Максім быў асуджаны проста ў сценах Брэсцкага дзяржаўнага тэхнічнага ўніверсітэта. Мужчына на момант суда быў пад вартай. А вінавацілі яго ў тым, што ён "у адным з тэлеграм-каналаў" напісаў каментар, які расцанілі як "публічную абразу" Лукашэнкі.
Па звестках праваабаронцаў , у канцы красавіка ў розных гарадах Беларусі правялі ператрусы і затрыманні людзей, звязаных з сацыяльна-культурнымі арганізацыямі.
У затрыманых шукалі "замежнае фінансаванне". Частка з іх змешчана ў следчы ізалятар. Ператрусы і допыты праводзяць супрацоўнікі КДБ.
Як мяркуецца, Максім затрыманы па гэтай справе.
- Аб'яднанні
- Актывісты
- Прадпрымальнікі
- Юрысты
Яўген, былы лідэр арганізацыі “Малады Фронт” і актыўны ўдзельнік БХД, з сярэдзіны 2000-х гадоў адышоў ад палітыкі. Пазней ён займаўся будаўніцтвам касцёлаў і аказваў юрыдычную дапамогу людзям.
У красавіку 2026 года яго прызналі вінаватым у рамках крымінальнай справы, узбуджанай па артыкулах «паклёп у дачыненні да Лукашэнкі», «абраза Лукашэнкі», «дыскрэдытацыя Рэспублікі Беларусь» і «садзейнічанне экстрэмісцкай дзейнасці», і прыгаварылі да пазбаўлення волі ў калоніі.
За паўгода ў СІЗА Яўгену тройчы мянялі камеру. Таксама ёсць пэўныя пытанні са здароўем : павышаны ціск, па рэцэпце перадаюць спецыяльныя лекі, і ён іх атрымлівае. Яшчэ ў яго нестабільнасць шыйных пазваночных, яму трэба насіць спецыяльны "каўнер". Таксама ў вязня пагоршыўся зрок, ён шмат чытае, асвятлення ў камеры недастаткова.
- Аб'яднанні
- Выкладчыкі
Дзяніс, кандыдат ветэрынарных навук, быў прызнаны вінаватым у рамках крымінальнай справы, узбуджанай па артыкулах «абраза Лукашэнкі» і «садзейнічанне экстрэмісцкай дзейнасці».
Дакладны прысуд невядомы; верагодна, яму прызначылі абмежаванне волі з накіраваннем у папраўчую ўстанову адкрытага тыпу або пазбаўленне волі ў калоніі.
- Аб'яднанні
- Бацькі непаўнагадовых
Максім быў інструктарам вядомага пошукава-выратавальнага атрада «Анёл», дапамагаў і іншым пошукавым атрадам. Вайцяховіч рэгулярна праводзіў трэніроўкі па арыентаванні на мясцовасці і практычныя заняткі па пошуку зніклых людзей.
Максім таксама захапляўся веласіпедамі і займаўся дабрачыннасцю. У 2023 годзе ён арганізаваў велапрабег па маршруце "Еўравела 2" ад Заслаўя да Уселюба. Падчас гэтага заезду на 145 кіламетраў ён збіраў сродкі на лячэнне хворых на рак дзяцей.
Мужчыну арыштавалі летась і змясцілі ў СІЗА.
У студзені 2026 года Максіма прызналі вінаватым у "садзейнічанні экстрэмісцкай дзейнасці" і прыгаварылі да пазбаўлення волі з адбываннем пакарання ў калоніі ўзмоцненага рэжыму, а таксама да выплаты буйнога штрафу.
| 03.09.2026 | Минский городской суд решение 26.01.2026. ч.1 и с.2 ст. 361-4. 3 года лишения свободы в условиях усиленного режима со штрафом 500 базовых величин. |
- Аб'яднанні
- Актывісты
- Пенсіянеры
- Праваабаронцы
Уладзімір — актывіст і праваабаронца з Мазыра, вядомы ў рэгіёне сваёй дзейнасцю па абароне правоў чалавека, уключаючы права на мірныя сходы. У 1986 годзе ён удзельнічаў у ліквідацыі наступстваў аварыі на Чарнобыльскай АЭС. Мае праблемы са здароўем.
Неаднаразова падвяргаўся палітычнаму пераследу і адміністрацыйным арыштам.
