Усе рэпрэсаваныя

Згодна з матэрыяламі справы , мужчына 27 лютага 2022 года зняў на відэа палёты ваенных самалётаў і адправіў відэазапіс т.зв. "экстрэмісцкаму фарміраванню". Куды менавіта быў адпраўлены ролік - не ўдакладнялася.

Валянціна паводле праўладных тэлеграм-каналаў затрымалі 9 чэрвеня 2023 года за "восем каментароў на тэму расійскай агрэсіі з абразамі грамадзян Расіі", чым ён нібыта "паспрабаваў распаліць нацыянальную варожасць". Таксама паведамляецца аб пакінутых абразах у дачыненні да Лукашэнкі.

Да арышту Валянцін Штэрмер з'яўляўся дырэктарам ТАА "Авангардбізнэсрэсурс", быў заснавальнікам камерцыйных фірм у Расіі.
Суд прызнаў Штэрмера вінаватым ва ўваходжанне ў склад экстрэмісцкага фарміравання ў мэтах учынення злачынства экстрэмісцкай накіраванасці.

01.12.2023 года адбыўся разгляд апеляцыйнай скаргі, прыгавор уступіў у сілу.

Хлопцу 22 гады, родам ён са Свіслачы, мястэчка ў Гродзенскай вобласці. Служыў у войску, а пасля пераехаў жыць у Гродна. Займаўся спортам, напрыклад, прадстаўляў родны горад на юніёрскім спартыўным мнагабор'і.

Зараз хлопца затрыманы і змешчаны ў СІЗА. Яго абвінавачваюць у падрыхтоўцы да акту тэрарызму.

Па легендзе КДБ, агучанай у праўладным фільме на АНТ, павінен быў здзейсніць дыверсію ў Гродне.

На кадрах допыту ён кажа, што яму нібыта паставілі задачу падарваць нафтабазу з дапамогай робата са сваёй нагі і выбухоўкі.

Грамадзянін РФ. У праўладным фільме «Гаспар на сувязь не выйшаў» на тэлеканале АНТ, які выйшаў 05.04.2023 года, расказваюць, што Аляксей нібыта здымаў на фота аб'екты ў Гродне — ваенкамат Гродна і Гродзенскага раёна, вайсковую часць 41780, нафтабазу раёна Аульс, нафтабазу раёна генконсульства РФ. А таксама, што год таму Кулікоў уцёк ад прызыву, а трапіць у Гродна яму дапамог расейскі апазіцыянер Данііл Крынары (Кавалеўскі). У снежні Крынары затрымалі ў Гродне і экстрадавалі ў Расію.

З найбліжэйшых сваякоў у Аляксея толькі бабуля.

20-гадовага Уладзіслава абвінавацілі ў тым, што ён з 24 па 25 лютага 2022 г. рабіў фота і відэа ваеннай тэхнікі, вайскоўцаў, а таксама ваеннага аэрадрома ў Бабруйску.

Пасля Уладзіслаў пераслаў не менш за 9 відэафайлаў і фатаграфій у тэлеграм-канал, прызнаны «экстрэмісцкім».

27-гадовы жыхар Оршы Яраслаў Казакевіч, абвінавачаны ў садзейнічанні экстрэмісцкай дзейнасці.

Згодна з матэрыяламі справы, абвінавачаны 8 снежня 2022 года на чыгуначным вакзале станцыі "Орша-Цэнтральная" з выкарыстаннем мабільнага тэлефона Samsung Galaxy зрабіў відэафайл, на якім быў зафіксаваны эшалон з расійскай ваеннай тэхнікай. Затым Казакевіч, знаходзячыся ў вагоне цягніка рэгіянальных ліній, распаўсюдзіў праз сетку Інтэрнэт названы відэафайл у Telegram-канале, інфармацыйная прадукцыя якога раней была прызнана судом экстрэмісцкімі матэрыяламі.

Літаральна на другі дзень, 9 снежня 2022 года, Яраслаў быў затрыманы супрацоўнікамі міліцыі і судом Аршанскага раёна арыштаваны на 15 сутак за выраб і распаўсюд экстрэмісцкіх матэрыялаў. На волю ён больш не выйшаў.

06.06.2023 года прайшло апеляцыйнае пасяджэнне. Прысуд уступіў у сілу.

Згодна з матэрыяламі следства Мікалай Кароль з лютага 2021 года па кастрычнік 2022 года са свайго мабільнага тэлефона размясціў у розных месенджарах паведамленні, у якіх выклаў «паклёпніцкія выдумкі ў дачыненні да Лукашэнкі, публічна абразіў яго, а таксама кіраўнікоў Цэнтрвыбаркама і Савета Рэспублікі Нацыянальнага сходу, шэраг іншых дзяржаўных служачых і суддзю».

Ён жа 11 кастрычніка 2022 года «у мэтах садзейнічання дзейнасці дэструктыўнага Telegram-канала, інфармацыйная прадукцыя якога раней была прызнана судом экстрэмісцкімі матэрыяламі, вырабіў і адправіў паведамленне аб перамяшчэнні ваенных самалётаў у раёне Брэста».

У Мікалая ёсць жонка і падгадаваны сын.

