Ігар быў асуджаны ў верасні 2021 года за каментары, пакінутыя пад фота прадстаўніка ўлады і супрацоўніка органаў у сацыяльнай сетцы «Аднакласнікі», і прыгавораны да пазбаўлення волі ў калоніі.
Па падліках праваабаронцаў, ён быў вызвалены ў жніўні 2023 года, цалкам адбыўшы тэрмін пакарання, прызначаны судом.
Яўген быў асуджаны ў ліпені 2021 года за каментар у дачыненні да службовай асобы — міністра ўнутраных спраў Кубракова і прыгавораны да абмежавання волі з накіраваннем у папраўчую ўстанову адкрытага тыпу.
У 2022 годзе рэжым пакарання быў узмоцнены, і Яўген быў пераведзены ў калонію.
Вызвалены ў лістападзе 2022 года, цалкам адбыўшы тэрмін пакарання, прызначаны судом.
- Аб'яднанні
- Дзярж. служачыя
- Сілавікі
- Аб'яднанні
- Дзярж. служачыя
- Сілавікі
Вольга, былая супрацоўніца Дэпартамента аховы МУС, была асуджаная ў верасні 2021 года за каментар, пакінуты ў сацсетках пад фатаграфіяй супрацоўніка міліцыі з Бабруйска: «Вось з-за такіх казлоў мянтоў і не любяць», чым, па версіі абвінавачання, абразіла яго. Яна была прыгаворана да абмежавання волі без накіравання ў папраўчую ўстанову і выплаты маральнай кампенсацыі. Вядома таксама, што пасля затрымання і допыту Вольгу звольнілі з працы.