- Аб'яднанні
- Бацькі непаўнагадовых
- Аб'яднанні
- Бацькі непаўнагадовых
Ірына, жонка Пятра Зіневіча, асуджанага на 2 гады абмежавання волі з накіраваннем ва ўстанову адкрытага тыпу, была прызнана вінаватай па артыкуле «Абраза прадстаўніка ўлады» за каментар пад фота: «Няхай гэты ўпыр адкажа за ўсіх, каго нявінна асудзілі», паколькі ён ілжэсведчыў па адміністратыўных справах, абвінавачванні, была расцэнена як абраза.
25 траўня 2023 года Ірына была затрымана і змешчана пад варту па надуманым абвінавачанні аб парушэнні рэжыму выканання пакарання. Ёй таксама выставілі штраф за рэпост у сацсетках дзіцячай казкі ад Маляваныча ў памеры 740 рублёў, а ўтрыманне ў ІЧУ ацанілі ў 592 рублі. Праверка сацсетак праводзілася на замову супрацоўніка ГАУС г. Баранавічы.
Ірына была вызвалена з ІЧУ 26 чэрвеня 2023 года, а 14 ліпеня 2023 года поўнасцю адбыла тэрмін пакарання, прызначаны судом у красавіку 2021 года.
Наталля была асуджаная ў жніўні 2021 года ў рамках крымінальнай справы, узбуджанай па артыкулах аб абразе Лукашэнкі і знішчэнні афіцыйных дакументаў. Па версіі абвінавачання, 27 мая 2021 года дадому да Наталлі прыехалі супрацоўнікі міліцыі. Там яна, на думку следства, «публічна абразіла» Лукашэнку словамі «у нас гр*баная дзяржава» і «гр*баны прэзідэнт», чым, па версіі абвінавачання, здзейсніла злачынства. Праз гадзіну пасля гэтага следчыя праводзілі ў яе кватэры агляд, падчас якога, як сцвярджае абвінавачанне, Наталля «жадаючы выказаць сваю перавагу і ўседазволенасць», разарвала пратакол, здзейсніўшы тым самым «пашкоджанне афіцыйнага дакумента».
Была вызвалена ў сакавіку 2022 года ў рамках памілавання.
- Аб'яднанні
- Бацькі непаўнагадовых
- Аб'яднанні
- Бацькі непаўнагадовых
Дыяна была затрымана ў траўні 2021 года ў рамках крымінальнай справы, узбуджанай за аднаўленне графіці з «дыджэямі перамен» у знакамітым пратэстным двары «Плошча Перамен» па артыкуле «злоснае хуліганства, учыненае групай асоб». Праз 72 гадзіны яна была вызвалена з ІЧУ і змешчана пад хатні арышт. У жніўні таго ж года Дыяну прыгаварылі да абмежавання волі без накіравання.
Вядома, што ў кастрычніку 2024 года ў дачыненні да яе ў рамках спецвытворчасці разглядалася справа аб замене абмежавання волі.
Кацярына, бухгалтар інфармацыйнага агенцтва «БелаПАН», была затрыманая 18 жніўня 2021 года пасля ператрусу і допыту ў Следчым камітэце і змешчаная пад варту на 72 гадзіны ў межах крымінальнай справы, узбуджанай па артыкуле «арганізацыя ці падрыхтоўка дзеянняў, якія груба парушаюць грамадскі парадак, альбо ўдзел у іх».
28 жніўня 2021 года Кацярына была вызвалена пад абавязацельства аб яўцы.
- Аб'яднанні
- Журналісты
- Аб'яднанні
- Журналісты
Ірына, галоўны рэдактар і дырэктар агенцтва "БелаПАН", была затрымана 18 жніўня 2021 года пасля ператрусаў у яе доме і рэдакцыі агенцтва, а таксама допыту. Першапачаткова яе змясцілі пад варту на 72 гадзіны ў рамках крымінальнай справы па артыкуле "арганізацыя або падрыхтоўка дзеянняў, якія груба парушаюць грамадскі парадак, альбо ўдзел у іх", аднак на волю яна не выйшла і праз 10 сутак была пераведзена ў СІЗА. Пазней абвінавачанне было зменена на ўхіленне ад выплаты падаткаў.
