Усе рэпрэсаваныя

Мікіту абвінавацілі ў блакіроўцы праезду транспарту ў Мінску 10 жніўня 2020 года і асудзілі па артыкуле «Арганізацыя або актыўны ўдзел у групавых дзеяннях, якія груба парушаюць грамадскі парадак», прыгаварыўшы да абмежавання волі з накіраваннем.

У кастрычніку 2024 года ў рамках спецвытворчасці адбылося завочнае судовае паседжанне аб замене абмежавання волі з накіраваннем на пазбаўленне волі ў калоніі.

Аўтар праекта "Адвеку". Мужчына займаўся пошукам продкаў у Беларусі, генеалагічнымі даследаваннямі, складаннем радаводу, пошукам у архівах. Яўген быў затрыманы 8 верасня 2021 года пасля ператрусу ў яго доме. Прычынай для затрымання стала фатаграфія ад 9 жніўня 2020 года, дзе ён і яшчэ некалькі чалавек падчас мітынгу на стэле знаходзіцца на пешаходным пераходзе на дазваляльны сігнал святлафора. Яўген праходзіць па крымінальнай справе аб групавых дзеяннях, якія груба парушаюць грамадскі парадак.

Вадзім быў затрыманы 27 ліпеня 2021 года каля свайго дома ў межах крымінальнай справы, узбуджанай па артыкуле «абраза прадстаўніка ўлады».

Таксама вядома, што Вадзім пісаў кнігу аб пратэстах.

У кастрычніку 2021 года яго прызналі вінаватым па двух крымінальных артыкулах за шэраг каментароў, пакінутых у чаце тэлеграм-канала "Кулуары KYKY" у перыяд з красавіка па чэрвень 2021 года, і прыгаварылі да абмежавання волі з накіраваннем ва ўстанову адкрытага тыпу.

Вадзім пакінуў Беларусь да пачатку адбывання пакарання.

Зміцер — дырэктар інтэрнэт-крамы музычных інструментаў і музыка ансамбля «Харошкі», нядаўна звольнены з калектыва з-за сваёй грамадзянскай пазіцыі. Ён адмовіўся ўдзельнічаць у канцэртах, якія Міністэрства культуры ладзіла на сцэне Купалаўскага тэатра, а таксама ў іншых афіцыйных мерапрыемствах.

У жніўні 2021 года Зміцер быў затрыманы паводле абвінавачання ў арганізацыі «падпольнай друкарні», дзе вырабляліся незарэгістраваныя газеты і ўлёткі. Пасля ператрусу ў яго кватэры зніклі ўсе грошы, у тым ліку атрыманыя ад нядаўняга продажу аўтамабіля. З моманту затрымання яго неаднаразова прыцягвалі да адміністрацыйнай адказнасці, прызначаючы адміністрацыйныя арышты і ўтрымліваючы ў ІЧУ на Акрэсціна. Пасля Зміцер пакінуў Беларусь.

Максім, сцэнограф, які супрацоўнічаў з культурным цэнтрам "Корпус", быў затрыманы 2 верасня 2021 года пасля ператрусу ў "Корпусе". Пасля адміністрацыйнага арышту на 10 сутак ён не выйшаў на волю, а быў затрыманы па крымінальнай справе аб групавых дзеяннях, якія груба парушаюць грамадскі парадак.

У снежні 2021 года яго асудзілі за ўдзел у жнівеньскіх пратэстах 2020 года і прыгаварылі да абмежавання волі з накіраваннем ва ўстанову адкрытага тыпу.

Максім пакінуў Беларусь да пачатку адбывання пакарання.

У лістападзе 2024 года ў рамках спецыяльнай вытворчасці адбылося завочнае судовае паседжанне па пытанні замены абмежавання волі на пазбаўленне волі ў калоніі.

Аляксандр, дыджэй (Papa Bo) і арт-мэнэджар, які супрацоўнічаў з культурным цэнтрам «Корпус», быў затрыманы 2 верасня 2021 года пасля ператрусу ў «Корпусе». Пасля адміністрацыйнага арышту на 10 сутак ён не выйшаў на волю, а быў затрыманы па крымінальнай справе аб групавых дзеяннях, якія груба парушаюць грамадскі парадак.

У снежні 2021 года яго асудзілі за ўдзел у жнівеньскіх пратэстах 2020 года і прыгаварылі да абмежавання волі з накіраваннем ва ўстанову адкрытага тыпу.

Аляксандр пакінуў Беларусь да пачатку адбывання пакарання.

У снежні 2024 года ў рамках спецыяльнай вытворчасці адбылося завочнае судовае паседжанне па пытанні замены абмежавання волі на пазбаўленне волі ў калоніі.

Аляксей быў затрыманы 26 жніўня 2021 года ў межах крымінальнай справы аб групавых дзеяннях, якія груба парушаюць грамадскі парадак, і ў лістападзе таго ж года асуджаны за ўдзел у паслявыбарчай акцыі пратэсту, якая праходзіла 10 жніўня 2020 года ў Мінску.

Пакінуў Беларусь да пачатку адбывання пакарання.

У снежні 2024 года ў рамках спецыяльнай вытворчасці адбылося завочнае судовае паседжанне па пытанні замены абмежавання волі на пазбаўленне волі ў калоніі.

