Усе рэпрэсаваныя

Арцёма асудзілі ў лістападзе 2021 года па артыкуле "арганізацыя альбо актыўны ўдзел у групавых дзеяннях, якія груба парушаюць грамадскі парадак" за праяўленне грамадзянскай пазіцыі. Праваабаронцы расцэньваюць яго пераслед, пазбаўленне волі і абвінавачванні як "палітычна матываванае пакаранне за рэалізацыю права на мірныя сходы і выказванне меркавання аб выніках прэзідэнцкіх выбараў у жніўні 2020 года".

Зміцер, музыка, быў затрыманы ўвечары 2 жніўня 2021 года на лецішчы пад Менскам падчас святкавання дня нараджэння вакалісткі гурта IRDORATH Надзеі Калач разам з іншымі музыкамі і гасцямі. На працягу наступных двух сутак частка ўдзельнікаў была асуджаная па адміністрацыйных справах аб непадпарадкаванні міліцыі, у тым ліку Змітра — яму прызначылі 15 сутак арышту, але пасля іх заканчэння ён на волю не выйшаў.

У кастрычніку таго ж года Зміцер быў прызнаны вінаватым па артыкуле «арганізацыя дзеянняў, якія груба парушаюць грамадскі парадак, а таксама навучанне ці іншая падрыхтоўка асоб для ўдзелу ў такіх дзеяннях» за ўдзел у паслявыбарчых акцыях пратэсту, якія праходзілі ў 2020 годзе ў Менску.

Ілья быў прызнаны вінаватым у жніўні 2021 года па артыкуле "арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх" за ўдзел у акцыі пратэсту 23 верасня 2020 года на плошчы Свабоды ў Мінску. Паводле абвінавачання, ён дзейнічаў сумесна з неўстаноўленымі асобамі, выкрыкваў лозунгі, неаднаразова адмаўляўся выконваць патрабаванні супрацоўнікаў міліцыі, перашкаджаў затрыманню аднаго з пратэстуючых і за гэта быў затрыманы. Сваю віну Ілля не прызнаў.

У студзені 2025 года ў рамках спецвытворчасці адбылося завочнае судовае паседжанне аб замене абмежавання волі з накіраваннем на пазбаўленне волі ў калоніі.

Зміцера прызналі вінаватым у тым, што 20 верасня 2020 года ў Менску ён далучыўся да мітынгу ў складзе вялікай групы людзей, актыўна ўдзельнічаў у ім, парушаў працу транспарта і меў пры сабе сцяг.

У снежні 2024 года ў рамках спецвытворчасці адбылося завочнае судовае паседжанне аб замене абмежавання волі з накіраваннем на пазбаўленне волі ў калоніі.

Віталь, бізнэсмэн, адзін з каардынатараў штаба Віктара Бабарыкі на прэзідэнцкіх выбарах і сябра Каардынацыйнай рады, быў упершыню затрыманы ў жніўні 2020 года ў рамках крымінальнай справы па артыкуле «ўхіленне ад выплаты падаткаў, якое пацягнула прычыненне шкоды ў буйным памеры». 12 лістапада таго ж года ён быў вызвалены пад даручальніцтва Юрыя Васкрасенскага.

Улетку 2021 года Віталь быў затрыманы паўторна па той самай справе. 9 жніўня 2021 года яго прызналі вінаватым і прыгаварылі да абмежавання волі без накіравання ў папраўчую ўстанову і да выплаты буйнога штрафу.

Пакінуў Беларусь.

12 лістапада 2025 года КДБ прызнаў экстрэмісцкім фармаваннем кааліцыю ініцыятыў «Terra Group Event» і «SSL Production». Па дадзеных ведамства, Віталь мае дачыненне да дзейнасці гэтых аб'яднанняў.

Наталля была асуджаная за «ўдзел у групавых дзеяннях, якія груба парушаюць грамадскі парадак», у межах крымінальнай справы, распачатай пасля акцыі пратэсту, якая прайшла 13 верасня 2020 года ў Брэсце. Падчас акцыі людзі спявалі і вадзілі карагоды, а супраць іх быў ужыты вадамёт.

Наталля паспела пакінуць краіну да таго, як прыгавор уступіў у сілу.

У студзені 2025 года ў рамках спецвытворчасці па справе Наталлі адбылося завочнае судовае паседжанне аб замене абмежавання волі з накіраваннем на пазбаўленне волі ў калоніі. Вынік паседжання невядомы.

Андрэй, блогер і афіцыйны дыджэй беларускага панк-рок гурта "Дай Дарогу!", быў асуджаны за "ўдзел у групавых дзеяннях, якія груба парушаюць грамадскі парадак" у рамках крымінальнай справы, распачатай пасля акцыі пратэсту, якая прайшла 13 верасня 2020 года ў Брэсце. Падчас акцыі людзі спявалі і вадзілі карагоды, а супраць іх ужылі вадамёт.

Андрэй паспеў пакінуць краіну да таго, як прыгавор уступіў у сілу.

