Следчыя паведамляюць, што ў жніўні 2020 у пэўны момант увагу супрацоўнікаў міліцыі прыцягнуў пазадарожнік з замежнымі рэгістрацыйнымі знакамі і таніраваным шклом. Калі міліцыянеры накіраваліся да аўтамабіля, абвінавачаны пачаў рух заднім ходам і наўмысна наехаў на аднаго з іх, пасля чаго ўцёк з месца здарэння.
Супрацоўнікі ДАІ пераследавалі абвінавачанага, аднак вадзіцель кінуў свой аўтамабіль паблізу вёскі Антонава, а сам уцёк.
На відэа з рэгістратара службовага аўтамабіля ДАІ бачна вялікая колькасць супрацоўнікаў міліцыі ў поўнай экіпіроўцы. Моманту наезду на аднаго з іх не відаць.
Мужчына быў аб'яўлены ў вышук і пасля вяртання з Польшчы 5 мая 2022 года ў Баранавічы ён быў затрыманы і змешчаны пад варту.
7 гадоў пазбаўлення волі ў калоніі ўзмоцненага рэжыму.
Палітычны актывіст з Гродна. У 2017 годзе ён выступаў на акцыях пратэсту, звязаных з увядзеннем «падатку на дармаедства». У 2019 годзе паставіў намёт перад адміністрацыяй Кастрычніцкага раёна Гродна, каб вырашыць жыллёвае пытанне. У 2020 годзе Лаўрэнцьеў разам з актывістам Мікалаем Салянікам правёў шэраг акцый за ўвядзенне каранціну ў Беларусі падчас пандэміі каранавіруса. Перад прэзідэнцкімі выбарамі 2020 года актывіст адбываў адміністратыўны арышт за акцыю падчас сустрэчы з Сяргеем Ціханоўскім. Восенню 2020 года з'ехаў з Беларусі ў Польшчу.
У Польшчы падахвоціўся дапамагчы двум беларускім уцекачам. але ў снежні 2020 года Аляксандр знік са здымнай кватэры ў Беластоку. Разам з ім зніклі і грошы дзяўчат. На званкі і паведамленні ён не адказваў. Свайму знаёмаму ён расказваў, што спакойна перасек польска-беларускую мяжу, а яго справу ў Беларусі закрылі з-за недахопу доказаў. У 2021 годзе Аляксандр набыў фудтрак і працаваў у адным з мікрараёнаў Гродна. Прадаваў шаурма. 2 мая 2022 года Лаўрэнцьева затрымалі проста на працоўным месцы. Затрымліваў ГУБАЗ Гродзенскай вобласці. Пасля затрымання гродзенец сказаў на камеру, што яго затрымалі за распаўсюджванне ў сетцы экстрэмісцкай інфармацыі і абразу прэзідэнта. Ён прызнаў віну.
11.10.2022 адбылося апеляцыйнае пасяджэнне суда, прыгавор уступіў у сілу.
Улетку 2024 года стала вядома , што гродзенцу Аляксандру Лаўрэнцьеву дадалі яшчэ 1 год зняволення ў калоніі па артыкуле 411 КК РБ ("злоснае непадпарадкаванне патрабаванням адміністрацыі папраўчай установы").
4 гады 4 месяцы пазбаўлення волі ў калоніі ва ўмовах агульнага рэжыму
Яўгена затрымалі 18 студзеня 2022 года, калі ён прыехаў у Гродна з Германіі.
На камеру сілавікам Яўген сказаў, што ў 2020-м годзе знаходзіўся ў чатах, прызнаных экстрэмісцкімі, дзе заклікаў да масавых беспарадкаў, забойстваў міліцыі, спальвання «Табакерак».
7 гадоў пазбаўлення волі ў калоніі
- Аб'яднанні
- Блогеры
Уладальнік ютуб-канала "Трэці рэгіён Беларусь" быў затрыманы 10 студзеня 2022 года, калі вярнуўся ў Беларусь на святы.
Яго абвінавачваюць у тым, што ён дэананімізаваў сілавікоў і ўжо пасля ад'езду ва Украіну працягваў «размяшчаць у сацсетцы інфармацыю антыдзяржаўнага кшталту, прапагандаваць супраціўленне прадстаўнікам улады».
Мужчына загружаў на свой канал відэа з акцыяў салідарнасці беларусаў у Кіеве. Таксама яму ў віну ставяць у віну цынічныя каментары пра загінулага супрацоўніка КДБ Дзмітрыя Федасюка.
У судзе Шклоўскага раёна 18 ліпеня 2023 г. разгледзелі справу Алега па ч. 2 арт. 411 КК РБ. Алега перавялі на турэмны рэжым.
