Усе рэпрэсаваныя

Сяргей быў затрыманы ў траўні 2021 года па абвінавачанні ў "актыўным удзеле ў групавых дзеяннях, якія груба парушаюць грамадскі парадак" за ўдзел у акцыях пратэсту, якія праходзілі ў 2020 годзе ў Менску супраць вынікаў выбараў і гвалту ў краіне з боку сілавікоў. У верасні 2021 года яго прыгаварылі да абмежавання волі з накіраваннем і вызвалілі з-пад варты ў зале суда да ўваходжання прыгавору ў сілу.

У снежні 2024 года ў рамках спецвытворчасці па справе Сяргея адбылося завочнае судовае паседжанне па пытанні "замены абмежавання волі з накіраваннем у папраўчую ўстанову адкрытага тыпу на пазбаўленне волі".

Аляксандр быў затрыманы ў кастрычніку 2020 года і жорстка збіты пры спробе сілавікоў дабіцца прызнання на камеру. Да суда знаходзіўся на волі. У чэрвені 2021 года яго асудзілі па артыкулах: "хуліганства, учыненае групай асоб", "апаганенне збудаванняў і псаванне маёмасці" і "неданясенне аб цяжкім або асабліва цяжкім злачынстве". На судзе ён заявіў, што дзейнічаў у знак пратэсту супраць сітуацыі ў краіне пасля выбараў 9 жніўня 2020 года — адвольных затрыманняў і катаванняў. Першапачаткова яго прыгаварылі да абмежавання волі, але ў жніўні, пасля разгляду апеляцыі, жорсткасць пакарання ўзмацнілі, замяніўшы яго на пазбаўленне волі ў калоніі.

Пакінуў Беларусь.

Аляксандр, актывіст і валанцёр перадвыбарчага штаба кандыдаткі ў прэзідэнты Святланы Ціханоўскай, быў затрыманы ў траўніі 2021 года і асуджаны за ўдзел у масавай акцыі пратэсту супраць фальсіфікацыі выбараў і гвалту ў краіне, якая праходзіла 16 верасня 2020 года ў Менску.

Да пачатку адбывання пакарання яму ўдалося пакінуць Беларусь.

Ілья быў затрыманы ў сакавіку 2021 года і асуджаны за "ўдзел у групавых дзеяннях, якія груба парушаюць грамадскі парадак", а таксама па артыкуле аб "хуліганстве" за пашкоджанне дзвюх камер "Белтэлекама" і нанясенне "цынічных надпісаў". Гэта адбылося ў межах крымінальнай справы, узбуджанай пасля акцыі пратэсту, якая прайшла 13 верасня 2020 года ў Брэсце. Падчас акцыі людзі спявалі і вадзілі карагоды, а супраць іх быў ужыты вадамёт.

Ілля паспеў пакінуць Беларусь да таго, як пачаў адбываць пакаранне.

У лютым 2025 года ў рамках спецвытворчасці па справе Іллі адбылося завочнае судовае паседжанне па пытанні "замены абмежавання волі з накіраваннем у папраўчую ўстанову адкрытага тыпу на пазбаўленне волі".

Андрэй, грамадскі актывіст, быў затрыманы і змешчаны пад хатні арышт у рамках крымінальнай справы, узбуджанай па артыкулах «Заклікі да дзеянняў, якія наносяць шкоду нацыянальнай бяспецы» і «Абраза прэзідэнта». Падставай для аднаго з абвінавачанняў стала інтэрв'ю ад 29 сакавіка 2021 года, у якім, паводле версіі пракуратуры, ад імя Андрэя змяшчаліся заклікі да пратэстаў, а таксама фармулёўкі, якія публічна абражаюць кіраўніка дзяржавы.

Ягоная жонка, актывістка Паліна Шарэнда-Панасюк, на той момант ужо знаходзілася пад вартай па абвінавачваннях у гвалце ў дачыненні да супрацоўнікаў міліцыі, а таксама ў абразе прэзідэнта і службовых асоб. У сям'і — двое непаўналетніх дзяцей.

