Усе рэпрэсаваныя

Як сцвярджаецца ў пастанове, яна была кансультантам па мове тэлеканала "Белсат", прызнанага ў Беларусі "экстрэмісцкім фармаваннем". Згодна з прыгаворам, Анастасія Мацяш з 19 чэрвеня 2021 года па 15 лістапада 2023 года з'яўлялася моўным кансультантам Польскага тэлебачання "TVP", у склад якога ўваходзіць польскі тэлеканал "БЕЛСАТ tv BELSAT". Падчас працы яна нібыта праводзіла моўныя кансультацыі, перакладала, карэктавала і рэдагавала тэксты, якія потым выкарыстоўваліся на "БЕЛСАТ". У пастанове таксама сказана, што за ўдзел у "экстрэмісцкай дзейнасці" Анастасія Мацяш нібыта атрымала "злачынны" даход, 40 000 польскіх злотых, 12 258 долараў і 8 575 еўра.

Сваю віну Анастасія Мацяш не прызнала.

Яўген Глушкоў - былы магілёўскі журналіст, у 90-я і 2000-я працаваў на гарадскім тэлебачанні, пасля гэтага супрацоўнічаў з некалькімі гарадскімі парталамі.

Глушкова затрымалі ў пачатку студзеня пры дапамозе штурму, паколькі мужчына не адчыніў дзверы сілавікам. Яго выцягнулі на вуліцу прама ў тым адзенні, у якім ён знаходзіўся дома.

Па некаторых дадзеных устаноўлена, што крымінальная справа заведзена ў дачыненні да Глушкова за журналісцкую дзейнасць. Меркаваны артыкул - 361-1 КК РБ (стварэнне або ўдзел у экстрэмісцкім фарміраванні).

Алеся два разы асуджалі за адміністратыўнае парушэньне на суткі, пасьля чаго ён не выйшаў на волю. Як мяркуецца, Сабалеўскага маглі перавесці ў следчы ізалятар. У чым абвінавачваюць мужчыну - невядома.

Барысаўскі фатограф, які быў затрыманы 22 чэрвеня 2023 года. Сілавікі зладзілі ў хаце ператрус і забралі кампутарную тэхніку. Пасля гэтага Зянкова адразу павезлі ў Мінск, дзе некаторы час трымалі ў ІЧУ на Акрэсціна, а потым перавялі ў следчы ізалятар №1.

Як пісаў БАЖ, фатографа затрымлівалі ў ліпені 2020 года. У верасні да Зянкова прыходзілі супрацоўнікі міліцыі, каб «папярэдзіць пра недапушчальнасць парушэння заканадаўства».

Аляксандр Зянкоў працаваў фатографам-фрылансерам з 1998 года, супрацоўнічаў з раённымі незалежнымі выданнямі.

16 красавіка 2024 г. у Аляксандра адбыўся разгляд апеляцыйнай скаргі.

Журналіст-фрылансер з Пінска, уладальнік сайта і старонкі ў TikTok "пра Столін".

Аляксандр даўно жыў адзін на Палессі, таму пра яго затрыманне стала вядома выпадкова. Неабыякавыя людзі занепакоіліся, што ён даўно не выходзіць на сувязь. Аказалася, што Аляксандр змешчаны ў брэсцкае СІЗА-7. паводле неправеранай інфармацыі, яму інкрымінуюць "садзейнічанне экстрэмісцкай дзейнасці".

Таксама Аляксандр - бацька хлопца, які "разабраў" вадамёт у Мінску на пратэстах 2020.

Па версіі МУС , мужчына рабіў ролікі з кампраматам, паказваў іх мясцовым прадпрымальнікам і патрабаваў грошы за «маўчанне». Таксама ён нібыта "садзейнічаў дзейнасці экстрэмісцкага тэлеграм-канала, адміністратары якога знаходзяцца за мяжой».

Ігара Карнея затрымалі 17 ліпеня ў Менску і арыштавалі на 10 сутак, ён знаходзіўся ў ізалятары на Акрэсціна. У яго дома правялі ператрус. Пасля 10 сутак арышту яго не выпусцілі і перавялі ў СІЗА.

