У 2022 годзе Аляксей падвяргаўся крымінальнаму пераследу за каментары, пакінутыя ў сацыяльных сетках, аднак крымінальную справу тройчы спынялі пасля экспертыз за адсутнасцю складу злачынства.
У лістападзе 2023 года яго затрымалі ў рамках крымінальнай справы, узбуджанай па тых жа каментарах. 8 красавіка 2024 года Аляксея прызналі вінаватым па пяці крымінальных артыкулах, уключаючы «дыскрэдытацыю Рэспублікі Беларусь» і «абразу Аляксандра Лукашэнкі», і прыгаварылі да пазбаўлення волі ў калоніі, а таксама да буйнога штрафу.
13 снежня 2025 года ён быў вызвалены пасля візіту ў Мінск спецыяльнага прадстаўніка прэзідэнта ЗША Дональда Трампа — Джона Коўла — і вывезены ва Украіну.
- Аб'яднанні
- Выкладчыкі
- Спартсмены
- Аб'яднанні
- Выкладчыкі
- Спартсмены
Мікіта, сын Ларысы Яхімовіч, быў затрыманы ў сакавіку 2024 года ў рамках крымінальнай справы, распачатай пасля стыхійных акцый пратэсту, якія адбыліся 10 жніўня 2020 года ў Брэсце супраць фальсіфікацый на прэзідэнцкіх выбарах. Яго асудзілі за "ўдзел у групавых дзеяннях, якія груба парушаюць грамадскі парадак".
13 снежня 2025 года ён быў вызвалены пасля візіту ў Мінск спецыяльнага прадстаўніка прэзідэнта ЗША Дональда Трампа — Джона Коўла — і вывезены ва Украіну.
На праўладным канале паказана затрыманне мужчыны - на вуліцы да яго ззаду падбягаюць трое сілавікоў і кладуць на асфальт тварам уніз. На відэа Якавенка кажа, што 10 жніўня 2020 года быў на праспекце Машэрава ў Брэсце. Знаходзіўся там разам са знаёмым Ігарам Сарокіным (быў затрыманы ў лютым пасля вяртання з Польшчы).
Па падліках праваабаронцаў выйшаў на волю ў канцы траўня 2025 года, цалкам адбыўшы тэрмін пакарання, прызначаны судом.
На "пакаяным відэа" на праўладным канале мужчына кажа , што раней яго арыштоўвалі на 10 сутак па артыкуле аб распаўсюджванні "экстрэмісцкіх матэрыялаў" (ч. 2 арт. 19.11 КаАП). На гэты раз яго затрымалі за тое, што ён разам са сваімі сябрамі ў 2020 годзе стаяў на праезнай частцы і "запускаў салюты ў супрацоўнікаў".
Затрыманы па крымінальнай справе аб масавых беспарадках 10.08.2020
Марыя была асуджаная ў красавіку 2024 года па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх» за ўдзел у паслявыбарчай акцыі пратэсту, якая праходзіла ў Брэсце з 10 на 11 жніўня 2020 года.
Віталь быў затрыманы на працоўным месцы супрацоўнікамі ГУБАЗіК у межах крымінальнай справы, узбуджанай па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх». Падчас затрымання і допыту да яго прымяняліся фізічная сіла і псіхалагічны ціск.
У красавіку 2024 года Віталя асудзілі за ўдзел у паслявыбарчай акцыі пратэсту, якая праходзіла ў Брэсце з 10 на 11 жніўня 2020 года.
Вызвалены ў лістападзе 2024 года ў рамках памілавання.
Уладзіслаў быў асуджаны ў красавіку 2024 года па артыкуле "арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх" за ўдзел у паслявыбарчай акцыі пратэсту, якая праходзіла ў Брэсце з 10 на 11 жніўня 2020 года.
Вызвалены восенню 2025 года, цалкам адбыўшы прызначаны судом тэрмін пакарання.
- Аб'яднанні
- Затрыманыя да 18 гадоў
- Аб'яднанні
- Затрыманыя да 18 гадоў
Арцём быў асуджаны ў красавіку 2024 года па артыкуле "арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх" за ўдзел у паслявыбарчай акцыі пратэсту, якая праходзіла ў Брэсце з 10 на 11 жніўня 2020 года. Вядома, што яго затрымлівалі ў жніўні 2020 года і на той момант ён быў непаўналетнім.
Па падліках праваабаронцаў, ён быў вызвалены зімой 2025 года, цалкам адбыўшы тэрмін пакарання, прызначаны судом.
