Усе рэпрэсаваныя

Анастасія была затрымана ў лістападзе 2021 года ў рамках крымінальнай справы, узбуджанай па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх», і змешчаная ў СІЗА да суда.

У траўні 2022 года яе прызналі вінаватай ва ўдзеле ў акцыі пратэсту, якая прайшла восенню 2020 года ў Мінску, і прыгаварылі да абмежавання волі з накіраваннем у папраўчую ўстанову адкрытага тыпу.

Пакінула Беларусь да пачатку адбыцця пакарання.

У снежні 2024 года ў рамках спецвытворчасці адбылося завочнае судовае паседжанне па пытанні замены абмежавання волі на пазбаўленне волі ў калоніі.

Гаянэ, маці актывіста анархічнага руху Рамана Халілава, была затрымана 26 лістапада 2021 года пасля таго, як сілавікі выламалі дзверы яе кватэры і правялі ператрус. Першапачаткова яе даставілі ў Полацкі ГАУС, дзе склалі пратакол за "непадпарадкаванне супрацоўнікам міліцыі" і прызначылі 10 сутак адміністрацыйнага арышту.

Пазней стала вядома, што Гаянэ стала падазраванай па крымінальнай справе, узбуджанай па артыкуле "арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх". Яе перавезлі ў Мінск у ІЧУ на Акрэсціна, а потым змясцілі ў СІЗА.

У красавіку 2022 года Гаянэ прызналі вінаватай і прыгаварылі да абмежавання волі з накіраваннем у папраўчую ўстанову адкрытага тыпу.

Пакінула Беларусь да пачатку адбывання пакарання.

У студзені 2025 года ў рамках спецыяльнай вытворчасці адбылося завочнае судовае паседжанне па пытанні замены абмежавання волі на пазбаўленне волі з адбываннем пакарання ў калоніі.

Арцём быў затрыманы ў лістападзе 2021 года на наступны дзень пасля вяртання ў Беларусь. Ён прыехаў на адзін дзень, каб здаць атэстацыю па працы, і быў затрыманы проста ў офісе. Яму прад'явілі абвінавачанне па крымінальным артыкуле "арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх" і ўзялі пад варту да суда.

У красавіку 2022 года Арцёма прызналі вінаватым ва ўдзеле ў масавых акцыях пратэсту, якія прайшлі ў 2020 годзе ў Мінску, і прыгаварылі да абмежавання волі з накіраваннем у папраўчую ўстанову адкрытага тыпу.

Пакінуў Беларусь да пачатку адбыцця пакарання.

У сакавіку 2025 года ў рамках спецыяльнай вытворчасці адбылося завочнае судовае паседжанне па пытанні замены абмежавання волі на пазбаўленне волі ў калоніі.

Настасся, былая студэнтка МДЛУ, якая была адлічаная за ўдзел у пратэстах, якія праходзілі ў 2020 годзе ў Менску, была затрыманая ў лістападзе 2021 года ў межах крымінальнай справы, узбуджанай па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх», і заключаная пад варту.

У сакавіку 2022 года яна была прызнана вінаватай ва ўдзеле ў «счэпцы» на адной з акцый пратэсту і была прыгавораная да абмежавання волі з накіраваннем у папраўчую ўстанову адкрытага тыпу.

Пакінула Беларусь да пачатку адбывання пакарання.

У лістападзе 2024 года ў рамках спецвытворчасці адбылося завочнае судовае паседжанне па пытанні замены абмежавання волі на пазбаўленне волі ў калоніі.

Данііл быў затрыманы 22 лістапада 2021 года ў межах крымінальнай справы, узбуджанай за абразу Лукашэнкі, і ўзяты пад варту да суда.

У студзені 2022 года яго асудзілі за каментар, пакінуты ў Instagram на адрас Лукашэнкі, і прыгаварылі да абмежавання волі з накіраваннем у папраўчую ўстанову адкрытага тыпу.

Пакінуў Беларусь да пачатку адбывання пакарання.

У снежні 2024 года ў рамках спецвытворчасці адбылося завочнае судовае паседжанне па пытанні замены абмежавання волі на пазбаўленне волі ў калоніі.

Уладзіслаў быў затрыманы ў лістападзе 2021 года ў рамках крымінальнай справы аб групавых дзеяннях, якія груба парушаюць грамадскі парадак, а ў красавіку 2022 года прызнаны вінаватым і прыгавораны да абмежавання волі з накіраваннем ва ўстанову адкрытага тыпу.

У снежні 2024 года адбылося судовае паседжанне аб замене абмежавання волі на пазбаўленне волі ў калоніі. Вынік паседжання, як і сам факт прысутнасці на ім Уладзіслава, невядомы.

Сяргей быў прызнаны вінаватым па крымінальнай справе, узбуджанай па некалькіх артыкулах, у тым ліку «абраза прадстаўніка ўлады», за абразу міліцыянта з горада Масты ў перапісцы з ягонай жонкай. Сам «пацярпелы» — супрацоўнік МУС Яўген Кудрашоў — аказаўся былым аднакласнікам Сяргея.

Максім быў затрыманы ў верасні 2021 года ў рамках крымінальнай справы, узбуджанай па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх», і ўзяты пад варту да суда.