28 чэрвеня 2021 года ў Маскоўскім раённым судзе Брэста павінен быў пачацца судовы працэс над Андрэем. Аднак ён у суд не з'явіўся, і суддзя Філонік аб'явіў яго ў вышук. Пазней стала вядома, што Андрэй пакінуў Беларусь.

Марыя была затрымана 9 верасня 2020 года і асуджана за надпіс "Не забудзем" на месцы гібелі Аляксандра Тарайкоўскага, які быў застрэлены каля станцыі метро "Пушкінская" падчас пратэсту, які праходзіў 10 жніўня 2020 года ў Мінску.

Кацярына — юрысконсульт TUT.BY. Скончыла юрфак БДУ. Да TUT.BY працавала ў буйной рэкламнай кампаніі.

Яе затрымалі 18 траўня 2021 года ў межах крымінальнай справы супраць TUT.BY за ўхіленне ад выплаты падаткаў у асабліва буйным памеры. Праз некалькі дзён змясцілі пад хатні арышт.

У красавіку 2022 года стала вядома, што Кацярыне змянілі меру стрымання з хатняга арышту на падпіску аб нявыездзе.

На суд па справе TUT.BY, які пачаўся ў студзені 2023 года ў закрытым рэжыме, Кацярына не з'явілася — да таго часу яна ўжо пакінула краіну.

У лютым 2025 года пачаліся судовыя пасяджэнні па крымінальнай справе ў рамках спецыяльнай вытворчасці па чатырох артыкулах — вынік невядомы.

Алена — журналістка. Пачала працу ў TUT.BY у 2014 годзе. Спачатку працавала ў раздзеле "Будаўніцтва і нерухомасць", праз некалькі гадоў перайшла ў раздзел "Грошы і ўлада".

Яе затрымалі 18 траўня 2021 года ў межах крымінальнай справы супраць TUT.BY за ўхіленне ад выплаты падаткаў у асабліва буйным памеры. У ліпені 2022 года Алену выпусцілі з СІЗА пад падпіску аб неразгалошванні і даручальніцтва, але абвінавачанні не былі знятыя. Увосень таго ж года КДБ унёс яе ў спіс "датычных да тэрарызму".

На суд па справе TUT.BY, які пачаўся ў студзені 2023 года ў закрытым рэжыме, Алена не з'явілася — да таго часу яна ўжо пакінула краіну. У красавіку таго ж года Менскі гарадскі суд выклікаў дэпутата Валерыя Варанецкага і палітолага Яўгена Прэйгермана, якія даручыліся за Алену — ім прызначылі штраф у памеры па 18,5 тысячы беларускіх рублёў кожнаму.

У лютым 2025 года пачаліся судовыя пасяджэнні па крымінальнай справе ў рамках спецыяльнай вытворчасці па чатырох артыкулах — вынік невядомы.

Вольга — былая галоўрэд палітыка-эканамічнага блока TUT.BY, скончыла БДУ, БДЭУ і Оксфард, вяла праграму "Эканоміка на пальцах" з Сяргеем Чалым.

18 траўня 2021 года яна была затрымана па крымінальнай справе аб ухіленні TUT.BY ад выплаты падаткаў. Пазней ёй прад'явілі абвінавачанні ў "распальванні сацыяльнай варожасці" і "закліках да санкцый". У сакавіку 2022 года яе выпусцілі з СІЗА пад падпіску аб нявыездзе і даручальніцтва, але абвінавачанні не былі знятыя. Увосень таго ж года КДБ унёс яе ў спіс "датычных да тэрарызму".

На суд па справе TUT.BY, які пачаўся ў студзені 2023 года ў закрытым рэжыме, Вольга не з'явілася — да таго моманту яна ўжо пакінула краіну. У красавіку таго ж года Мінскі гарадскі суд выклікаў кіраўніка Рэспубліканскага саюза прамыслоўцаў і прадпрымальнікаў (РСПП) Аляксандра Швеца ў сувязі з яго паручальніцтвам за Вольгу - яму прызначылі штраф у памеры 18,5 тысячы беларускіх рублёў.