У студзені 2025 года ў рамках спецвытворчасці па справе Андрэя адбылося завочнае судовае паседжанне аб замене абмежавання волі з накіраваннем на пазбаўленне волі ў калоніі. Вынік паседжання невядомы.

Эліна была асуджаная за тое, што расцягнула плакат з надпісам: «Пакуль у краіне беззаконне, супраціў — наш абавязак», перакрыўшы рух аўтамабільнага транспарту.

Пакінула Беларусь.

У лютым 2025 года ў рамках спецвытворчасці па справе Эліны адбылося завочнае судовае паседжанне аб замене абмежавання волі з накіраваннем на пазбаўленне волі ў калоніі. Вынік паседжання невядомы.

Дзмітрыя прызналі вінаватым у тым, што 27 кастрычніка 2020 года ён пакінуў у Telegram каментар пад відэа з выступам Лукашэнкі, які, паводле версіі абвінавачання, быў накіраваны на тое, каб прадставіць яго прыніжаным у вачах грамадскасці.

У лютым 2025 года ў рамках спецвытворчасці па справе Зміцера адбылося завочнае судовае паседжанне аб замене абмежавання волі з накіраваннем на пазбаўленне волі ў калоніі. Вынік паседжання невядомы.

Леаніда прызналі вінаватым у тым, што, паводле версіі абвінавачання, 20 верасня 2020 года ў Мінску ён удзельнічаў у несанкцыянаванай акцыі: выходзіў на праезную частку, выкрыкваў лозунгі і пляскаў у ладкі, чым груба парушаў грамадскі парадак. Яму таксама паставілі перашкоды працы транспарту на некалькіх вуліцах, што прывяло да спынення руху, уключаючы грамадскі транспарт.

У снежні 2024 года ў рамках спецвытворчасці адбылося завочнае судовае паседжанне аб замене абмежавання волі з накіраваннем на пазбаўленне волі ў калоніі.

Ганна — журналістка тэлеканала "Белсат" і вядучая праграмы-антыфейк "Лукавыя навіны". Яна была затрымана 16 ліпеня 2021 года падчас масавых ператрусаў у незалежных журналістаў у Менску і іншых гарадах Беларусі. Затрыманне адбылося ў рамках крымінальнай справы па артыкуле "удзел у масавых беспарадках". У яе кватэры правялі ператрус, канфіскавалі тэхніку, пасля чаго Ганну змясцілі ў ізалятар часовага ўтрымання. 23 ліпеня таго ж года яе вызвалілі, пакінуўшы ў статусе падазронай.

Пазней Ганна пакінула Беларусь.

Інэса – журналістка “Радыё Свабода”. Раней працавала на радыё "Беларуская маладзёжная", затым - на "101.2 fm". На “Радыё Свабода” займалася тэмамі медыцыны, адукацыі, сацыяльнай сферы і актыўна асвятляла важныя падзеі грамадскага і палітычнага жыцця. У верасні 2020 года пазбавілася акрэдытацыі МЗС у сувязі з рашэннем ведамства правесці пераакрэдытацыю журналістаў замежных СМІ.

16 ліпеня 2021 года яе затрымалі падчас маштабных ператрусаў у незалежных журналістаў. Праз дзесяць дзён, дзевяць з якіх яна трымала галадоўку, Інэсу вызвалілі, пакінуўшы ў статусе падазраванай.

Пазней яна пакінула Беларусь.

Цімур, актывіст ініцыятывы "Сумленныя людзі", быў затрыманы 16 чэрвеня 2021 года на прэм'еры спектакля "Белы Трус, Чырвоны Трус" і двойчы асуджаны па адміністрацыйным артыкуле. Пасля 30 сутак адміністрацыйнага арышту ён не выйшаў на волю і быў пераведзены ў СІЗА ў межах крымінальнай справы, узбуджанай па артыкуле "Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх".

У верасні 2021 года яго прызналі вінаватым і прыгаварылі да абмежавання волі з накіраваннем у папраўчую ўстанову адкрытага тыпу.

Цімур пакінуў Беларусь да пачатку адбыцця пакарання.

Яўгенія, валанцёрка праваабарончага цэнтра "Вясна" і грамадзянка Расіі, была затрымана на выхадзе з дому 14 ліпеня 2021 года і вывезена ў Следчы камітэт у рамках крымінальнай справы.

Вызвалена 17 ліпеня 2021 года пад падпіску аб нявыездзе, застаючыся ў статусе падазронай. Пасля яна пакінула Беларусь.

Юлія, валанцёрка фонду "Краіна для жыцця", была затрымана 9 ліпеня 2021 года ў рамках "аперацыі КДБ па зачыстцы ад радыкальна настроеных асоб" і змешчана ў СІЗА па абвінавачанні ў фінансаванні дзейнасці экстрэмісцкага фарміравання.

У траўні 2022 года меру стрымання змянілі на падпіску аб нявыездзе, пасля чаго Юлія пакінула Беларусь да пачатку суда.