Віталь быў затрыманы ў жніўні 2020 года падчас паслявыбарчай акцыі пратэсту ў Менску і змешчаны ў ІЧУ на Акрэсціна, пасля чаго ў дачыненні да яго была ўзбуджаная крымінальная справа па артыкуле "ўдзел у масавых беспарадках".

Пакінуў Беларусь.

Аляксей, літаратар і настаўнік беларускай мовы і літаратуры, быў затрыманы ў жніўні 2021 года ў рамках крымінальнай справы, узбуджанай па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх», і ў лістападзе таго ж года асуджаны за ўдзел у паслявыбарчай акцыі пратэсту, што праходзіла з 9 на 10 жніўня 2020 года ў Мінску.

Пакінуў Беларусь да пачатку адбывання пакарання.

У снежні 2024 года ў рамках спецвытворчасці адбылося завочнае судовае паседжанне па пытанні замены абмежавання волі з накіраваннем на пазбаўленне волі ў калоніі.

Віталь быў асуджаны ў верасні 2021 года за цялесныя пашкоджанні, прычыненыя супрацоўніку міліцыі Уладзіславу Сувораву падчас ператрусу 23 красавіка 2021 года. Па версіі абвінавачання, ён ударыў дзвярыма па пальцах міліцыянта, выклікаўшы пераломы і драпіны.

У судзе Віталь патлумачыў, што ў той дзень знаходзіўся дома з сям'ёй, калі пачуў крык жонкі. У калідоры ён убачыў сына і не менш за чатырох мужчын у спартыўных касцюмах і масках, якія біліся ў кватэру без апазнавальных знакаў. У шокавым стане ён спрабаваў утрымаць дзверы, не падазраючы, што перад ім супрацоўнікі міліцыі, і не ўсведамляў, што мог пашкодзіць іх пальцы. Віталь падкрэсліў, што калі б адразу зразумеў, што гэта міліцыянеры, сітуацыя б не адбылася.

Суд прыгаварыў яго да абмежавання волі з накіраваннем і выплаты буйной кампенсацыі.

Пакінуў Беларусь.

У снежні 2024 года ў рамках спецвытворчасці адбылося завочнае судовае паседжанне па пытанні замены абмежавання волі на пазбаўленне волі ў калоніі.

Глеб быў асуджаны ў верасні 2021 года за каментар, пакінуты пад публікацыяй сумеснай выявы Лукашэнкі і Пуціна ў тэлеграм-чаце «Карнікі Беларусі», і прыгавораны да абмежавання волі без накіравання.

У лістападзе таго ж года адбылося судовае паседжанне, па выніках якога абмежаванне волі было заменена на пазбаўленне волі ў калоніі.

Пакінуў Беларусь.

Кірыл быў затрыманы 14 жніўня 2021 года ў рамках крымінальнай справы, узбуджанай па артыкуле «арганізацыя альбо актыўны ўдзел у групавых дзеяннях, якія груба парушаюць грамадскі парадак». У верасні таго ж года ён быў асуджаны за ўдзел у паслявыбарчай акцыі пратэсту, якая праходзіла ў ноч з 10 на 11 жніўня 2020 года ў Менску.

Пазней Кірыл пакінуў Беларусь.

У лютым 2025 года ў рамках спецвытворчасці адбылося завочнае судовае паседжанне па пытанні замены абмежавання волі з накіраваннем ва ўстанову адкрытага тыпу на пазбаўленне волі ў калоніі.

Раман быў прызнаны вінаватым у жніўні 2021 года ў публічнай абразе Лукашэнкі пры выкананні ім службовых паўнамоцтваў. Па версіі абвінавачання, з 1 па 3 траўня 2021 года ён, усведамляючы публічны і абразлівы характар сваіх дзеянняў, праз відыачат абразіў Лукашэнку, выкарыстоўваючы ненарматыўную лексіку.

У лістападзе 2021 года Раману замянілі абмежаванне волі з накіраваннем ва ўстанову адкрытага тыпу на пазбаўленне волі ў калоніі па хадайніцтве пракурора.

Пакінуў Беларусь.

Арцём быў прызнаны вінаватым у жніўні 2021 года па артыкуле «Паклёп» у дачыненні да трэнера спартовай каманды МУС РБ, супрацоўніка міліцыі Юрыя Рыбака. У матэрыялах справы змяшчаўся пратакол агляду месца здарэння і аўтамабіля, дзе былі канфіскаваныя паперы з тэкстам, у якім Арцём указваў, што Рыбак аказвае ціск на спартсменаў. Паводле яго слоў, ён быў упэўнены ў дакладнасці інфармацыі.

У красавіку 2025 года ў рамках спецыяльнай вытворчасці адбылося завочнае судовае пасяджэнне па пытанні замены абмежавання волі на больш строгую меру пакарання.

Дыяна была затрымана ў траўні 2021 года ў рамках крымінальнай справы, узбуджанай за аднаўленне графіці з «дыджэямі перамен» у знакамітым пратэстным двары «Плошча Перамен» па артыкуле «злоснае хуліганства, учыненае групай асоб». Праз 72 гадзіны яна была вызвалена з ІЧУ і змешчана пад хатні арышт. У жніўні таго ж года Дыяну прыгаварылі да абмежавання волі без накіравання.

Вядома, што ў кастрычніку 2024 года ў дачыненні да яе ў рамках спецвытворчасці разглядалася справа аб замене абмежавання волі.