Арцём быў асуджаны ў красавіку 2024 года па артыкуле "арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх" за ўдзел у паслявыбарчай акцыі пратэсту, якая праходзіла ў Брэсце з 10 на 11 жніўня 2020 года.
У лістападзе 2024 года Арцём быў памілаваны.
Ігар быў затрыманы ў сакавіку 2024 года і ўвосень таго ж года прызнаны вінаватым па артыкуле "удзел у масавых беспарадках".
На праўладным канале было паказана яго затрыманне: у кватэру да Ігара прыйшлі як мінімум пяцёра сілавікоў са зброяй, у бронекамізэльках і шлемах. Брэстаўчаніна ў адной ніжняй бялізне павалілі на падлогу. На відэа затрыманы кажа, што знаходзіўся ў "счэпцы" на вуліцы Савецкай у Брэсце.
13 снежня 2025 года ён быў вызвалены пасля візіту ў Мінск спецыяльнага прадстаўніка прэзідэнта ЗША Дональда Трампа — Джона Коўла — і вывезены ва Украіну.
15 верасня 2023 года 57-гадоваму Генадзю Васілюку прызначылі штраф за "распаўсюджванне экстрэмісцкіх матэрыялаў". У Генадзя на старонцы ў "Аднакласніках" знайшлі падпіскі на "экстрэмісцкія" матэрыялы. Акрамя гэтага, Васілюка звольнілі з лакаматыўнага дэпо "па дамове бакоў".
Сёмага снежня 2023 года Генадзя затрымалі ў межах крымінальнай справы за "паклёп на Лукашэнку" (ч. 1 арт. 367 КК) і змясцілі пад варту ў СІЗА. Справу разглядалі 22 і 26 лютага 2024 года.
Мужчыну абвінавацілі ў тым, што ён 8, 9 і 17 чэрвеня 2022 года паставіў рэакцыю "клас" у сацсетцы "Аднакласнікі" пад трыма відэаролікамі з удзелам эканаміста Яраслава Раманчука.
Генадзь прызнаў віну і паведаміў, што ў названыя дні чэрвеня ён ездзіў на вёску ў Жабінкаўскім раёне, што пацвярджае выпіска ад мабільнага аператара. Мужчына карыстаецца кнопкавым тэлефонам, таму ў вёсцы ён не мог заходзіць у "Аднакласнікі".
Пракурор Ягор Кронда палічыў віну Генадзя цалкам даказанай і запытаў для яго адзін год і шэсць месяцаў пазбаўлення волі.
Другі раз Генадзя асудзілі 16.09.2024 г. за ўдзел у пратэстах. Разам з ім таксама асудзілі ягоную жонку і яшчэ трох чалавек. Паводле паведамлення суда, сутнасць абвінавачання супраць усіх заключалася ў тым, што людзі 10 жніўня 2020 года ў Брэсце «выкрыквалі лозунгі, свісталі, пляскалі ў далоні, дэманстравалі палотны бел-чырвона-белага колеру, выходзілі на праезную частку» . Гэтым яны нібыта груба парушалі грамадскі парадак.
Суд прызначыў Генадзю паўтара гады калоніі, але з улікам неадбытага папярэдняга (палітычнага) тэрміна канчаткова ўсяго - 2 гады калоніі агульнага рэжыму.
Па падліках мусіў выйсці на волю ў кастрычніку 2025 г.
Станіслава затрымалі па вяртанні ў Беларусь з Польшчы, куды ён пераехаў больш за год таму. У канцы 2023 года ён прыехаў дадому, каб правесці святы з сям'ёй, але быў арыштаваны ў межах крымінальнай справы, узбуджанай пасля пратэстаў 10 жніўня 2020 года ў Брэсце супраць фальсіфікацыі прэзідэнцкіх выбараў. Станіслава асудзілі за ўдзел у "масавых беспарадках".
У апублікаваным праўладным пакаяльным відэа ён распавядае, што "ўдзельнічаў у пратэстах і выходзіў на праезную частку". На запісе бачна, што твар Станіслава падрапаны, хаця пры затрыманні такіх пашкоджанняў не было прыкметна.
Алеся была асуджаная за «ўдзел у групавых дзеяннях, якія груба парушаюць грамадскі парадак» у межах крымінальнай справы, распачатай пасля акцыі пратэсту, якая прайшла 13 верасня 2020 года ў Брэсце. Падчас акцыі людзі спявалі і вадзілі карагоды, а супраць іх ужылі вадамёт.