- Аб'яднанні
- Рабочыя
- Аб'яднанні
- Рабочыя
Юрыя абвінавачваюць у тым, што 25 студзеня 2022 года са свайго мабільнага тэлефона "з мэтай знявагі гонару і годнасці кіраўніка дзяржавы, кіруючыся нізіннымі намерамі" ў адной з інтэрнэт-супольнасцяў ён напісаў каментар пра Лукашэнку: "Зладзіў тэрарызм і генацыд у краіне, яшчэ і акупацыяй заняліся".
На думку лінгвістычнай экспертызы, гэты каментар "мае негатыўную ацэнку дзейнасці кіраўніка дзяржавы, што не адпавядае рэчаіснасці".
Вядома, што мужчыну 39 гадоў, ён родам з Іванава, будаўнік па адукацыі. Да затрымання Юры некалькі гадоў жыў і працаваў у Расіі, у Беларусі бываў у адпачынку.
Па падліках правазашытнікаў вызвалены ў пачатку вясны 2024 года поўнасцю адбыўшы тэрмін пакарання, прызначаны судом.
2 гады пазбаўлення волі ў калоніі ва ўмовах агульнага рэжыму
- Аб'яднанні
- Замежныя грамадзяне
- IT-спецыялісты
- Аб'яднанні
- Замежныя грамадзяне
- IT-спецыялісты
Супрацоўніца Epam.
Кацярына вярнулася з Літвы, куды з'ехала ў лютым 2022 года.
Яна была затрымана разам з сястрой Юліяй Глінскай у Мінску, куды Кацярына вярнулася па котку. Затрыманне рабіў ГУБАЗ, дзяўчат захапілі, калі яны ішлі да свайго аўтамабіля. Затым у кватэры зрабілі ператрус.
Вызвалена 02.05.2024 года поўнасцю адбыўшы тэрмін пакарання, назначаны судом.
- Аб'яднанні
- Аб'яднанні
55-гадовы фатограф.
Ён быў вымушаны выехаць у Расію ў сувязі з палітычным пераследам у 2020 годзе, але з-за пратэрмінаванага пашпарта і пачатку вайны вярнуўся ў Беларусь у маі 2022 года.
Вядома, што ў верасні і лістападзе 2020 года мужчына размясціў у Telegram-канале і мэсэнджэры Viber абразлівую інфармацыю ў дачыненні да Лукашэнкі, а таксама міністра ўнутраных спраў, якім на той момант з'яўляўся Юры Караеў.
Па падліках праваабаронцаў вызвалены вясной 2024 года , поўнасцю адбыўшы тэрмін пакарання, прызначаны судом.
2 гады пазбаўлення волі ў калоніі ва ўмовах агульнага рэжыму.
Ігар Фёдараў шмат гадоў працаваў інжынерам-механікам на «Авіяцыйным рамонтным заводзе» ў Баранавічах. Але пасля падзеяў жніўня 2020 года, калі мужчына разам з іншымі завадчанамі актыўна выказваў сваю грамадзянскую пазіцыю, прыцягваўся да адміністрацыйнай адказнасці па арт. 23.34 і арт. 24.3 КаАП. Пасля гэтага з ім не працягнулі кантракт, а пасля Ігар і зусім змушаны быў эміграваць, асцерагаючыся крымінальнага пераследу.
27 лютага 2022 года ён вярнуўся дадому, каб паўдзельнічаць у рэферэндуме. Хлопца затрымалі каля выбарчага ўчастку і змясцілі ў ІЧУ ў Баранавічах. 2 сакавіка яго перавялі ў СІЗА-6.
18.12.2023 вызвалены цалкам адбыўшы тэрмін пакарання, прызначаны судом.
2 гады пазбаўлення волі ў калоніі агульнага рэжыму
36-гадовы малодшы сын легендарнага беларускага бізнэсмэна з вёскі Камарова Эдуарда Вайцяховіча, ехаў на пахаванне бацькі з Рыгі і быў арыштаваны ГУБАЗікам прама на мяжы.
Ён спрабаваў уехаць у Беларусь 14 студзеня 2022 года, яго доўга не адпускалі беларускія памежнікі, а пасля прыехалі супрацоўнікі ГУБАЗіКа з Мінска і адвезлі ў ізалятар на Акрэсціна.
Па падліках праваабаронцаў вызвалены ў пачатку кастрычніка 2023 года цалкам адбыўшы тэрмін пакарання, прызначаны судом.
2 гады пазбаўлення волі ў калоніі.
Палітычны актывіст з Гродна. У 2017 годзе ён выступаў на акцыях пратэсту, звязаных з увядзеннем «падатку на дармаедства». У 2019 годзе паставіў намёт перад адміністрацыяй Кастрычніцкага раёна Гродна, каб вырашыць жыллёвае пытанне. У 2020 годзе Лаўрэнцьеў разам з актывістам Мікалаем Салянікам правёў шэраг акцый за ўвядзенне каранціну ў Беларусі падчас пандэміі каранавіруса. Перад прэзідэнцкімі выбарамі 2020 года актывіст адбываў адміністратыўны арышт за акцыю падчас сустрэчы з Сяргеем Ціханоўскім. Восенню 2020 года з'ехаў з Беларусі ў Польшчу.