У лютым 2025 года пачаліся судовыя пасяджэнні па крымінальнай справе ў рамках спецыяльнай вытворчасці па чатырох артыкулах — вынік невядомы.

Юры быў затрыманы 9 красавіка 2021 года супрацоўнікамі ГУБАЗіК на працоўным месцы, пасля чаго ў яго дома правялі ператрус. Яго павезлі ў невядомы будынак, дзе пад пагрозамі жыцця — сваёй і сям'і — яго збівалі і прымусілі запісаць відэа з прызнаннем ва ўдзеле ў акцыі пратэсту 23 верасня 2020 года ў мінскім мікрараёне Серабранка. Пасля Юрыя даставілі ў Следчы камітэт, дзе пад наглядам супрацоўнікаў ён напісаў прызнальныя паказанні.

Пазней ён быў асуджаны па артыкуле "ўдзел у групавых дзеяннях, якія груба парушаюць грамадскі парадак" і прысуджаны да абмежавання волі.

Да пачатку адбывання пакарання яму ўдалося пакінуць Беларусь.

Вадзім быў затрыманы ў красавіку 2021 года і асуджаны за ўдзел у акцыі пратэсту, якая праходзіла 10 жніўня 2020 года ў Менску супраць фальсіфікацыі вынікаў прэзідэнцкіх выбараў.

У лістападзе і снежні 2024 года, а таксама ў лютым 2025 года ў дачыненні да Вадзіма адбыліся завочныя судовыя пасяджэнні "аб замене абмежавання волі без накіравання ў папраўчую ўстанову адкрытага тыпу".

Андрэй быў затрыманы ў красавіку 2021 года і асуджаны за ўдзел у акцыі пратэсту, якая праходзіла 10 жніўня 2020 г. у Мінску супраць фальсіфікацыі вынікаў прэзідэнцкіх выбараў.

У лістападзе і снежні 2024 года, а таксама ў лютым 2025 года ў дачыненні да Андрэя адбыліся завочныя судовыя пасяджэнні "аб замене абмежавання волі без накіравання ў папраўчую ўстанову адкрытага тыпу".

Сяргей быў асуджаны па абвінавачанні ў абразе двух супрацоўнікаў міліцыі — нібыта ён негатыўна выказваўся пра іх у каментарах у сацыяльных сетках. Пасля ён пакінуў Беларусь.

У снежні 2024 года ў дачыненні да яго адбылося завочнае судовае пасяджэнне «аб замене абмежавання волі без накіравання ў папраўчую ўстанову адкрытага тыпу».

Вікторыя была асуджана за «ўдзел у групавых дзеяннях, якія груба парушаюць грамадскі парадак» у межах крымінальнай справы, распачатай пасля акцыі пратэсту, якая прайшла 13 верасня 2020 года ў Брэсце. Тады ўдзельнікі спявалі і вадзілі карагоды, а супраць іх ужылі вадамёт. Па версіі абвінавачання, акцыя парушыла працу грамадскага транспарту.

27 сакавіка 2022 года стала вядома, што Вікторыя паспяхова пакінула краіну.

Уладзіслаў быў асуджаны за «ўдзел у групавых дзеяннях, якія груба парушаюць грамадскі парадак» у межах крымінальнай справы, распачатай пасля акцыі пратэсту, якая прайшла 13 верасня 2020 года ў Брэсце. Тады ўдзельнікі спявалі і вадзілі карагоды, а супраць іх ужылі вадамёт. Па версіі абвінавачання, акцыя парушыла працу грамадскага транспарту.

Да пачатку адбывання пакарання ён пакінуў Беларусь.

У лістападзе 2024 года стала вядома, што ў дачыненні да Уладзіслава адбылося завочнае судовае паседжанне аб замене абмежавання волі на пазбаўленне волі ў калоніі.