У красавіку 2026 года быў затрыманы і зняволены пад варту ў СІЗА ў межах крымінальнай справы, падрабязнасці якой пакуль невядомыя.
- Аб'яднанні
- Замежныя грамадзяне
Грамадзянін РФ, але доўгі час жыў у Беларусі. У 2014-м атрымаў дыплом па спецыяльнасці "электразабеспячэнне" на энергетычным факультэце БНТУ.
У апошні час да затрымання ён працаваў ва ўніверсітэце МІПСА. Як вынікае з афіцыйных дакументаў аб закупках, тамака ён адказваў за сантэхнічныя, вентыляцыйныя і электратэхнічныя працы падчас капітальнага рамонту аднаго з навучальных карпусоў.
- Аб'яднанні
- Пенсіянеры
У Альковічах ксёндз Анатоль служыць з 2007 года, да гэтага служыў у Ракаве і Заслаўі, а вучыўся ў польскім Беластоку. Летась ён адзначыў 30-годдзе святарскага пасвячэння - як і арцыбіскуп Іосіф Станеўскі.
Быў затрыманы ў сярэдзіне сакавіка 2026 года. У Ксяндза Анатоля няма родных і блізкіх, таму нешта даведацца пра яго няма ў каго, акрамя біскупаў.
У канцы красавіка 2026 года стала вядома , што Анатоль у следчым ізалятары перанёс перанёс інфаркт і застаецца ў цяжкім стане.
Таксама, наколькі вядома беларускім вернікам, ксяндза абвінавачваюць у "здрады дзяржаве". У чым канкрэтна - інфармацыі няма. Мяркуецца, што святара трымаюць у СІЗА КДБ. Арыштоўваць яго прыязджалі невядомыя людзі ў масках на некалькіх машынах, ягоны дом апячаталі.
На фоне адсутнасці якой-небудзь афіцыйнай інфармацыі, сярод каталіцкіх вернікаў Беларусі з'явілася версія адносна таго, што стала верагоднай падставай для арышту святара ў Вілейскім раёне. Супаставіўшы некаторыя факты, пра якія даведаліся вернікі, яны зрабілі выснову, што ксяндза Анатоля Парахневіча маглі абвінаваціць у дапамозе ў справе захавання памяці грамадзянаў Польшчы, якія загінулі ў ранейшыя гады на тэрыторыі сучаснай Беларусі.
Праз увесь свой святарскі шлях 65-гадовы ксёндз служыў у рэгіёне, які ў першую палову ХХ стагоддзя знаходзіўся ў складаных гістарычных умовах, перажываў трагічныя часы. Святар глыбока вывучаў гісторыю і культуру гэтага краю, клапаціўся аб яе захаванні.
Ксёндз Анатоль у Альковічах стварыў невялікі музей пры касцёле. Тут захоўваў вышытыя шоўкам арнаты 18 стагоддзя, упрыгожаныя радавымі слуцкімі паясамі, унікальную калекцыю беларускіх ручнікоў, старажытныя кнігі.
У зняволенні ксёндз перанёс інфаркт. 65-гадовы святар застаецца ў следчым ізалятары ў цяжкім стане . Таксама, наколькі вядома беларускім вернікам, ксяндза абвінавачваюць у "здрады дзяржаве". У чым канкрэтна - інфармацыі няма.
- Аб'яднанні
- Пенсіянеры
Да затрымання Наталля вяла актыўны і дапытлівы лад жыцця: падарожнічала, шмат гуляла, наведвала мастацкія галерэі і любавалася прыгожымі мясцінамі. Таксама вядома, што апошнім часам яна працавала вартаўніком.
Была затрымана ў 2025 годзе ў рамках крымінальнай справы, узбуджанай па артыкуле «садзейнічанне экстрэмісцкай дзейнасці».
У 2026 годзе яе прызналі вінаватай і прыгаварылі да пазбаўлення волі ў калоніі, дакладны тэрмін зняволення невядомы.
Жанчына шмат гадоў прысвяціла педагогіцы і дапамозе дзецям. Яна мае вышэйшую кваліфікацыйную катэгорыю і раней працавала настаўніцай-дэфектолагам у спецыяльнай групе інтэграванага навучання ясляў-сада №1 у Ашмянах. З 2017 года яна вяла заняткі ў гуртку па правільнай прамове ў мінскіх школах.