Паўла суд прызнаў вінаватым у «агентурнай дзейнасці» на карысць Украіны. Органы абвінавацілі яго і яшчэ двух мужчын у адпраўцы звестак вайсковай выведкі Украіны.

Прапагандысты сввярджаюць, што Купрыенку завербавалі ўкраінскія спецслужбы. Тараса Мачынскага абвінавачваюць у тым, што ён перадаваў дадзеныя аб размяшчэнні і перасоўванні па Беларусі вайсковай тэхнікі Купрыенку, а той, у сваю чаргу, — украінскім спецслужбам. Паведамляецца, што Салавянчыка «выкарыстоўвалі ў цёмную». У відэасюжэце распавядаюць, што Дзмітрый здымаў перамяшчэнне ваеннай тэхнікі ў Беларусі і прасіў пра гэта родных, а потым перадаваў Купрыенку, «не ведаючы, для чаго яны яму».

Быў затрыманы за размову ў чат-рулетцы з Юрыем Камаром.

Падчас размовы ён папрасіў ва ўкраінцаў зброю "а на пытанне Камара" будзеш валіць ябатек?", адказаў "Так".

Дзмітрый быў затрыманы разам з сябрам — ім на галаву апранулі БЧБ-сцягі, а пасля прымусілі мыць імі падлогу.

19.09.2023 адбылося апеляцыйнае паседжанне суда. Прысуд уступіў у сілу.

9 студзеня 2023 года Гомельскі абласны суд у асобе суддзі Мікалая Долі разгледзеў справу двух гамельчукоў – Уладзіслава Яцэнкі і Кірыла Плакушчава. Паводле следства адзін з іх неаднаразова размяшчаў у адной з сацсетак публікацыі з заклікам да ўдзелу ў батальёне Кастуся Каліноўскага, «Азове» і іншых фармаваннях Узброеных Сіл Украіны. А яшчэ перавёў 21 еўра для батальёна Кастуся Каліноўскага. А яшчэ абодвух хлопцаў абвінавацілі ў тым, што яны наносілі цынічныя надпісы і малюнкі на сцены будынкаў. Суд ацаніў шкоду ў 130 рублёў.

Былы ўкраінец. Беларускае грамадзянства атрымаў у 2010 годзе, часта бывае ў памежжы.

У сюжэце на праўладным канале сцвярджаецца, што ён перадаваў Купрыенку (абвінавачваецца ў шпіянажы), напрыклад, дадзеныя аб размяшчэнні ваеннай тэхнікі, руху калон. 

Лідэр незалежнага прафсаюза «Нафтана». Вольга працавала на прадпрыемстве 16 гадоў і з-за сваёй пазіцыі была звольнена. У траўні 2022 года яна выйшла на волю пасля 75 сутак арышту за выказванні супраць вайны. Была затрыманая 1 лістапада зноў па адміністрацыйным артыкуле.

Праз два дні суд прызнаў яе вінаватай у распаўсюджванні «экстрэмісцкіх матэрыялаў» і прызначыў 15 сутак арышту. 11 лістапада яе зноў асудзілі на 15 сутак за «несанкцыянаваны пікет» . Падставай для разбору стаў малюнак з надпісам "Не вайне", які Вольга апублікавала ў сацсетках. 21.11.2022 стала вядома, што Вольгу перавялі ў СІЗА ў Віцебску. 

За няпоўны 2022 год Брыцікава правяла за кратамі 105 сутак — з іх вясной 75 сутак запар.

Была паўторна затрымана па арт.361 ч.2 КК РБ у жніўні 2023 года.

Як стала вядома з судовай пастановы, Наста пасля пачатку поўнамаштабнага ўварвання Расіі ва Украіну пераехала з Беларусі ў Польшчу. Знаходзячыся ў суседняй краіне, яна паспрабавала зрабіць ахвяраваньне са свайго беларускага банкаўскага рахунку праз інтэрнэт-банкінг палку імя Каліноўскага памерам 16,71 даляраў ЗША, аднак транзакцыя не прайшла.

Пазней палітвязня вырашыла вярнуцца ў Беларусь, дзе была затрыманая. Варта адзначыць, што на момант пералічэння сродкаў Настассяй полк імя Каліноўскага не быў прызнаны "экстрэмісцкім фармаваннем".

Студэнтка «МДУ Куляшова ў Магілёве».

Паводле версіі абвінавачвання, дзяўчына перапосціла ў чат публікацыю, якая крытыкуе дзеянні Пуціна і Лукашэнкі з заклікамі выходзіць на вуліцу, калі беларускае войска ўступіць у вайну.

Аляксандр быў затрыманы 3 сакавіка 2022 года за відэа з удзелам вайскоўца. На праўладных каналах з'явілася «пакаяльнае» відэа.

Мужчыну прызналі вінаватым у «гвалце або пагрозе гвалту» ў дачыненні да салдата Міхаіла Крута. Падчас аднаго антываеннага мітынгу 27 лютага 2022 года ў Менску. Аляксандр проста ішоў на салдата, пакуль той адступаў. Відэа разляцелася па інтэрнэт-крыніцах.

Падчас допыту Аляксандра катавалі, пра што ён распавёў на судзе. Сваю віну мужчына не прызнаў.

17.02.2023 адбылося апеляцыйнае паседжанне суда. Прысуд уступіў у сілу.