- Аб'яднанні
- Блогеры
- Журналісты
- Аб'яднанні
- Блогеры
- Журналісты
Раман — беларускі журналіст і былы рэдактар тэлеграм-каналаў "NEXTA" і "Беларусь галаўнога мозгу", прызнаных уладамі экстрэмісцкімі. У 2020 годзе яму інкрымінавалі некалькі крымінальных артыкулаў, у тым ліку "арганізацыю масавых беспарадкаў" і "распальванне варожасці". У траўні 2021 года ён быў затрыманы пасля прымусовай пасадкі беларускімі ўладамі рэйса Ryanair у Мінску, які рухаўся па маршруце Афіны - Вільнюс.
У чэрвені таго ж года ён быў пераведзены пад хатні арышт.
Судовы працэс па “справе NEXTA” пачаўся ў 2023 годзе. Рамана прысудзілі да працяглага тэрміну пазбаўлення волі ў калоніі ўзмоцненага рэжыму, аднак пасля абвяшчэння прысуду ён не быў узяты пад варту і працягваў знаходзіцца пад хатнім арыштам.
Быў вызвалены ў траўні 2023 года ў рамках памілавання.
- Аб'яднанні
- Бацькі непаўнагадовых
- Аб'яднанні
- Бацькі непаўнагадовых
Яўген быў асуджаны за ўдзел у акцыі пратэсту — Маршы вызвалення палітвязняў, якая праходзіла 4 кастрычніка 2020 года ў Менску, падчас якой ён нанёс два ўдары па вонкавай камеры ізалятара часовага ўтрымання на Акрэсціна. Пры гэтым на камеры пашкоджанняў не засталося.
Вызвалены ў верасні 2021 года ў рамках памілавання.
- Аб'яднанні
- Людзі з інваліднасцю
- Бацькі непаўнагадовых
- Аб'яднанні
- Людзі з інваліднасцю
- Бацькі непаўнагадовых
Валянцін быў затрыманы ў межах крымінальнай справы, узбуджанай пасля акцыі пратэсту, якая праходзіла ў Пінску ў ноч з 9 на 10 жніўня 2020 года супраць фальсіфікацый на прэзідэнцкіх выбарах. Пасля затрымання мужчыне стала дрэнна, і яго пад канвоем даставілі ў Пінскую цэнтральную бальніцу, дзе дыягнаставалі перадінфарктны стан і змясцілі ў рэанімацыю. Як толькі ягоны стан палепшыўся, яго перавялі ў ІЧУ і пазней асудзілі за ўдзел у «масавых беспарадках».
Быў вызвалены ў жніўні 2024 года па памілаванні.
- Аб'яднанні
- Студэнты
- Аб'яднанні
- Студэнты
Арцём, студэнт, упершыню быў затрыманы і моцна збіты пасля акцыі пратэсту — Марша пенсіянераў у лістападзе 2020 года. Тады яго асудзілі па адміністрацыйным артыкуле на 15 содняў.
Аднак 24 сакавіка 2021 года, у дні масавых прэвентыўных затрыманняў перад Днём Волі, яго зноў арыштавалі раніцай у інтэрнаце, нібыта з-за заўважанага сцяга, і пакаралі 25 суткамі адміністрацыйнага арышту. Але ўжо на наступны дзень у тэлеграм-канале прапагандыста Азаронка з'явілася відэа, на якім Арцём прызнаецца ў адміністраванні пабліка. Пазней стала вядома, што яго збівалі дубінкамі, каб прымусіць запісаць гэтае прызнанне.
На волю ён так і не выйшаў, бо супраць яго распачалі крымінальную справу. Пасля Арцёма асудзілі за "ўдзел у групавых дзеяннях, якія груба парушаюць грамадскі парадак" і "стварэнне экстрэмісцкага фарміравання".
Вызвалены ў студзені 2025 года ў рамках памілавання.
- Аб'яднанні
- Бацькі непаўнагадовых
- Аб'яднанні
- Бацькі непаўнагадовых
Максім быў асуджаны ў рамках крымінальнай справы, узбуджанай за каментар, пакінуты ў закрытым Telegram-чаце на адрас супрацоўніка міліцыі.
Быў вызвалены ў верасні 2021 года ў межах памілавання.
Анастасія была асуджаная за тое, што, па версіі следства, 27 верасня 2020 года перашкодзіла дзеянням міліцыі пры затрыманні мужчыны ў Лідзе, ужыўшы гвалт: адарвала пагон у аднаго супрацоўніка і нанесла ўдар у галаву, а ў другога - сарвала пагон.
Была вызвалена ў сакавіку 2022 года ў рамках памілавання.
- Аб'яднанні
- Палітыкі
- Аб'яднанні
- Палітыкі
Рыгор, кандыдат у прэзідэнты ад Партыі БНФ на выбарах 2010 года і старшыня гэтай партыі, быў затрыманы 12 красавіка 2021 года ў рамках крымінальнай справы, узбуджанай па артыкуле "змова або іншыя дзеянні, учыненыя з мэтай захопу дзяржаўнай улады". У верасні 2022 года яго прыгаварылі да працяглага тэрміну зняволення, нягледзячы на пагаршэнне яго здароўя ў зняволенні і выяўленне анкалагічнага захворвання.
Улетку 2023 года яго пазбавілі спатканняў і канфіскавалі асабістыя запісы, у тым ліку чарнавік кнігі і адрасы для перапіскі. У лістападзе таго ж года яго перавялі ў ПКТ на 6 месяцаў.