У лістападзе 2021 года стала вядома, што Ірыне таксама прад'явілі абвінавачанне ў "стварэнні экстрэмісцкага фарміравання". У кастрычніку 2022 года яе прызналі вінаватай па артыкуле "удзел у экстрэмісцкім фарміраванні", прыгаварылі да пазбаўлення волі і забаранілі займаць пэўныя пасады тэрмінам на пяць гадоў.
Ірына была вызвалена ў снежні 2024 года, цалкам адбыўшы тэрмін пакарання, прызначаны судом.
- Аб'яднанні
- Актывісты
- Аб'яднанні
- Актывісты
Ганну, вядомую актывістку, якая падтрымлівала Віктара Бабарыка, затрымалі 26 ліпеня 2021 года ў межах крымінальнай справы, узбуджанай па артыкуле аб паклёпе ў дачыненні да Лукашэнкі. У лістападзе таго ж года яе прызналі вінаватай і прыгаварылі да пазбаўлення волі ў калоніі.
Па падліках праваабаронцаў, яна была вызвалена вясной 2024 года, цалкам адбыўшы прызначаны судом тэрмін пакарання.
Алу асудзілі за каментар у сацыяльнай сетцы пад фатаграфіяй намесніка начальніка Кобрынскага РАУС. Па версіі абвінавачання, апублікаваны 25 жніўня 2020 года каментар утрымліваў ненарматыўную лексіку і негатыўную ацэнку прадстаўніка ўлады.
У сакавіку 2022 года Ала была памілаваная.
- Аб'яднанні
- Пенсіянеры
- Аб'яднанні
- Пенсіянеры
Наталлю прызналі вінаватай за каментар, пакінуты ў тэлеграм-канале, у якім яна выказвалася аб дзеяннях лейтэнанта міліцыі службы ДАІ горада Камянца (Брэсцкая вобласць) Міхалачкіна. Падчас следства яна патлумачыла, што прычынай пакідання каментару стала, паводле яе слоў, тая акалічнасць, што бацька Міхалачкіна, працуючы ў школе, «выгадна выхаваў сына».
- Аб'яднанні
- Аб'яднанні
Таццяну затрымалі 19 студзеня 2021 года. Праз тры дні яе адпусцілі, але 3 чэрвеня таго ж года затрымалі зноўку ў межах крымінальнай справы. З гэтага моманту і да суда яна знаходзілася пад вартай.
У жніўні 2021 года яе прызналі вінаватай па трох крымінальных артыкулах за каментары, пакінутыя ў тэлеграм-канале «Карнікі Беларусі», якія тычацца 14 супрацоўнікаў сілавых ведамстваў і суддзі. Яе прыгаварылі да абмежавання волі і абавязалі выплаціць буйную кампенсацыю «пацярпелым».
- Аб'яднанні
- Замежныя грамадзяне
- Бацькі непаўнагадовых
- Аб'яднанні
- Замежныя грамадзяне
- Бацькі непаўнагадовых
Алеся, грамадзянка Расіі, была прызнана вінаватай у жніўні 2021 года за каментары ў тэлеграм-канале "Барановіч-Паўднёвы_чат" пад фатаграфіяй мясцовага начальніка ГАУС Аляксея Гецьмана, якія следчыя кваліфікавалі як паклёп і абразу прадстаўніка ўлады. У каментарах яна крытыкавала яго дзеянні і называла яго "самым вядомым фашыстам у г. Баранавічы". Алеся заявіла, што лічыць справу палітычна матываванай і што Гецьман пагражаў ёй і яе дзіцяці, аднак суддзя гэта не ўлічыў.
- Аб'яднанні
- Аб'яднанні
Надзея — вакалістка гурта IRDORATH; была затрыманая ўвечары 2 жніўня 2021 года на лецішчы пад Менскам падчас святкавання свайго дня нараджэння разам з іншымі музыкамі і гасцямі свята.
У снежні таго ж года яна была прызнана вінаватай па артыкуле "арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх" — за ўдзел у паслявыбарных акцыях пратэсту, якія праходзілі ў 2020 годзе ў Менску.