Ігар доўгі час працаваў журналістам на "Радыё Свабода", вядомы як эсэіст, аўтар тэкстаў аб культурна-гістарычнай спадчыне Беларусі, трэвел-блогер. Неўзабаве пасля затрымання сям'я Ігара выехала за мяжу.

Паводле абвінавачання Ігар актыўна пісаў "негатыўныя матэрыялы з абразамі кіраўніка дзяржавы, прадстаўнікоў улады, журналістаў і грамадзян, якія не падтрымліваюць неканстытуцыйную змену ўлады. Акрамя таго, у сваіх артыкулах ён даваў ілжывую карціну аб эканамічным, сацыяльным, ваенным і міжнародным становішчы Рэспублікі Беларусь".

Нібыта з 1 чэрвеня па 14 ліпеня 2023 года ён размясціў на рэсурсах БАЖ не менш як 54 інфармацыйныя матэрыялы. Неўзабаве пасьля гэтага быў затрыманы.

Галоўны рэдактар "Рэгіянальнай газеты".

“Рэгіянальная газета” – незалежнае выданне, якое асвятляе падзеі ў чатырох раёнах Мінскай вобласці (Маладзечанскім, Вілейскім, Мядзельскім і Валожынскім) і трох раёнах Гродзенскай вобласці (Смаргонскім, Ашмянскім, Астравецкім).

У 2022 годзе матэрыялы сайта былі прызнаныя "экстрэмісцкімі матэрыяламі". Сілавікі сцвярджаюць, што мужчыну будуць судзіць за апублікаваныя тэксты.

23.01.2024 прайшло апеляцыйнае паседжанне суда, прысуд уступіў у сілу

Журналіст. Вячаславу інкрымінуюць "садзейнічанне экстрэмісцкай дзейнасці".

Спачатку Лазарава павезлі ў Следчы камітэт, і амаль суткі родныя не ведалі аб далейшым яго лёсе. Цяпер яго ўтрымліваюць у Віцебскім СІЗА-2.

Суд першай інстанцыі прыгаварыў Лазарава да пяці з паловай гадоў пазбаўлення волі ў калоніі ўзмоцненага рэжыму, прызнаўшы вінаватым па артыкуле аб стварэнні "экстрэмісцкага фарміравання" або ўдзеле ў ім (артыкул 361-1 КК). Вярхоўны суд змяніў пакаранне на 5 год пазбаўлення волі ў калоніі агульнага рэжыму.

Аператар. Павал супрацоўнічаў з незалежнымі СМІ. Раней журналіста неаднаразова затрымлівалі падчас асвятлення палітычных акцый у Беларусі, у тым ліку пасля 2020 года. У рамках крымінальнай справы яго затрымалі 9 лютага пасля правядзення ператрусу ў ягоным доме, падчас якога былі вынятыя мабільныя тэлефоны і відэакамера. Пасля стала вядома, што Паўлу прад'яўлены абвінавачанні па ч. 1 арт. 361-1 КК.

У 2021 годзе публічна заявіла, што сыходзіць з журналістыкі. Свой догляд яна патлумачыла тым, што ёй і без таго хапіла пераследу за працу без акрэдытацыі. Па пратаколах міліцыі суды каралі журналістку адміністрацыйнымі штрафамі больш за сорак разоў, у тым ліку і за асвятленне паслявыбарчых акцый пратэсту. Адно толькі сутак не прызначалі, бо Шчыракова адна гадавала непаўналетняга сына.

Сёлета ў верасні пасля арышту былога калегі па журналісцкім цэху Яўгена Меркіса Шчыракова ў сваіх пасадах у сацыяльных сетках узнімала пытанні ўтрымання журналіста ў следчым ізалятары, пасціла на сваіх старонках у сацсетках паведамленні аб акцыях салідарнасці з Яўгенам, які ладзіліся за мяжой.

Пасля затрымання Ларысы яе сына забралі ў прытулак проста са школы.