Вырак суда 07.09.2022: 5 гадоў пазбаўлення волі ў калоніі ва ўмовах узмоцненага рэжыму.
Вырак суда 18.07.2023: невядома гадоў пазбаўлення волі ў калоніі ва ўмовах узмоцненага рэжыму.
Суд па змене рэжыму дата невядомая: невядома гадоў турэмнага рэжыму.
Льву Іўчыну 21 год . Хлопец доўгі час хаваўся ў Расіі. У гэтым годзе летам вярнуўся ў Беларусь, дзе яго і затрымалі . Леў Валер'евіч Іўчын - гэта сын палітвязня Валерыя Іўчына. Апошняга ў чэрвені 2024 г. таксама судзілі ў Магілёве па арт. 342 КК РБ за ўдзел у менскіх акцыях пратэсту. Яго суд прыгаварыў да 2 гадоў і 6 месяцаў абмежавання волі з накіраваннем у ВУАТ.
Вырак суда 20.09.2024: 2 годы абмежаванні волі без накіравання, 30 базавых велічынь штрафу.
Апеляцыя 12.11.2024: невядома.
Праўладныя тэлеграм-каналы сцвярджаюць, што дзяўчына была за мяжой некалькі гадоў.
На "пакаяным відэа" яе прымусілі расказаць , як ёй было цяжка ў іншых краінах свету, па якіх яна падарожнічала, таму яна "прыняла рашэнне вярнуцца на тэрыторыю Рэспублікі Беларусь, каб працягваць жыць, працаваць, развівацца і ствараць сям'ю на нашай беларускай зямлі".
На праўладным відэа мужчына кажа, што прыехаў з Польшчы і быў затрыманы на мяжы за тое, што быў з прысутнымі на мітынгу на вуліцы Савецкай разам з сябрам Уладзіславам Лапіным. Аўтары паста сцвярджаюць, што Лапін ваюе ва Украіне на баку ВСУ.
- Аб'яднанні
- IT-спецыялісты
- Аб'яднанні
- IT-спецыялісты
Лізавета працавала ў ІТ-кампаніі SENLA. У Польшчу, верагодна, з'ехала пасля пачатку вайны ва Ўкраіне. Потым вярнулася ў Гродна і была затрымана.
Суд над айцішніцай пачнецца 23 ліпеня. Дзяўчыне прад'яўлена абвінавачанне па артыкуле 342 КК РБ за нібыта "ўдзел у акцыях пратэсту".
Вырак суда 24.07.2024: невядома.
Апеляцыя 01.10.2024: невядома.
- Аб'яднанні
- IT-спецыялісты
- Аб'яднанні
- IT-спецыялісты
Праграмістка , якая прыехала ў Беларусь з Польшчы. Была затрымана разам са сваім сябрам Максімам Панавым у маі 2024 года за ўдзел у акцыі пратэсту ў 2020 годзе.
Вырак суда 26.06.2024: невядома гадоў абмежаванні волі без накіравання.
Апеляцыя 20.08.2024: прысуд пакінуты без змены.
- Аб'яднанні
- Бацькі непаўнагадовых
- Аб'яднанні
- Бацькі непаўнагадовых
Дзяўчына на праўладным відэа кажа , што яна ўдзельнічала ў пратэстах, а таксама нібыта курыравала дваровы чат «Несцерка». Гэта чат дома па вуліцы Багдановіча, 78, дзе калісьці была знакамітая крама «Несцерка».
Губапаўцы сцвярджаюць, што іх папярэдзілі аб вяртанні дзяўчыны праз бота, але ніяк гэта не сведчаць.
Грэта Далінкевіч (Максімава) у 2020-м займалася васковай дэпіляцыяй. У жанчыны ёсць два непаўналетнія дзіцяці. Вядома, што з 2021 года яна пераехала ў Калінінград па мужа Яўгена Далінкевіча, які ўладкаваўся там працу спартовым масажыстам. Але потым яны расталіся і яна пераехала ў Менск. Вядома, што апошнія некалькі тыдняў яна была ў Еўропе, але жыць туды не пераязджала.
невядома
- Аб'яднанні
- Аб'яднанні
Саліст групы "Мінімум дыстанцыі". На праўладным відэа Яген кажа , што ўдзельнічаў у акцыях пратэсту ў 2020 годзе, пасля выбараў «быў рэлацыраваны разам са сваім офісам ва Украіну». Пасля пачатку вайны ён з'ехаў у Польшчу і заставаўся там да заканчэння працоўнай візы, якую не змог падоўжыць у Польшчы. Пасля гэтага ён вярнуўся ў Беларусь.