У Польшчы падахвоціўся дапамагчы двум беларускім уцекачам. але ў снежні 2020 года Аляксандр знік са здымнай кватэры ў Беластоку. Разам з ім зніклі і грошы дзяўчат. На званкі і паведамленні ён не адказваў. Свайму знаёмаму ён расказваў, што спакойна перасек польска-беларускую мяжу, а яго справу ў Беларусі закрылі з-за недахопу доказаў. У 2021 годзе Аляксандр набыў фудтрак і працаваў у адным з мікрараёнаў Гродна. Прадаваў шаурма. 2 мая 2022 года Лаўрэнцьева затрымалі проста на працоўным месцы. Затрымліваў ГУБАЗ Гродзенскай вобласці. Пасля затрымання гродзенец сказаў на камеру, што яго затрымалі за распаўсюджванне ў сетцы экстрэмісцкай інфармацыі і абразу прэзідэнта. Ён прызнаў віну.
11.10.2022 адбылося апеляцыйнае пасяджэнне суда, прыгавор уступіў у сілу.
Улетку 2024 года стала вядома , што гродзенцу Аляксандру Лаўрэнцьеву дадалі яшчэ 1 год зняволення ў калоніі па артыкуле 411 КК РБ ("злоснае непадпарадкаванне патрабаванням адміністрацыі папраўчай установы").
- Аб'яднанні
- Прадпрымальнікі
- Аб'яднанні
- Прадпрымальнікі
Дырэктар Віленскай друкарні.
Затрымана 4 красавіка 2022 года па справе «рэйкавых партызан», пасля таго як яна прыехала з Літвы ў Беларусь на гадавіну смерці маці.
У прапагандысцкім фільме на «БТ» паказаны кавалак допыту Алесі, дзе яна распавядае як купляла літоўскія сім-карты за некалькі дзён да паездкі ў Беларусь, паказвае, дзе хавала іх на тэрыторыі краіны, пра тое, як усё здымала на відэа, каб пераслаць свайму куратару ў Літве. А таксама, што павінна была «адправіць» маладых людзей, калі яны пад'едуць да мяжы. Канчаткова ёй прад'явілі абвінавачанне па ч. 3 арт. 371 КК-наўмыснае незаконнае перасячэнне дзяржаўнай граніцы Рэспублікі Беларусь, учыненае арганізаванай групай.
03.05.2024 вызвалена поўнасцю адбыўшы тэрмін пакарання, прызначаны судом.
| 14.05.2022 | На 10.05.2022 получила только три письма от сына, хотя друзьями родственниками отправлены десятки писем и открыток. |
3,5 гады пазбаўлення волі ў калоніі агульнага рэжыму.
Тэрмін быў скарочаны на год паводле амністыі.
Арцём затрыманы 23.11. 2021. Ён на адзін дзень прыехаў у РБ здаць атэстацыю па працы і быў затрыманы проста ў офісе. З 23.11 быў ІЧУ , 02.12.2021 пераведзены ў СІЗА-1. Як мяркуецца, абвінавачваецца ў масавых беспарадках у 2020 г.
3 гады абмежавання волі з накіраваннем.
- Аб'яднанні
- Выкладчыкі
- Аб'яднанні
- Выкладчыкі
Настаўнік гісторыі. Ён быў затрыманы другога лістапада 2021 года пасля вяртання з заробкаў у Польшчы і змешчаны ў ізалятар часовага ўтрымання ў Мінску. Ён з'яўляецца фігурантам крымінальнай справы за арганізацыю або актыўны ўдзел у групавых дзеяннях, якія груба парушаюць грамадскі парадак. Артур мае вельмі дрэнны зрок.
04.03.2022 вызвалілі ў зале суда.
- Аб'яднанні
- Бацькі непаўнагадовых
- Аб'яднанні
- Бацькі непаўнагадовых
Глеб — фігурант крымінальнай справы, распачатай пасля стыхійных акцый пратэсту 10 жніўня 2020 года ў Брэсце супраць фальсіфікацый на прэзідэнцкіх выбарах. Падчас следства ён пакінуў краіну, а пры вяртанні ў Беларусь быў затрыманы пры спробе перасячы мяжу з Еўразвязам. У лістападзе 2021 года яго асудзілі за ўдзел у "масавых беспарадках".
Вызвалены ў ліпені 2024 года, поўнасцю адбыўшы тэрмін пакарання, прызначаны судом.
- Аб'яднанні
- Аб'яднанні
Аляксандр, урач-неўролаг, працаваў у расійскім Нарыльску. Быў затрыманы ў траўні 2021 года пасля вяртання ў Беларусь — у межах крымінальнай справы, узбуджанай за абразу прадстаўнікоў праваахоўных органаў.