У лістападзе 2021 года яго асудзілі за ўдзел у паслявыбарчай акцыі пратэсту, якая праходзіла з 9 на 10 жніўня 2020 года ў Менску. Таксама вядома, што падчас акцыі ён быў затрыманы сілавікамі і жорстка збіты. Максіма прыгаварылі да абмежавання волі з накіраваннем у папраўчую ўстанову адкрытага тыпу, вызваліўшы ў зале суда.

Пакінуў Беларусь да пачатку адбывання пакарання.

У лютым 2025 года ў рамках спецвытворчасці адбылося завочнае судовае паседжанне па пытанні замены абмежавання волі на пазбаўленне волі ў калоніі.

Аляксандр быў затрыманы ў жніўні 2021 года ў рамках крымінальнай справы, узбуджанай па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх», і змешчаны пад варту да суда.

У лістападзе 2021 года яго асудзілі за ўдзел у паслявыбарчай акцыі пратэсту, якая прайшла з 9 на 10 жніўня 2020 года ў Мінску, і прыгаварылі да абмежавання волі з накіраваннем у папраўчую ўстанову адкрытага тыпу.

Ён пакінуў Беларусь да пачатку адбывання пакарання. 18 ліпеня 2022 года Аляксандр быў аб'яўлены ў вышук.

У студзені 2025 года ў рамках спецвытворчасці адбылося завочнае судовае паседжанне па пытанні замены абмежавання волі на пазбаўленне волі ў калоніі.

Цімур быў асуджаны за «ўдзел у групавых дзеяннях, якія груба парушаюць грамадскі парадак» у межах крымінальнай справы, распачатай пасля акцыі пратэсту, якая прайшла 13 верасня 2020 года ў Брэсце. Падчас акцыі людзі спявалі і вадзілі карагоды, а супраць іх ужылі вадамёт.

Увосень 2022 года ў рамках спецвытворчасці па справе Цімура адбылося завочнае судовае паседжанне аб замене абмежавання волі на пазбаўленне волі ў калоніі.

Павел быў асуджаны за «ўдзел у групавых дзеяннях, якія груба парушаюць грамадскі парадак» у межах крымінальнай справы, распачатай пасля акцыі пратэсту, якая прайшла 13 верасня 2020 года ў Брэсце. Падчас акцыі людзі спявалі і вадзілі карагоды, а супраць іх ужылі вадамёт.

У снежні 2024 года ў рамках спецвытворчасці па справе Паўла адбылося завочнае судовае паседжанне аб замене абмежавання волі на пазбаўленне волі ў калоніі.

Ягор быў затрыманы 6 верасня 2021 года ў межах крымінальнай справы аб групавых дзеяннях, якія груба парушаюць грамадскі парадак. У лістападзе таго ж года яго асудзілі за ўдзел у акцыях пратэсту, якія праходзілі ў 2020 годзе ў Менску.

У снежні 2024 года ў рамках спецвытворчасці адбылося завочнае судовае паседжанне аб замене абмежавання волі з накіраваннем на пазбаўленне волі ў калоніі.

Настаўнік гісторыі. Ён быў затрыманы другога лістапада 2021 года пасля вяртання з заробкаў у Польшчы і змешчаны ў ізалятар часовага ўтрымання ў Мінску. Ён з'яўляецца фігурантам крымінальнай справы за арганізацыю або актыўны ўдзел у групавых дзеяннях, якія груба парушаюць грамадскі парадак. Артур мае вельмі дрэнны зрок.

04.03.2022 вызвалілі ў зале суда.

Іван, студэнт БДУІР, быў затрыманы ў кастрычніку 2021 года ў межах крымінальнай справы, узбуджанай па артыкуле «арганізацыя альбо актыўны ўдзел у групавых дзеяннях, якія груба парушаюць грамадскі парадак», і ўзяты пад варту.

У снежні 2021 года яго асудзілі за ўдзел у паслявыбарчай акцыі пратэсту, якая прайшла 25 кастрычніка 2020 года ў Мінску, і прыгаварылі да абмежавання волі з накіраваннем у папраўчую ўстанову адкрытага тыпу.

У студзені 2022 года Іван пачаў адбываць пакаранне ў ПУАТ, а летам таго ж года яму ўдалося збегчы з папраўчай установы і пакінуць Беларусь.

У снежні 2024 года ў рамках спецвытворчасці адбылося завочнае судовае паседжанне па пытанні замены абмежавання волі з накіраваннем у папраўчую ўстанову на пазбаўленне волі ў калоніі.

Вольга, актывістка і былая кіраўніца арганізацыі «Радзіслава», якая дапамагае жанчынам, якія пацярпелі ад хатняга гвалту, была затрыманая ў лістападзе 2021 года ў межах крымінальнай справы, распачатай за арганізацыю жаночых маршаў у 2020 годзе.

У траўні 2022 года Вольгу прызналі вінаватай па артыкуле «арганізацыя альбо актыўны ўдзел у групавых дзеяннях, якія груба парушаюць грамадскі парадак» і прыгаварылі да абмежавання волі без накіравання ў папраўчую ўстанову адкрытага тыпу.

Пакінула Беларусь.

У верасні 2024 года ў рамках спецвытворчасці адбылося завочнае судовае паседжанне па пытанні «замены абмежавання волі без накіравання ў папраўчую ўстанову адкрытага тыпу».