Была вызвалена ў красавіку 2023 года, цалкам адбыўшы тэрмін пакарання, прызначаны судом.
- Аб'яднанні
- Аб'яднанні
Юлія — харавая дырыжорка і бэк-вакалістка некаторых праектаў гурта IRDORATH; была затрыманая ўвечары 2 жніўня 2021 года на лецішчы пад Менскам падчас святкавання дня нараджэння вакалісткі гурта IRDORATH Надзеі Калач разам з іншымі музыкамі ў межах крымінальнай справы.
У снежні таго ж года была прызнана вінаватай па артыкуле "арганізацыя дзеянняў, якія груба парушаюць грамадскі парадак, а таксама навучанне ці іншая падрыхтоўка асоб для ўдзелу ў такіх дзеяннях" — за ўдзел у паслявыбарчых акцыях пратэсту, якія праходзілі ў 2020 годзе ў Менску.
Была вызвалена ў кастрычніку 2022 года, цалкам адбыўшы тэрмін пакарання, прызначаны судом.
- Аб'яднанні
- Бацькі непаўнагадовых
- Аб'яднанні
- Бацькі непаўнагадовых
Першы суд над Вольгай, рамесніцай, адбыўся ў жніўні 2021 года. Справа была ўзбуджаная за каментар у тэлеграм-канале «Карнікі Беларусі» пад публікацыяй капітана міліцыі Руслана Куцко: «знаёмая морда» з трыма эмодзі какашкі. Суд прыгаварыў яе да абмежавання волі і выплаты кампенсацыі.
9 лютага 2022 года яе прызналі вінаватай па артыкуле «Абраза прадстаўніка ўлады» за каментар «абаср*ўся і зняславіўся» пад фатаграфіямі таго ж капітана і зноў прысудзілі да абмежавання волі, буйнога штрафу і кампенсацыі.
У 2023 годзе адбылося два судовыя пасяджэнні па пытанні замены штрафу на грамадскія працы; вынікі гэтых паседжанняў невядомыя.
Вядома, што палітычны пераслед і ціск на Вольгу працягваюцца: з сакавіка 2024 года па вясну 2025 года прайшло мінімум тры судовыя паседжанні па адміністрацыйным артыкуле за «распаўсюд экстрэмісцкіх матэрыялаў».
- Аб'яднанні
- Навукоўцы
- Аб'яднанні
- Навукоўцы
Таццяна — сацыялагіня, экспертка Агенцтва гуманітарных тэхналогій і каардынатарка «Лятучага ўніверсітэта». Упершыню была затрымана ў жніўні 2021 года пасля ператрусу і змешчана пад арышт на 10 сутак, аднак пасля вызвалення засталася ў статусе падазронай у межах крымінальнай справы.
Паўторна затрымана 23 сакавіка 2022 года — у дзень, калі прыйшла ў Следчы камітэт за адказам на хадайніцтва аб выездзе на лячэнне.
У чэрвені 2022 года Таццяну асудзілі за ўдзел у акцыі пратэсту, якая праходзіла 25 кастрычніка 2020 года ў Мінску, і прыгаварылі да абмежавання волі з накіраваннем у ПУАТ.
Вызвалена восенню 2024 года, цалкам адбыўшы тэрмін пакарання, прызначаны судом.
- Аб'яднанні
- Дзярж. служачыя
- Бацькі непаўнагадовых
- Аб'яднанні
- Дзярж. служачыя
- Бацькі непаўнагадовых
Раней Таццяна працавала ў Лідскім райвыканкаме на пасадзе старшага інспектара аддзела дакументацыйнага забеспячэння. У жніўні 2021 года яе асудзілі ў межах крымінальнай справы, узбуджанай па артыкулах «абраза прадстаўніка ўлады» і «абраза Лукашэнкі», і прыгаварылі да пазбаўлення волі з адбываннем пакарання ў калоніі. Яе ўзялі пад варту ў зале суда. На момант затрымання Таццяна знаходзілася ў дэкрэтным водпуску па доглядзе за дзіцем.
У студзені 2023 года яна была вызвалена, цалкам адбыўшы прызначаны судом тэрмін пакарання.