Сілавікі дэманструюць скрыншот свайго бота з даносам на затрыманага і яго фота.
Пасля суда на тым жа праўладным канале з'явілася відэа, дзе Яўген кажа, што быў асуджаны на 3 гады абмежавання волі, пасля чаго вырашыў яшчэ прыйсці з пакаяннем і "пакаяцца" ў донатах.
3 гады абмежавання волі без накіравання
Хутчэй за ўсё, дзяўчыну затрымалі пры вяртанні ў Беларусь, бо яе акаўнт у фэйсбуку (зараз зачынены) быў зусім неачышчаны. На аватарцы стаяў бел-чырвона-белы сцяг, захоўваліся падпіскі на "люстэрка" і "Хартыю'97". А ў плацяжах стаялі тры ахвяраванні - на 10, 20 і 50 долараў.
Вольга скончыла Гомельскі дзяржаўны ўніверсітэт у 2011 годзе, яна адвучылася на праграміста-матэматыка. На яе профілі ў сетцы Linkedin пазначана шэсць IT-кампаній, у якіх яна працавала. Са жніўня 2020 дзяўчына кіруе камандай тэстыравальнікаў у кампаніі UULA, зарэгістраванай у Кувейце. Праўда, у акаўнце Вольгі Блажэвіч пазначана, што яна працавала ў Індыі.
Па словах сілавікоў, зараз Вольга Блажэвіч знаходзіцца ў ізалятары часовага ўтрымання і вырашаецца пытанне аб тым, да якой адказнасці яе прыцягнуць.
Першы раз Ігара Неміровіча затрымалі ў пачатку траўня 2022 года і адразу змясцілі пад хатні арышт, але ён уцёк і з'ехаў. Восенню гэтага года ён звярнуўся ў камісію па разглядзе зваротаў беларусаў, якія знаходзяцца за мяжой, і вярнуўся дадому, але гэты факт не прызналі "безумоўнай падставай для вываду аб яго раскаянні". 27 верасня 2023 года яго зноў затрымалі і змясцілі пад варту.
Паводле версіі абвінавачання , 10 жніўня 2020 года Ігар Неміровіч размясціў у Instagram фота з тэкстам у "непрыстойнай форме, якое зневажае гонар і годнасць Аляксандра Лукашэнкі, якое змяшчала негатыўную ацэнку і з'яўлялася абразлівым у адносінах да яго".
На працэсе Ігар віну прызнаў поўнасцю і расказаў, што з мая па жнівень 2020 года ён не жыў у Беларусі. Пра падзеі, якія адбываліся на радзіме, брэстаўчанін даведваўся са сродкаў масавай інфармацыі. "Падаўшыся негатыўным эмоцыям ад асвятляных падзей", ён размясціў у сацыяльнай сетцы Instagram фотавыява "абразлівага характару" ў дачыненні да Аляксандра Лукашэнкі.
16.08.2024 вызвалены поўнасцю адбыўшы тэрмін пакарання, прызначаны судом.
1 год пазбаўлення волі ў калоніі агульнага рэжыму.
Алена затрымана па "карагоднай справе". Яна вярталася з Польшчы ў Брэст. На пашпартным кантролі памежнікі зацікавіліся тым, што жанчына нарадзілася ва Украіне. Яе перадалі невядомым людзям у цывільным, якія запатрабавалі тэлефон.
У выніку жанчыну затрымалі. Пасля гэтага быў адміністрацыйны суд (15 сутак арышту па ч. 2 арт.19. 11 КаАП) праз два рэпоста ў Тэлеграм. А потым жанчыну змясцілі ў СІЗА да суда.
Вядома, што Алена жыла ў Брэсце і ездзіла ў Польшчу па пакупкі.
3 гады абмежавання волі без накіравання
Пасля таго, як у снежні 2021 года затрымалі сваяка Кліма, з якім ён быў на адным з маршаў у 2020 годзе, Клім вырашыў не чакаць свайго затрымання і з'ехаў у Маскву. Праз некалькі дзён у кватэру да ягоных бацькоў прыйшлі супрацоўнікі сілавых структураў у пошуках Кліма. Праз паўтара года на ягоны беларускі адрас пачалі прыходзіць позвы з ваенкамата, бо скончылася адтэрміноўка ад войска. Клім вырашыў з'ездзіць у РБ, прайсці медкамісію. Улетку 2023 года пасля прыезду ў Беларусь яго затрымалі супрацоўнікі ГУБАЗ, пры затрыманні ён быў моцна збіты. На яго завялі крымінальную справу за ўдзел у акцыях пратэсту 2020 года, да суда Клім знаходзіўся ў зняволенні.
2,5 гады абмежавання волі без накіравання