Алег у 2020 годзе пераехаў працаваць у Літву. Атрымаў від на жыхарства (ВНЖ). Адзін раз на тры месяцы ездзіў у Мікашэвічы. У 2023 годзе ездзіў часцей, бо браў удзел у спартыўных спаборніцтвах па бегу. Усё было спакойна. Ніхто з праваахоўных органаў ім не цікавіўся ўсе гэтыя гады. У лістападзе ў яго скончыўся тэрмін ВНЖ і Алег сказаў, што паедзе на тры тыдні дадому ў Беларусь. Пасля вернецца для далейшай працы ў Літву. Недзе праз тыдзень пасля прыезду быў затрыманы . Спачатку па адміністрацыйным артыкуле на 15 сутак. Паводле інфармацыі ад блізкіх, у дачыненні да Алега Стахаевіча пачалі афіцыйную праверку "на магчымае дачыненне да экстрэмісцкай дзейнасці". Ён знаходзіцца пад падпіскай аб нявыездзе.
Затрыманы разам з іншымі маладымі людзьмі ў Баранавічах (напрыканцы снежня 2023 года).
А прэс-служба суда паведаміла пра прысуд (не называючы імён, але пад абставіны падыходзяць пад дадзеную групу людзей). Пра сутнасць абвінавачанняў сказана коратка: знаходзіліся на праезнай частцы ў Баранавічах, выкрыквалі лозунгі, дэманстравалі бел-чырвона-белыя сцягі, "наўмысна перашкаджалі руху транспарту і нармальнаму функцыянаванню прадпрыемстваў і арганізацый" . Нават не пазначана дакладная дата, калі праходзілі пратэсты, проста называецца “жнівень 2020 года”.
Такім чынам, у 2024 годзе вынеслі прысуды ўжо 25 жыхарам Баранавічаў за пратэсты жніўня 2020 года. Усім прысудзілі калонію на тэрмін ад 1 да 3 гадоў (адзінае выключэнне - жанчыне з дзіцем ва ўзросце да 3 гадоў прысудзілі калонію з адтэрміноўкай выканання пакарання).
Па падліках павінен быў выйсці наволю27кастрычніка2025 г.
Вырак суда 31.05.2024
1 год 6 месяцаў пазбаўлення волі ў калоніі ва ўмовах агульнага рэжыму.
Затрыманы разам з іншымі маладымі людзьмі ў Баранавічах (напрыканцы снежня 2023 года).
Дзмітрый стаяў ля вытокаў развіцця брэйк-дансу ў горадзе, быў удзельнікам каманд FSC, B-BAXSTER, "Ваўкі", таксама перамагаў у чэмпіянаце Беларусі па брэйк-дансе "Голас вуліц". Цяпер Міхальцэвіч вучыць дзяцей і дарослых танчыць брэйк-данс.
Вырак суда 10.07.2024
1 год пазбаўлення волі ў калоніі ва ўмовах агульнага рэжыму.
Бацьку траіх непаўналетніх дзяцей (2013, 2016 і 2019 года нараджэння) затрымалі ў канцы кастрычніка 2023 года і да суда змясцілі пад варту.
Па матэрыялах абвінавачання, Іван Станкевіч у верасні 2020 года разам з іншымі асобамі прыняў актыўны ўдзел у групавых дзеяннях, якія груба парушаюць грамадскі парадак і спалучаных з відавочным непадпарадкаваннем законным патрабаванням супрацоўнікаў міліцыі, парушаў грамадскі парадак, выходзіў на праезную частку дарог і перашкаджаў працы грамадскага транспарту.
Іван - дырэктар па аўдыце вядомай сталічнай кампаніі B1.
Маргарыту апазналі па фатаграфіях, размешчаных на адным з сайтаў, і затрымалі 7 снежня 2023 года. Па матэрыялах абвінавачання, Маргарыта Ермаліцкая 23 жніўня 2020 года, знаходзячыся на тэрыторыі горада Мінска, далучылася да мітынгоўцаў у раёне плошчы Леніна, пасля чаго ўсе разам прайшлі па праспекце Незалежнасці да стэлы.
У судзе Маргарыта патлумачыла, што падчас прыняцця ўдзелу ў масавым мерапрыемстве хадзіла па праезнай частцы дарогі па праспекце Незалежнасці і вуліцы Леніна, на плячах у яе было палатно бел-чырвона-белай расфарбоўкі, таксама трымала разам з іншымі ўдзельнікамі мітынгу вялікае бел-чырвона- белае палатно. Бавоўна рукамі не ажыццяўляла.
На выстаўленых у судзе для агляду фатаграфіях абвінавачаная апазнала сябе.
Вартаўнік — гэта значыць, ты хочаш рэгулярна дапамагаць канкрэтнаму чалавеку ў зняволенні праз яго сям'ю. Выберы палітвязня і націсні «Стаць Вартаўніком», наша каманда звяжацца з вамі ў бліжэйшы час.
Вы можаце запытаць лісты, якія знаходзяцца ў нас на захоўванні, для гэтага пакіньце свой тэлеграм акаўнт для зваротнай сувязі, мы звяжамся з вамі і пасля верыфікацыі асобы перадамо архіў з вашымі лістамі.
Вы з'яўляецеся сваяком ці блізкім палітвязня? Дашліце нам кароткі опіс і ваш кантакт у Telegram для зваротнай сувязі. Пасля верыфікацыі дадзеных мы апублікуем вашага блізкага на сайце.
У вас ёсць інфармацыя аб адміністрацыйным пераследзе? Калі ласка, дашліце нам кароткае апісанне і ваш кантакт у Telegram для зваротнай сувязі. Пасля праверкі даных мы апублікуем вашу інфармацыю на сайце.