Па матэрыялах справы, Ларыса Шчыракова нібыта змясціла ў інтэрнэце звесткі, якія дыскрэдытавалі Рэспубліку Беларусь. Яе абвінавачваюць таксама ў „зборы, стварэнні, апрацоўцы, захоўванні і перадачы інфармацыі для „Вясны“ і „Белсату“.

Андрэю Фаміну 29 гадоў, ён родам з Магілёва, але жыў у Менску. Хлопец скончыў Беларускую дзяржаўную акадэмію мастацтваў. У пакаяльным відэа ён кажа, што нібыта быў рэдактарам і аўтарам артыкулаў для сеткі газет «Веснікі». Паводле інфармацыі ад актывістаў ініцыятывы ByProsvet, Андрэй не меў доступаў да акаўнтаў газет і не ведаў тых, хто распаўсюджвае іх у Беларусі.

У выніку хлопцу прад'явілі абвінавачанне за ўдзел у Маршы 30 жніўня 2020 года і перавялі ў СІЗА-1. Андрэй прынцыпова не хацеў з'язджаць са сваёй краіны, піша кнігу, дамы яго чакаюць шэсць катоў.

Журналіст і тэлевядучы, які раней займаў пасаду ў частцы «прэзідэнцкага пула» тэлеканала АНТ.

У жніўні 2020 года ў знак пратэсту супраць жорсткіх разгонаў мірных акцый Семчанка звольніўся. Змітра разам з жонкай затрымалі 15 верасня ў Мінску. Юлію пазней адпусцілі, а Змітра пакінулі за кратамі да суда. Праз дзень мужчыну арыштавалі на 15 сутак. Але пасля 15 сутак Зміцер на волю не выйшаў і быў асуджаны яшчэ на 13 сутак арышту па артыкуле 19.11 КаАП за распаўсюджванне «экстрэмісцкіх матэрыялаў». у яго сацыяльных сетках. Калі Дзмітрый Семчанка 13 кастрычніка 2022 года не выйшаў на волю, стала вядома, што на яго завялі крымінальнаю справу.

Журналіст, які асвятляў акцыі пратэсту пасля прэзідэнцкіх выбараў 2020 г. Яго неаднаразова затрымлівала міліцыя, праз суды штрафавала і адпраўляла на суткі. Пасля прызнання шэрагу незалежных СМІ экстрэмісцкімі фармаваннямі Яўген займаўся краязнаўчай дзейнасцю.

13 верасня 2022 г. у Гомелі ў другой палове дня ў кватэры журналіста адбыўся ператрус, пасля чаго ў Яўгена забралі носьбіты інфармацыі, а яго самога затрымалі.

30 жніўня ў яго дома быў ператрус — ён доўжыўся больш за шэсць гадзін. Пасля гэтага Мажэйка не выйшаў на сувязь.

Павел увесну 2021 года праходзіў па справе Алеся Пушкіна і быў затрыманы на 72 гадзіны.

Павел – журналіст і тэлевядучы, аўтар перадачы “Intermarium” на тэлеканале “Б**сат”, былы палітвязень. Быў дырэктарам “Цэнтра гарадскога жыцця”, які ліквідавалі праз суд пасля ўзбуджэння крымінальнай справы.

Вядома, што на Паўла заведзена крымінальная справа за рэалізацыю ім свабоды выказвання меркавання. Летам 2021 года ў яго прайшоў ператрус.

Бацька дваіх дзяцей.

У 2002—2004 гадах адбыў "хімію" за паклёп на прэзідэнта.

Івану Мураўёву 43 гады. У свой час ён стаяў ля вытокаў тэлеканала СТВ, але апошнія дзесяць гадоў займаецца horeca-й: кіруе знакамітай "Кальяннай № 1". на Карла Маркса.

Затрымліваў Следчы камітэт у кальяннай. У пратэстах 2020-га Мураўёў не ўдзельнічаў (але паспеў пабываць на сутках — апынуўся выпадковай ахвярай выцягванняў з машын). 

Суд праходзіў у закрытым рэжыме.