У студзені 2024 года пакаранне Рыгора было больш жорсткім, і яго перавялі на турэмны рэжым. У красавіку таго ж года ён перанёс аперацыю, а адразу пасля яе быў вернуты ў камеру.
Вызвалены ў ліпені 2024 года ў рамках памілавання.
- Аб'яднанні
- Аб'яднанні
Юлію затрымалі і асудзілі за спробу дапамагчы пацярпеламу падчас акцыі пратэсту, якая праходзіла 4 кастрычніка 2020 года ў Віцебску супраць вынікаў прэзідэнцкіх выбараў. Пацярпелы ляжаў на зямлі тварам уніз, аднак міліцыянеры не дазвалялі ёй падысці да яго, а затым ужылі газ. У знак роспачы і крыўды з-за таго, што яна не змагла аказаць дапамогу, дзяўчына ўдарыла па задняй частцы мікрааўтобуса АМАПу.
Вызвалена ў верасні 2021 года ў рамках памілавання.
| 11.06.2021 | В СИЗО Витебска письма ходили хорошо, а из этой ИК ни одного, а уже столько времени прошло |
- Аб'яднанні
- Бацькі непаўнагадовых
- Аб'яднанні
- Бацькі непаўнагадовых
Валерый быў асуджаны за абразу супрацоўніка ДПС Андрэя Баграёнка ў каментарах.
Вызвалены ў верасні 2021 года ў рамках памілавання.
- Аб'яднанні
- Бацькі непаўнагадовых
- Аб'яднанні
- Бацькі непаўнагадовых
Дэвід быў затрыманы ў межах крымінальнай справы, узбуджанай з-за пратэстаў і сутыкненняў паміж жыхарамі Пінска і сілавікамі ў ноч з 9 на 10 жніўня 2020 года. Яго асудзілі за ўдзел у "масавых беспарадках". Пацярпелымі па справе выступілі 109 супрацоўнікаў міліцыі і чыноўнікаў, якія, акрамя пакарання ў выглядзе пазбаўлення волі, запатрабавалі ад абвінавачаных каля 530 тысяч рублёў кампенсацыі.
Увосень 2024 года быў вызвалены па памілаванні.
- Аб'яднанні
- Актывісты
- Праваабаронцы
- Аб'яднанні
- Актывісты
- Праваабаронцы
Актывістка, праваабаронца і валанцёрка Гомельскага аддзялення Праваабарончага цэнтру “Вясна” была затрымана 21 студзеня 2021 года ў аэрапорце. Пазней яе асудзілі за "арганізацыю або актыўны ўдзел у групавых дзеяннях, якія груба парушаюць грамадскі парадак".
24 верасня 2022 года Таццяна была вызвалена па памілаванні, правёўшы ў зняволенні 1 год і 8 месяцаў.
Ірына была затрымана 1 снежня 2020 года ў межах крымінальнай «справы Аўтуховіча», якога ўлады абвясцілі «арганізатарам тэрарыстычнай групоўкі». Яе абвінавацілі ва ўдзеле ў «тэрарыстычнай арганізацыі», якая мае дачыненне да падпалаў маёмасці супрацоўнікаў міліцыі. Ірына была асуджаная за «незаконныя дзеянні з агнястрэльнай зброяй» і «ўкрывальніцтва цяжкага злачынства». У сакавіку 2023 года Вярхоўны суд разгледзеў апеляцыю па справе, адмяніўшы абвінавачанне па артыкуле 405 КК РБ і скараціўшы яе тэрмін зняволення на адзін месяц.
Была вызвалена па памілаванні ў верасні 2024 года.
Міхаіл быў затрыманы ў лістападзе 2020 года і асуджаны за нанясенне фарбы на кіёскі "Табакерка", арку і фантан у раёне былога ўніверсама "Валгаград".
Вызвалены ў студзені 2022 года на падставе памілавання.
- Аб'яднанні
- Журналісты
- Бацькі непаўнагадовых
- Аб'яднанні
- Журналісты
- Бацькі непаўнагадовых
Экс-тэлежурналістка Белтэлерадыёкампаніі і сябра Каардынацыйнай рады, Ксенія была затрыманая 22 снежня 2020 года па справе «Прэс-клуба» па абвінавачванні ва ўхіленні ад выплаты падаткаў.
На рахунак Следчага камітэта было пералічана амаль 110 тысяч рублёў у якасці забеспячэння магчымай кампенсацыі ўрону, які нібыта быў нанесены фігурантамі «справы». Справа была закрытая, аднак пазней супраць Ксеніі была ўзбуджаная новая крымінальная справа, і яе абвінавацілі ў «змове ці іншых дзеяннях, учыненых з мэтай захопу дзяржаўнай улады».
Вызвалена 20 жніўня 2024 года на падставе памілавання.
- Аб'яднанні
- Журналісты
- Аб'яднанні
- Журналісты
Пётр, аператар-пастаноўшчык, гукарэжысёр і супрацоўнік «Прэс-клуба Беларусь», быў затрыманы 22 снежня 2020 года па абвінавачанні ва ўхіленні ад выплаты падаткаў.
На рахунак Следчага камітэта было пералічана амаль 110 тысяч рублёў у якасці забеспячэння кампенсацыі магчымай шкоды, якую нібыта нанеслі фігуранты «справы».
Вызвалены 19 жніўня 2021 года на падставе памілавання.