У студзені 2022 года яго асудзілі па трох крымінальных артыкулах за каментары на адрас 32 чыноўнікаў. Як растлумачыў сам Аляксандр, ён пакідаў іх на эмоцыях, бо падчас жнівеньскіх пратэстаў 2020 года валанцёрыў каля ізалятара на Акрэсціна. Апроч пазбаўлення волі, суд пастанавіў спагнаць з яго маральную кампенсацыю на карысць 20 супрацоўнікаў. На паседжанні таксама стала вядома, што адзін з пацярпелых па справе збіваў Аляксандра пры затрыманні.
У лістападзе 2022 года яго паўторна асудзілі па артыкулах «абраза прадстаўніка ўлады» і «пагроза гвалтам у дачыненні да службовай асобы».
3 красавіка 2024 года яму ўзмацнілі жорсткасць пакарання і перавялі на турэмны рэжым.
Вызвалены ў лістападзе 2024 года, цалкам адбыўшы тэрмін пакарання, прызначаны судом.
- Аб'яднанні
- Актывісты
- Дзярж. служачыя
- Замежныя грамадзяне
- Бацькі непаўнагадовых
- Аб'яднанні
- Актывісты
- Дзярж. служачыя
- Замежныя грамадзяне
- Бацькі непаўнагадовых
Андрэй - грамадзянін Расіі і валанцёр ініцыятыўнай групы Святланы Ціханоўскай. Упершыню затрыманы 6 чэрвеня 2020 года ў Беларусі за ўдзел у пікеце па зборы подпісаў, прыраўнаваным да несанкцыянаванага мерапрыемства. Неўзабаве яму прад'явілі абвінавачанне па артыкуле аб "падрыхтоўцы і арганізацыі дзеянняў, якія груба парушаюць грамадскі парадак".
26 лістапада 2020 года Андрэя вывезлі на мяжу з Расіяй і забаранілі ўезд у Беларусь на 10 год. У краіне ў яго засталіся жонка і двое дзяцей.
13 красавіка 2021 года яго зноў затрымалі — у вёсцы Прусы, куды ён таемна прыехаў наведаць сям'ю. Пазней яго асудзілі за "незаконнае перасячэнне мяжы", пры гэтым абвінавачанне па папярэдняй справе таксама не было знята.
Вызвалены ў кастрычніку 2022 года пасля заканчэння тэрміну пакарання і дэпартаваны ў Расію.
- Аб'яднанні
- Актывісты
- Бацькі непаўнагадовых
- Аб'яднанні
- Актывісты
- Бацькі непаўнагадовых
Аляксандр, актывіст і вядомы беларускі мастак, быў затрыманы ў канцы сакавіка 2021 года па абвінавачанні ў "рэабілітацыі нацызму" пасля таго, як ён прадставіў на выставе ў Гродзенскім Цэнтры гарадскога жыцця партрэт Яўгена Жыхара з аўтаматам на плячы. Пракуратура сцвярджала, што Аляксандр "характарызаваў Жыхара як змагара з бальшавікамі, услаўляючы яго дзеянні". Нягледзячы на пагрозу пераследу, Аляксандр не адмяніў вяртанне ў Беларусь з Украіны, дзе праходзіла ягоная выстава.
25 сакавіка 2022 года, падчас судовага працэсу, ён парэзаў жывот у знак пратэсту, за што атрымаў 13 сутак карцэра. Пазней яго асудзілі за "распальванне варожасці або варожасці" і "здзек з дзяржаўных сімвалаў". Апеляцыйную скаргу палітвязень падаваць адмовіўся.
Як стала вядома, у лістападзе 2022 года Аляксандру ўзмацнілі жорсткасць від пакарання і перавялі яго на турэмны рэжым.
11 ліпеня 2023 года Аляксандр памёр у рэанімацыі з-за несвоечасова аказанай медыцынскай дапамогі пры прабадной язве.
- Аб'яднанні
- Замежныя грамадзяне
- Аб'яднанні
- Замежныя грамадзяне
Ганна, дырэктар ТАА "Польская школа" ў Брэсце, была затрымана ў сакавіку 2021 года пасля вяртання ў Беларусь у рамках крымінальнай справы аб "гераізацыі ваенных злачынцаў". Падставай для разбіральніцтва стала "незаконнае масавае мерапрыемства" ў памяць аб "праклятых салдатах", якое прайшло 28 лютага ў памяшканні, якое арандуе Брэсцкі форум польскіх лакальных ініцыятыў і "Польская школа".
У канцы траўня 2021 года Ганну вызвалілі і дэпартавалі ў Польшчу.
- Аб'яднанні
- Студэнты
- Аб'яднанні
- Студэнты
Віталя была затрымана пасля вяртання ў Беларусь у межах крымінальнай справы, распачатай пасля стыхійных акцый пратэсту, якія адбыліся 10 жніўня 2020 года ў Брэсце супраць фальсіфікацыі прэзідэнцкіх выбараў. Яе асудзілі за ўдзел у "масавых беспарадках". Па матэрыялах справы, агульная шкода склала каля 24 тысяч беларускіх рублёў.
Вызвалена ў снежні 2024 года, поўнасцю адбыўшы тэрмін пакарання, прызначаны судом.